Мінэсота Ўайлд

	Мінэсота Ўайлд
Дывізіён	Цэнтральны
Канфэрэнцыя	Заходняя
Краіна	ЗША
Горад	Сэнт-Пол, Мінэсота
Заснаваны	2000
Стадыён	Xcel Energy Center (18 834)
Колеры	Зялёны, чырвоны, залаты, пшанічны і белы;
Гісторыя	Мінэсота Ўайлд; 2000 — цяпер
Галоўны трэнэр	Джон Гайнз[d];
Афіцыйны сайт	wild.nhl.com (анг.)

Мінэсота Ўайлд (па-ангельску: Minnesota Wild) — прафэсійны хакейны клюб, які гуляе ў Нацыянальнай хакейнай лізе. Клюб месьціцца ў горадзе Сэнт-Пол, штат Мінэсота, ЗША. Свае хатнія гульні каманда ладзіцца ў Xcel Energy Center^[2]. «Мінэсота Ўайлд» быў закладзены 25 чэрвеня 1997 году, але спаборнічаць каманда пачала толькі з сэзону 2000—2001 гадоў^[3]. Франшыза ў НХЛ зь Мінэсоты паўстала упершыню з 1993 году, калі колішняя дружына «Мінэсота Норт Старз» пераехала ў Далас^[4]. У сэзоне 2002—2003 гадоў клюб трапіў у розыгрыш Кубка Стэнлі, дзе дакрочыў ажно да паўфіналу, саступіўшы «Анагайм Майці Дакс»^[5].

Гісторыя

Пасля ад’езду з штату клюбу «Мінэсота Норт Старз» па сэзоне 1992—1993 гадоў^[6] Мінэсота заставалася без прадстаўніцтва ў НХЛ цягам сямі сэзонаў. Мэр Сэнт-Пол Норм Колман учыніў кампанію альбо прыцягненьня ў горад існай франшызы, альбо стварэньня новай франшызы ў наступным пашырэньні лігі. Высілкі галавы гораду наблізіліся да посьпеху ў сярэдзіне 1990-х гадоў, калі Мінэсота зацікавіла арыгінальную каманду «Вініпэг Джэтс». Аднак перамовы не далі плёну, і «Джэтс» замест гэтага пераехалі ў Фінікс.

Хутка НХЛ абвесьціла аб сваім намеры пашырыцца з 26 да 30 камандаў. Бізнэсовец і ўраджэнец Мінэтонкі Боб Нагеле-малодшы стаў галоўным інвэстарам навастворанага клюбу, які, у канчатковым рахунку, быў і першым мажарытарным уладальнікам каманды. 25 чэрвеня 1997 году НХЛ абвесьціла, што Мінэсота атрымала права ўтварыць франшызу на пашырэньні, каб пачаць гуляць з сэзону 2000—2001 гадоў. Клюбная назва «Ўайлд» была афіцыйна прэзэнтаваная грамадзкасьці 22 студзеня 1998 году на тагачаснай клюбнай арэне, а з дынамікаў арэны гучала песьня гурта Steppenwolf «Born To Be Wild». Свае першыя спонсарскія пагедненьні каманда склала з кампаніямі MasterCard і First USA.

Першым галоўным трэнэрам каманды быў прызначаны канадзкі адмысловец Жак Лемэр, а ў першым раўндзе драфту НХЛ 2000 году клюб абраў славацкага нападнікам Марыяна Габарыка, які ў выніку закінуў дэбютную шайбу клюбу ў розыгрышах НХЛ. Адбылося гэта ў выяздным матчы 6 кастрычніка 2000 году супраць «Анагайм Майці Дакс»^[7]. 11 кастрычніка «Ўайлд» згулялі сваю першую хатнюю гульню ў гісторыі супраць «Філадэлфіі Флаерз»^[8]. Ураджэнец Мінэсоты Дарбі Гэндрыксан адзначыўся першым голам у хатніх гульнях у гісторыі клюбу.

Склад

Паводле стану на 31 студзеня 2026 году

Брамнікі
30	Еспэр Вальстэт	2002	32	Філіп Густаўстан	1998
Абаронцы
5	Джэйкаб Мідэлтан	1996	7	Брок Фэйбр	2002
24	Зак Багасян	1990	25	Юнас Брадын	1993
26	Мэт Кірстэд	1998	43	Кўін Г’юз	1999
46	Джарэд Спэрджан	1989	48	Дэйман Гант	2002
55	Давід Іржычак	2003
Нападнікі
12	Мэт’ю Болдзі	2001	13	Якаў Трэнін	1997
14	Юэль Эрыксан Эк	1997	17	Маркус Фаліна	1991
18	Вінс Гінастроза	1994	19	Тайлер Пітлік	1991
22	Даніла Юраў	2003	36	Матс Сукарэльлё	1987
38	Раян Гартман	1994	78	Ніка Штурм	1995
90	Маркус Югансан	1990	91	Уладзімер Тарасенка	1991
97	Кірыл Капрызаў	1997