Атава Сэнатарз

	Атава Сэнатарз
Дывізіён	Атлянтычны
Канфэрэнцыя	Усходняя
Краіна	Канада
Горад	Атава, Антарыё
Заснаваны	1990
Стадыён	Canadian Tire Centre
Колеры	чырвоны, чорны, залаты і белы;
Гісторыя	Атава Сэнатарз; 1992 — цяпер
Афіцыйны сайт	nhl.com/senators

Атава Сэнатарз (па-ангельску: Ottawa Senators) — прафэсійны хакейны клюб, які гуляе ў Нацыянальнай хакейнай лізе. Клюб месьціцца ў горадзе Атава, правінцыя Антарыё, Канада. Клюб быў закладзены бізнэсоўцам у сфэры нерухомасьці з Атавы Брусам Файрстоўнам 6 сьнежня 1990 году, пасьля двухгадовых перамочаў. Новая франшыза пачала гуляць у сэзоне 1992—1993 гадоў^[1]. Клюб быў названы ў гонар былога хакейнага клюбу гораду, які быў засанваны ў 1883 годзе і гуляў у НХЛ з 1917 па 1934 гады, здабыўшы 11 разоў Кубак Стэнлі.

Гісторыя

Яшчэ з канца XIX стагодзьдзя ў Атаве існавала хакейная каманда, якая пазьней далучылся да НХЛ. Пасьля таго, як ліга пашырылася ў ЗША ў канцы 1920-х, фінансавыя страты сэнатараў прымусілі франшызу пераехаць у Сэнт-Луіс у 1934 годзе, дзе каманда пачала называцца «Сэнт-Луіс Іглз». У горадзе засталася толькі аматарская каманда.

Толькі празь дзесяцігодзьдзі ўзнавілася цікавасьць да прыцягненьня хакею ў горад. Аматарам у гэтай справе выступіў бізнэсовец Брус Файрстоўн, да якога далучыліся Сыріл Лідэр і Рэндзі Сэкстан. Цікавасьць мелася і ў грамадзкасьці, бо адразу было зарэзэрваная 11 тысяч сэзонных абанэмэнтаў^[2]. 12 сьнежня 1990 году НХЛ зацьвердзіла новую франшызу для Атавы, і новая каманда мусіла пачаць гуляць з сэзону 1992—1993 гадоў^[1].

Першапачаткова каманда была зацікаўленая ў паслугах Браяна Сатэра ў якасьці першага галоўнага трэнэра, але Сатэр запатрабаваў бы высокі заробак і неахвотна бы ачоліў наваствораную каманду. У рэшце, Сатэр уладкаваўся ў «Бостан Бруінз», а атаўскі клюб падпісаў Рыка Боўнэса, якога Сатэр і замяніў на пасадзе галоўнага трэнэра ў Бостане. «Сэнатары» былі зьмешчаныя ў Адамзкі дывізіён Ўэйлскай канфэрэнцыі. Сваю дэбютную гульну канадцы прагулялі 8 кастрычніка 1992 году ў матчы супраць «Манрэаль Канадыенз». Уступны сэзон апынуўся катастрафічным, бо каманда здабыла толькі 10 пунктаў, прагуляўшы пры гэтым 70. Па-за лёдам, Файрстоўн меў патрэбу ў яшчэ адным партнэры, каб палепшыць клюбны фінансавы стан. У выніку 50% франшызы былі прададзеныя прадпрымальніку Роду Брайдэну. Было створанае абмежаванае партнэрства, каб валодаць хакейнай камандай і новай кампаніяй Palladium Corp., якая пачала будаўніцтва новай арэны.

Склад

Паводле стану на 31 студзеня 2026 году

Брамнікі
35	Лінус Ульмарк	1993	47	Джэймз Раймэр	1988
Абаронцы
2	Арцём Зуб	1995	3	Нік Джэнсэн	1990
10	Джордан Спэнс	2001	33	Нікалас Матыпала	1998
43	Тайлер Клэвэн	2002	72	Тама Шабо	1997
85	Джэйк Сандэрсан	2002
Нападнікі
7	Брэйдзі Ткачак	1999	12	Шэйн Пінта	2000
18	Тым Штуцле	2002	19	Дрэйк Батэрсан	1998
20	Фабіян Зэтэрлюнд	1999	21	Нік Казынз	1993
22	Майкл Амадыё	1996	23	Кэртыс Макдэрмід	1994
24	Дылан Казэнз	2001	28	Клёд Жыру	1988
57	Давід Пэрон	1988	71	Рыдлі Грэйг	2002
83	Стывэн Голідэй	2002	89	Лярс Элер	1989