Нью-Ёрк Айлэндэрз

	Нью-Ёрк Айлэндэрз
Дывізіён	Сталічны
Канфэрэнцыя	Усходняя
Краіна	ЗША
Горад	Юніяндэйл, Нью-Ёрк
Заснаваны	1972
Стадыён	Nassau Veterans Memorial Coliseum
Колеры	цёмна-сіні, аранжавы і белы;
Гісторыя	Нью-Ёрк Айлэндэрз; 1972 — цяпер
Афіцыйны сайт	islanders.nhl.com (анг.)

Нью-Ёрк Айлэндэрз (па-ангельску: New York Islanders) — прафэсійны хакейны клюб, які гуляе ў Нацыянальнай хакейнай лізе. Клюб месьціцца ў горадзе Нью-Ёрк, штат Нью-Ёрк, ЗША. «Айлэндэрз» ёсьць адной з трох клюбаў НХЛ у аглямэрацыі Нью-Ёрку поруч з «Нью-Джэрзі Дэвілз» і «Нью-Ёрк Рэйнджарз». Заўзятарамі каманды ў першую чаргу жывуць у Лонг-Айлэндзе. Каманда чатыры разы запар выйгравала Кубак Стэнлі з 1980 па 1983 гады, але ў наступныя гады нью-ёркцы зьведалі пагаршэньне вынікаў, эканамічныя цяжкасьці і зьмяншэньне наведвальнасьці. У 1988 годзе каманда трапіла ў плэй-оф Кубка Стэнлі, але наступныя 22 сэзоны «Айлэндэрзу» не хапалі моцы, каб прабіцца ў плэй-оф.

Гісторыя

Восеньню 1972 году Сусьветная хакейная асацыяцыя (СХА) заплянавала разьмесьціць у Нью-Ёрку каманду. Гэтай камандай была «Нью-Ёрк Райдэрз», якая мусіла гуляць у пабудаваным Насаў-Вэтэранз-Мэморыял-Калізэюм у акрузе Насаў^[1]. Аднак, улады акругі не жадалі, каб сюды прыехаў клюб ў СХА^[2]. У адказ прадстаўнікі Нацыянальнай хакейнай лігі (НХЛ) нанялі Ўільяма Шы, які дзесяцігодзьдзем раней дапамог стварыць у гэтым месцы бэйсбольны клюб «Нью-Ёрк Мэтс», каб той здолеў стварыць каманду НХЛ на Лонг-Айлэндзе.

Тым ня менш, рэзка супраць стварэньню яшчэ аднага клюбу ў межах гораду запярэчыла кіраўніцтва «Нью-Ёрк Рэйнджарз», якія не жадалі пашырэньню дадатковай канкурэнцыю ў горадзе і ваколіцах^[3]. У рэшце рэшт, кіраўнік НХЛ Кларэнс Кэмпбэл і Ўільям Шы здолелі пераканаць уладальнікаў «Рэйнджарз» і Мэдысан-Сквэр-Гардэн, каб яны перагледзелі сваё стаўленьне. Прэзыдэнт «Рэйнджарз» Біл Джэнінгс узважыў плюсы і мінусы. Ён зразумеў, што яшчэ адная мясцовая каманда НХЛ будзе вымушаная кампэнсаваць «рэйнджарам» сродкі пры пашырэньні, у той час як з каманды СХА будзе цяжка спагнаць нейкія грошы. Нарэшце, калі новая франшыза НХЛ будзе базавацца ў прадмесьцях у акрузе Насаў, гэта дапаможа згуртаваць жыхароў Нью-Ёрку вакол «рэйнджараў».

Не зважаючы на тое, што за два гады да таго ўжо адбылося пашырэньня НХЛ да 14 клюбаў, 8 лістапада 1971 году НХЛ далі дазвол на стварэньне каманда ў Лонг-Айлэндзе, якую меўся атрымаць прадпрымальнік Рой Бо, які валодаў таксама баскетбольным клюбам «Нью-Ёрк Нэтс»^[4]. Паводел ўмоваў Бо мусіў зрабіць уступны ўнёсак 6 мільёнаў даляраў, а таксама сплаціць 5 мільёнаў даляраў клюбу «Нью-Ёрк Рэйнджарз» у якасьці кампэнсацыі за падзел мясцовага рынку^[5]. Поруч зь Нью-Ёркам новую франшызу атрымала Атланта, дзе быў створаны клюб «Атланта Флэймз», бо ліга жадала захаваць каляндар збалянсаваным і не дапусціць СХА на новы рынак, бо ў Атланце быў пабудаваны ў той час новы стадыён Омні-Калізэюм^[3].

Назва «Нью-Ёрк Айлэндэрз» была публічна агалошанае 15 лютага 1972 году на адмыловай прэсавай канфэрэнцыі^[6]. Шмат хто разьлічваў, што клюб будзе мець назву «Лонг-Айлэнд Дакс» бо раней з 1959 па 1973 гады існавала каманды з такой жа назвай^[7]. Зьяўленьне новай каманды пагоршыла фінансавы стан «Нью-Ёрк Райдэрз» з СХА, які хутка быў вымушаны зьехаць з Мэдысан-Сквэр-Гардэн і перабрацца у Нью-Джэрзі^[8].

Склад

Паводле стану на 31 студзеня 2026 году

Брамнікі
30	Ільля Сарокін	1995	33	Давід Рытых	1992
40	Сямён Варламаў	1988
Абаронцы
3	Адам Пэлек	1994	4	Карсан Сусі	1994
6	Раян Пулак	1994	24	Скот Мэйфілд	1992
28	Аляксандар Раманаў	2000	34	Адам Боквіст	2000
48	Мэт’ю Шэфэр	2007	77	Энтані Дэанджэла	1995
Нападнікі
10	Сыман Гольмстрэм	2001	11	Антані Дзюклер	1995
13	Мэт’ю Барзал	1997	14	Бо Горват	1995
16	Марк Гэткам	1999	21	Кайл Палм’еры	1991
27	Андэрз Лі	1990	29	Жанатан Друан	1995
32	Кайл Маклін	1999	44	Жан-Габрыель Пажо	1992
49	Максім Шабанаў	2000	51	Эміль Гэйнэман	2001
53	Кейсі Сызыкас	1991	64	Калам Рытчы	2005
81	Ондржэй Палат	1991