Юта Мамат

	Юта Мамат
Дывізіён	Цэнтральны
Канфэрэнцыя	Заходняя
Краіна	ЗША
Горад	Солт-Лэйк-Сіці, Юта
Заснаваны	2024
Стадыён	Дэльта-Сэнтар
Колеры	Чорны, блакітны, белы;
Гісторыя	Арызона Каётыз; 1970 — 2024
Афіцыйны сайт	nhl.com/utah/

«Ю́та Ма́мат» (па-ангельску: Utah Mammoth) — прафэсійны хакейны клюб, які гуляе ў Нацыянальнай хакейнай лізе. Клюб месьціцца ў горадзе Солт-Лэйк-Сіці, штат Юта, ЗША. Каманда далучылася да лігі з сэзону 2024—2025 гадоў, замяніўшы «Арызону Каётыз». Свае хатнія матчы ладзіць на арэне Дэльта-Сэнтар, якую падзяляе з клюбам НБА «Ютай Джаз». Каманда гуляла свой першы сэзон з часовай назвай і колерамі, але новая сымболіка была распрацаваная да пачатку наступнага сэзону^[1]^[2]. Па выніках галасаваньня заўзятараў была абраная назва «Юта Мамат», якая стала афіцыйнай 7 траўня 2025 году^[3].

Гісторыя

Да зьяўленьня клюбу НХЛ места Солт-Лэйк-Сіці мела абмежаваную хакейную гісторыю. Першай камандай, якая пачала базавацца ў горадзе, была «Солт-Лэйк Голдэн Іглз», якая 25 сэзонаў спаборнічала ў Заходняй хакейнай лізе, Цэнтральнай хакейнай лізе і Міжнароднай хакейнай лізе (МХЛ) з 1969 па 1994 гады. Свае хатнія матчы гэты клюб ладзіў у Солт-Пэласе ажно першыя 22 гады, пасьля чаго апошнія свае тры сэзоны гулялі ў арэне Дэльта-Сэнтар.

Пасьля ўсяго аднаго сэзону па-за хакеем, Солт-Лэйк-Сіці атрымаў яшчэ адну франшызу МХЛ у 1995 годзе, калі дзейны чэмпіён Кубка Тэрнэра «Дэнвэр Грызьліз», заменены нядаўна перанесенай камандай «Каларада Эвэланш» з НХЛ, пераехаў на Дэльта-Сэнтар. Каманда зьмяніла сваю назву на «Юта Грызьліз». Дружына правяла ў Солт-Лэйк-Сіці два сэзоны, падчас аднаго зь якіх каманда яшчэ раз здабыла перамогу ў Кубку Тэрнэра ў 1996 годзеэ. Чацьвертую фінальную гульню за кубак, якая ладзілася на мясцовай арэне, наведала 17 381 чалавек, што на той момант стала самай вялікай наведвальнасьцю ў гісторыі ніжэйшых лігаў^[4]. Пасьля вялікіх камандаў у горадзе не было, толькі некалькі перадсэзонных гульняў «Лос-Анджэлес Кінгс» у рамках сэрыі «Замарожаная лютасьць» ладзілася на арэне^[5]^[6].

Спачатку Солт-Лэйк-Сіці зважаўся за новы горад дзеля франшызы яшчэ ў чэрвені 2023 году, калі зьявіліся чуткі аб патэнцыйным пераезьдзе «Арызоны Каётыз» пасьля правалу рэфэрэндуму на будаўніцтва Нью-Тэмп-Арэны^[7]. Праз шэсьць месяцаў, ужо ў студзені 2024 году, Раян Сьміт, уладальнік клюбу НБА «Юта Джаз» і суўладальнік мясцовага футбольнага клюбу «Рэал», зьвярнуўся ў НХЛ з просьбай пачаць працэс пашырэньня на Солт-Лэйк-Сіці. Было выяўлена, што дыскусіі аб гэтым пашырэньні вядуцца з пачатку 2022 году^[8], а Сэнат штату Юта зрабіў пэўныя заканадаўчыя пастановы ў лютым 2024 году, каб падтрымаць будаўніцтва новай арэны ў цэнтры гораду, прыдатную для хакея^[9].

Склад

Паводле стану на 31 студзеня 2026 году

Брамнікі
41	Вітэк Ванечак	1996	70	Карэл Вэймэлка	1996
Абаронцы
2	Олі Мяаця	1994	6	Джон Марына	1997
28	Ен Коўл	1989	50	Шоп Дэрзі	1998
57	Нік Дэсымон	1994	88	Нэйт Шміт	1991
98	Міхаіл Сергачоў	1998
Нападнікі
8	Нік Шмалц	1996	9	Клэйтан Келер	1998
11	Дылан Гантэр	2003	13	Брэндан Танэў	1991
15	Аляксандар Керфут	1994	19	Данііл Бут	2005
22	Джэк Макбэйн	2000	27	Барэт Гэйтан	2000
38	Ліям О’Браен	1994	53	Майкл Каркон	1996
56	Кайлер Ямамота	1998	67	Лоўсан Краўс	1997
77	Джон-Джэйсан Пэтэрка	2002	82	Кевін Стэнлюнд	1996
92	Логан Кулі	2004