Стыў Манданда
| Стыў Манданда | ||
 | ||
| Пэрсанальная інфармацыя | ||
|---|---|---|
| Нарадзіўся | 28 сакавіка 1985 (33 гады) Кіншаса, Заір | |
| Рост | 185 см | |
| Вага | 82 кг | |
| Пазыцыя | брамнік | |
| Клюбная інфармацыя | ||
| Клюб | Алімпік Марсэль | |
| Нумар | 30 | |
| Моладзевыя клюбы | ||
| 2000—2004 | Гаўр | |
| Клюбы | ||
| Гады | Клюб | Гульні (галы)¹ |
| 2004—2007 2007—2008 2008—2016 2016—2017 2017— |
Гаўр → Алімпік Марсэль (арэнда) Алімпік Марсэль Крыстал Пэлас Лёндан Алімпік Марсэль |
67 (0) 34 (0) 300 (0) 9 (0) 28 (0) |
| Зборныя | ||
| 2008— | Францыя | 28 (0) |
|
¹ Колькасьць гульняў і галоў за прафэсійны клюб лічыцца толькі | ||
Стыў Манданда (па-француску: Steve Mandanda; нарадзіўся 28 сакавіка 1985 году, Кіншаса, Заір) — францускі футбаліст кангалескага паходжаньня, які выступае за клюб «Алімпік Марсэль» і нацыянальную зборную Францыі. Чэмпіён сьвету 2018 году.
Зьмест
Клюбная кар’ера[рэдагаваць | рэдагаваць крыніцу]
Раньнія гады[рэдагаваць | рэдагаваць крыніцу]
Стыў зьяўляецца старэйшым з чатырох сыноў у сям’і. Неўзабаве пасьля нараджэньня Стыва ягоны бацька зьехаў у Францыю. Пасьля таго як Стыву споўнілася два гады, ён разам з маці пераехаў за бацькам. Першыя два гады сям’я жыла ў Эўро, затым пераехала на адзін год у Нэвэр, пасьля чаго вярнулася назад у Нармандыю.
«Гаўр»[рэдагаваць | рэдагаваць крыніцу]
У 15 гадоў Стыў трапіў у сыстэму футбольнага клюбу «Гаўр». Першапачаткова ён абраў клюб «Кан», але пасьля аднаго з матчаў ён трапіў у лякарню з апэндыцытам. Пасьля апэрацыі Стыва й ягоных бацькоў знайшоў скаўт «Гаўру», які ўгаварыў таленавітага брамніка зьмяніць клюб.
Стыў чатыры гады выступаў за розныя моладзевыя каманды, пасьля чаго ў сэзоне 2004—2005 гадоў быў пераведзены ў асноўны склад каманды, якая выступала тады ў Лізе 2.
«Алімпік» Марсэль[рэдагаваць | рэдагаваць крыніцу]
У «Марсэль» Стыў прыехаў 23 ліпеня 2007 году[1], і ўжо на наступны дзень прыступіў да трэніровак з камандай[2]. У камандзе ён атрымаў 30-ы нумар і першапачаткова плянаваўся як другі брамнік пасьля Сэдрыка Карасо. Аднак у жніўні 2008 году, калі Карасо атрымаў цяжкую траўму ахіла[3] й выбыў на доўгі тэрмін, трэнэру каманды прыйшлося даверыць месца ў браме маладому галкіпэру. Ягоны дэбют адбыўся ў госьцевым матчы пятага туру супраць клюбу «Кан», які «Алімпік» перамог зь лікам 2:1[4].
Міжнародная кар’ера[рэдагаваць | рэдагаваць крыніцу]
Стыў перад дэбютам у галоўнай зборнай Францыі выступаў за розныя моладзевыя зборныя. Ягоны дэбют у зборнай прыйшоўся на таварыскі матч супраць зборнай Эквадору 27 траўня 2008 году, Манданда выйшаў адразу пасьля перапынку, замяніўшы Сэбаст’ена Фрэя й здолеў захаваць сваю браму ў недатыкальнасьці, той матч скончыўся перамогай францускай зборнай зь лікам 2:0.
Дасягненьні[рэдагаваць | рэдагаваць крыніцу]
- Чэмпіён Францыі: 2010
- Уладальнік Кубка лігі Францыі: 2010, 2011, 2012
- Уладальнік Супэркубка Францыі: 2010, 2011
Францыя:
- Чэмпіён сьвету: 2018
Крыніцы[рэдагаваць | рэдагаваць крыніцу]
- ^ Accord trouvé pour Steve Mandanda. OM.net
- ^ Steve Mandanda: «A really, really high level». OM.net
- ^ Каррасо готов к возвращению на поле. sport-express.ru
- ^ Дебют Стива Манданды принёс первую победу «Марселю». championat.ru
Вонкавыя спасылкі[рэдагаваць | рэдагаваць крыніцу]
Стыў Манданда — сховішча мультымэдыйных матэрыялаў
- Афіцыйны сайт
- Профіль на афіцыйным сайце ФК Алімпік Марсэль
- Статыстыка на сайце LFP.fr
- Профіль на сайце transfermarkt.co.uk
- Статыстыка на сайце National Football Teams
Алімпік Марсэль — цяперашні склад
|
|---|
|
1 Каньён · 2 Сакаі · 4 Камара · 5 Акампас · 6 Раланду · 7 Раданьіч · 8 Сансон · 10 Пает · 11 Мітраглю · 12 Строотман · 13 Абдэнур · 14 Н’Жые · 15 Чалета-Цар · 16 Пэле · 17 Сар · 18 Амаві · 19 Луіс Густаву · 20 Рак’я · 22 Сэртыч · 23 Рамі · 25 Губачан · 26 Тавэн · 27 Ляпэс · 28 Жэрмэн · 30 Манданда · 40 Эскаль · Трэнэр: Гарсія |
