Карым Бэнзэма
| Карым Бэнзэма | ||
| ||
| Пэрсанальная інфармацыя | ||
|---|---|---|
| Нарадзіўся | 19 сьнежня 1987[1][2][3] (34 гады) | |
| Рост | 185 см | |
| Вага | 81 кг | |
| Пазыцыя | нападнік | |
| Клюбная інфармацыя | ||
| Клюб | Рэал Мадрыд | |
| Нумар | 9 | |
| Клюбы | ||
| Гады | Клюб | Гульні (галы)¹ |
| 2005—2009 2009— |
Алімпік Ліён Рэал Мадрыд |
112 (43) 419 (222) |
| Зборныя | ||
| 2007— | Францыя | 97 (37) |
|
¹ Колькасьць гульняў і галоў за прафэсійны клюб лічыцца толькі | ||
Карым Бэнзэма (па-француску: Karim Benzema; нарадзіўся 19 сьнежня 1987 году, Ліён, Францыя) — францускі футбаліст альжырскага паходжаньня, нападнік мадрыдзкага клюбу «Рэал» і нацыянальнай зборнай Францыі. У асноўным Карым гуляе ў якасьці нападніка, аднак можа згуляць і на пазыцыі ўскрайняга ўінгера, таксама вядомы сваімі тэхнічнымі магчымасьцямі[4].
Раньнія гады[рэдагаваць | рэдагаваць крыніцу]
Бэнзэма ёсьць сынам эмігрантаў зь беднай альжырскай вёсачкі, нарадзіўся ў паўночным прыгарадзе Ліёну. У ягоных бацькоў, Гафіда й Малікі, дзевяць дзяцей, пяць дзяўчынак і чатыры хлопчыкі. Сям’я Бэнзэма жыла даволі сьціпла ў невялікім доме ў цэнтры Бро Тэраёна, раёне з высокім узроўнем беспрацоўя. Ва ўзросьце васьмі гадоў ён пачаў гуляць за мясцовы клюб «Бро Тэраён», дзе яго хутка заўважылі, дзякуючы ягоным здольнасьцям, якія былі відавочна вышэй сярэдняга ўзроўню.
Кар’ера[рэдагаваць | рэдагаваць крыніцу]
«Ліён»[рэдагаваць | рэдагаваць крыніцу]
Яму было 9 гадоў, калі ён патрапіў у сыстэму падрыхтоўкі «Ліёну», і ўсяго 17, калі ён стаў адным з найлепшых гульцоў рэзэрву гэтай каманды, забіваючы па тры дзясяткі галоў за сэзон. У сьнежні 2004 году Карым трапіў у асноўную каманду «Ліёну», 15 студзеня 2005 году на хатнім стадыёне «Жэрлян» Карым дэбютаваў у матчы чэмпіянату Францыі.
У самым пачатку кар’еры Бэнзэма любілі параўноўваць з Давідам Трэзэге за здольнасьць абыходзіць абарону, але неўзабаве яго сталі ўжо параўноўваць з Зынэдынам Зыданам, адным з найлепшых футбалістаў у гісторыі Францыі, які таксама мае кабільскае паходжаньне. У сэзоне 2005—2006 гадоў Бэнзэма адкрыў лік сваім мячам у францускай лізе, то бок на апошняй хвіліне матчу ён засмуціў брамніка «Аячча». У сэзоне 2006—2007 гадоў Бэнзэма стаў асноўным нападнікам «Ліёна». Ён згуляў у 21 гульні і забіў 5 галоў.
На наступны сэзоне Карым забіў 20 галоў у чэмпіянаце Францыі й стаў найлепшым бамбардзірам, і адным зь лідэраў сваёй каманды. У прэсе зьявілася інфармацыя пра цікавасьць да Бэнзэмы з боку вядучых клюбаў Эўропы, як то «Рэал», «Ювэнтус», «Лівэрпул» і «Чэлсі», але сам Карым праз свайго агента заявіў пра нежаданьне пакідаць «Ліён», зь якім ён мае намер перамагчы ў Лізе чэмпіёнаў УЭФА[5][6]. У сэзоне 2008—2009 гадоў форвард забіў 17 галоў у 36 матчах чэмпіянату Францыі. Усяго ў 149 гульнях за «Ліён» Бэнзэма забіў 66 галоў.
«Рэал»[рэдагаваць | рэдагаваць крыніцу]
Аднак 1 ліпеня 2009 году за € 35 млн Бэнзэма перайшоў у гішпанскі клюб «Рэал», падпісаўшы шасьцігадовы кантракт. Згодна з кантрактам француз атрымлівае 6,5 млн эўра ў год. За вылікам падатку, які складае 24% атрымліваецца 5 мільёнаў эўра. «Рэал Мадрыд» заплаціў агенту гульца Карыму Джазыры 10% камісіі ад сумы трансфэру. Гэта максымальна дазволеная працэнтная стаўка агента ў эўрапейскім футболе.
9 ліпеня ён быў афіцыйна прадстаўлены ў якасьці новага гульца «Рэалу». Прэзэнтацыя нападніка на «Сант’яга Бэрнабэў» сабрала каля 15—20 тысячаў гледачоў. Карым Бэнзэма стаў пятнаццатым францускім гульцом у гісторыі мадрыдзкага клюбу.
Міжнародная кар’ера[рэдагаваць | рэдагаваць крыніцу]
У 2004 годзе Бэнзэма быў гульцом зборнай Францыі да 17 гадоў, зь якой перамог у чэмпіянаце Эўропы сярод юнакоў да 17 гадоў, упершыню ў гісторыі зборнай. На турніры, які праходзіў у Францыі, Бэнзэма забіў 1 гол у матчы супраць зборнай Паўночнай Ірляндыі ў групавым этапе. Пазьней гуляў за зборную да 18 гадоў. У 2005 годзе разам са зборнай перамог у рзыгрышу Кубка Мэрыдыяна. Ён адыграў ва ўсіх чатырох матчах і дзякуючы пяці ягоным галам Францыя выйграла турнір.
У сьнежні 2006 году атрымаў выклік у першую зборную Францыі ў матчы супраць зборнай Грэцыі, аднак па прычыне траўмы на поле так і не зьявіўся. Бэнзэма меў права выступаць за зборную Альжыру, аднак адмовіўся ад такога права, сказаўшы што «мае бацькі з Альжыру, гэтая краіна — у маім сэрцы, але ў футбол я буду гуляць за Францыю»[7]. Паўнавартасны дэбют адбыўся 28 сакавіка 2007 году ў таварыскім матчы супраць зборнай Аўстрыі, у якой Бэнзэма, выйшаўшы на поле ў другім тайме, забіў гол і прынёс перамогу сваёй зборнай.
Дасягненьні[рэдагаваць | рэдагаваць крыніцу]
«Ліён»:
- Чэмпіён Францыі: 2005, 2006, 2007, 2008
- Уладальнік Кубка Францыі: 2008
- Уладальнік Супэркубка Францыі па футболе: 2006, 2007
«Рэал»:
- Чэмпіён Гішпаніі: 2012, 2017, 2020, 2022
- Уладальнік Кубка Гішпаніі: 2011, 2014
- Уладальнік Супэркубка Гішпаніі: 2012, 2017, 2022
- Пераможца Лігі чэмпіёнаў: 2014, 2016, 2017, 2018, 2022
- Уладальнік Супэркубка УЭФА: 2014, 2016, 2017
- Пераможца клюбнага чэмпіянату сьвету: 2014, 2016, 2017, 2018
Францыя:
- Пераможца Лігі нацыяў УЭФА: 2021
Крыніцы[рэдагаваць | рэдагаваць крыніцу]
- ^ а б Karim Benzema // Transfermarkt (мн.) — 2000.
- ^ а б Karim Benzema // Roglo — 1997.
- ^ а б Karim Benzema // As (гішп.) — Madrid: Grupo PRISA, 1967.
- ^ «Karim Benzema: Overview». ESPN.
- ^ Benzema veut gagner la Ligue des Champions avec l’OL. Lyon Capitale.
- ^ Бензема остаётся в «Лионе». Soccer.ru.
- ^ Бензема предпочел Францию Алжиру. Спорт-Экспресс.
Вонкавыя спасылкі[рэдагаваць | рэдагаваць крыніцу]
- Афіцыйны сайт(фр.)
- Профіль(анг.) на Transfermarkt
- Профіль(анг.) на Soccerway
- Профіль на афіцыйным сайце «Рэал Мадрыд»(анг.)(гішп.)
Рэал Мадрыд — цяперашні склад
|
|---|
|
1 Куртуа · 2 Карвахаль · 3 Мілітан · 4 Аляба · 5 Вальеха · 6 Нача · 7 Азар · 8 Кроос · 9 Бэнзэма · 10 Модрыч · 11 Асэнсіё · 12 Камавінга · 13 Лунін · 15 Вальвэрдэ · 16 Адрыясоля · 17 Васкес · 18 Чуамэні · 19 Сэбальяс · 20 Вінісіюс · 21 Радрыгу · 22 Рудыгер · 23 Мэндзі · 24 Дыяс · Трэнэр: Анчэлёцьці |