Перайсьці да зьместу

Усман Дэмбэле

Зьвесткі зь Вікіпэдыі — вольнай энцыкляпэдыі
Усман Дэмбэле
Пэрсанальная інфармацыя
Нарадзіўся 15 траўня 1997(1997-05-15)[1] (29 гадоў)
Рост 179 см[2]
Вага 67 кг
Пазыцыя нападнік
Клюбная інфармацыя
Клюб Пары Сэн-Жэрмэн
Нумар 10
Клюбы
Гады Клюб Гульні (галы)¹
2015—2016 Рэн 26 (12)
2016—2017 Барусія Дортмунд 32 (6)
2017—2023 Барсэлёна 127 (24)
2023—4 Пары Сэн-Жэрмэн 70 (32)
Зборныя
2016—4 Францыя 57 (7)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
6 сакавіка 2026.
² Колькасьць гульняў і галоў за нацыянальную зборную
ў афіцыйных матчах, адкарэктавана на
5 верасьня 2025.

Усма́н Дэмбэле́ (па-француску: Ousmane Dembélé; нар. 15 траўня 1997 году) — францускі футбаліст, нападнік клюбу «Пары Сэн-Жэрмэн» і нацыянальнай зборнай Францыі. Чэмпіён сьвету 2018 году. Уважаецца адным з найлепшых футбалістаў сьвету[3][4][5], стаўшы адным зь дзесяці футбалістаў, якія рабіліся чэмпіёнамі сьвету, пераможцамі Лігі чэмпіёнаў УЭФА і ўладальнікамі Залатога мяча.

Кар’ера

[рэдагаваць | рэдагаваць код]

Клюбная

[рэдагаваць | рэдагаваць код]

Дэмбеле дэбютаваў у складзе рэзэрвовай каманды «Рэну» ў аматарскім чэмпіянаце Францыі 6 верасьня 2014 году. 6 лістапада 2015 году гулец запачаткаваў кар’еру ў прафэсійным футболе, згуляўшы ў складзе першай каманды «Рэну» ў Лізе 1 супраць «Анжэ», замяніўшы Каміля Грасіцкага на апошнія пяць хвілін гульні[6]. 22 лістапада ён правёў свой першы гол у найвышэйшым дывізіёне ў матчы супраць «Бардо», адкрыўшы лік у нічыйным матчы, які скончыўся зь лікам 2:2[7]. 9 студзеня 2016 году Дэмбэле зноў улучыў гол, дапамогшы дружыне выратаваць нічыю ў матчы супраць «Ляр'ену»[8]. 6 сакавіка ён учыніў свой першы хет-трык у Лізе 1 у пераможным матчы супраць «Нанту», а тое брэтонскае дэрбі скончылася зь лікам 4:1 на карысьць рэнцаў[9]. Свой першы сэзон у лізе завяршыў з дванаццаццю галамі ў 29 матчах, а спартовы дырэктар клюбу Мікаэль Сыльвэстар параўнаў Дэмбэле з маладым Крыштыяну Раналду часоў «Манчэстэр Юнайтэд»[10].

У складзе «Рэну» ў 2015 годзе.

12 траўня 2016 году француз склаў пяцігадовую ўгоду зь нямецкім клюбам «Барусія» з Дортмунду, які пачаў дзеіць 1 ліпеня[11]. Першага гола пацэліў 20 верасьня ў матчы Бундэсьлігі супраць «Вольфсбургу», які дортмундцы скончылі перамогай зь лікам 5:1 на «Фольксваген-Арэне»[12]. 22 лістапада нападнік усчаў свой галявы посьпех у Лізе чэмпіёнаў, ладна трапіўшы ў браму польскай «Легіі». У тым матчы групавога этапу немцы сьвяткавалі перамогу зь лікам 8:4[13]. 27 траўня 2017 году быў аўтарам першага гола фінальнага матчу на Кубак Нямеччыны, узяўшы свой першы тытул[14]. Быў ушанаваны званьнем найлепшага гульца фіналу. У той сэзон Бундэсьлігі трапіў у сымбалічную зборную турніру.

25 жніўня 2017 году гішпанская «Барсэлёна» абвесьціла аб дасягненьні пагадненьня аб падпісаньні кантракту з Дэмбэле за 105 мільёнаў эўра і, як паведамлялася, дадатковыя 40 мільёнаў эўра ў якасьці бонусу[15][16]. 28 жніўня прайшоў мэдычны агляд і пакінуў подпіс пад пяцігадовым кантрактам[17]. Дэмбэле дэбютаваў 9 верасьня, выйшаўшы на 68-й хвіліне замест Жэрара Дэўляфэў у пераможным матчы супраць «Эспанёлу», зрабіўшы галявую перадачу на Люіса Суарэса[18]. Хутка пасьля гэтага выбыў на доўгі час праз пашкоджаньне, азначыўшыся першым голам толькі 14 сакавіка 2018 году. 17 красавіка ўлучыў свой першы гол у Ля Лізе, адкрытыўшы лік у матчы супраць «Сэльты»[19]. Сэзон 2018—2019 гадоў быў гульцом асноўнага складу і аўтарам некалькіх важкіх галоў, але наступны сэзон амаль цалкам прапусьціў праз траўму. У 2020 і 2021 гадах двойчы рабіў апэрацыю ў Фінляндыі. 14 ліпеня 2022 году футбаліст падоўжыў свой кантракт з «Барсэлёнай» да 30 чэрвеня 2024 году[20][21], але ўжо праз год стаў гульцом «Пары Сэн-Жэрмэн»[22][23][24]. У новым клюбе ўзяў быў 23-ы нумар, але пасьля адыходу Нэймара зьмяніў кашулю на тую, якая была зь дзясяткай на сьпіне[25][26]. 24 верасьня адзначыўся галявой перадачай на Гансалу Рамуша ў матчы супраць «Марсэля»[27]. Асабліва вылучыўся ў першай палове 2025 году, пачынаючы з таго, што 29 студзеня ён аформіў хет-трык у пераможным матчы Лігі чэмпіёнаў зь лікам 4:1 над «Штутгартам». Праз тры дні паўтарыў хет-трык у браму «Брэсту» ў матчы айчыннага першынства, стаўшы першым гульцом ПСЖ, які ўчыніў хет-трык у двух матчах запар у афіцыйных матчах[28][29]. У 1/8 фіналу і 1/4 фіналу зь «Лівэрпулам» і «Арсэналам» трапна пацэліў важныя галы.

Дэмбэле завершыў сэзон у якасьці найлепшага бамбардзіра Лігі 1 з 21 голам на рахунку, падзяляўшы подыюм у намінацыі з нападнікам «Марсэля» Мэйсанам Грынўудам[30]. Нападнік быў названы гульцом году лігі і пераможцам чэмпіянату[31]. 31 траўня ў фінале Лігі чэмпіёнаў супраць італьянскага «Інтэру» зрабіў дзьве галявыя перадачы[32], дзякуючы чаму парыжане сьвяткавалі перамогу і ў гэтым турніры. У верасьні 2025 году быў намінаваны і ўганараваны Залатым мячом, як найлепшы футбаліст сьвету.

Міжнародная

[рэдагаваць | рэдагаваць код]
Дэмбэле трымае кубак сьвету.

Дэмбэле ўпершыню быў выкліканы ў нацыянальную зборную Францыі ў жніўні 2016 году на таварыскія матчы супраць зборных Італіі і Беларусі пасьля таго, як Аляксандар Ляказэт і Набіль Фэкір былі выключаныя на пэўны час праз траўмы[33]. Дэбютаваў у складзе каманды 1 верасьня ў матчы супраць італьянцаў, замяніўшы Антуана Грызмана на апошнія 27 хвілінаў матчу[34]. 13 чэрвеня 2017 году правёў свой першы гол за Францыю ў таварыскім матчы супраць зборнай Ангельшчыны, які скончыўся зь лікам 3:2 на карысьць французаў[35].

Дасягненьні

[рэдагаваць | рэдагаваць код]

«Барусія»:

«Барсэлёна»:

«Пары Сэн-Жэрмэн»:

Францыя:

  • Чэмпіён сьвету: 2018

Крыніцы

[рэдагаваць | рэдагаваць код]
  1. ↑ Ousmane Dembélé // Transfermarkt (мн.) — 2000.
  2. ↑ http://www.bvb.de/ger/Mannschaften/Profis/Ousmane-Dembele
  3. ↑ Ballon d'Or 2025 Power Rankings: Desire Doue's Champions League final fireworks move PSG teenager into the top 10 - but this is Ousmane Dembele's Golden Ball. Goal.com (01.06.2025).
  4. ↑ The 25 best footballers in the world right now - ranked in order. GiveMeSport (10.11.2023).
  5. ↑ After PSG beat Liverpool, we ask: Is Dembélé the world's best soccer player?. ESPN (14.03.2025).
  6. ↑ Angers – Rennes – Ligue 1 // Eurosport, 06.11.2015 г. Архіўная копія ад 11.08.2017 г.
  7. ↑ Crossan, D. (22.11.2015) Carrasso saves point for Bordeaux. Ligue 1. Архіўная копія ад 23.11.2015 г.
  8. ↑ Gordon, Connor (09.01.2016) Stade Rennais 2–2 FC Lorient: Hosts respond well after early derby disaster. Vavel. Архіўная копія ад 12.07.2018 г.
  9. ↑ Ligue 1 : Rennes écrase Nantes (4–1) // Le Monde, 06.03.2016 г. Архіўная копія ад 11.08.2017 г.
  10. ↑ Formé à l'ALM Evreux, Ousmane Dembélé en passe de rejoindre Barcelone pour 150 M€ // Paris-Normandie, 25.08.2017 г. Архіўная копія ад 30.10.2020 г.
  11. ↑ Borussia Dortmund signs top talent Ousmane Dembélé. Borussia Dortmund (12.05.2016). Архіўная копія ад 18.05.2016 г.
  12. ↑ VfL Wolfsburg 1–5 Borussia Dortmund // BBC Sport, 20.09.2016 г. Архіўная копія ад 14.10.2020 г.
  13. ↑ Uersfeld, Stephan (23.11.2016) Borussia Dortmund 8–4 Legia Warsaw: Champions League record-breaker. ESPN FC. Архіўная копія ад 13.10.2019 г.
  14. ↑ Buczko, Stefan (28.05.2017) Dembele, Pulisic deliver Dortmund from title drought in DFB Pokal final. ESPN FC. Архіўная копія ад 08.09.2018 г.
  15. ↑ Ousmane Dembele: Barcelona agree £135.5m deal for Dortmund forward // BBC Sport, 25.08.2017 г. Архіўная копія ад 25.08.2017 г.
  16. ↑ Marsden, Samuel (25.08.2017) Borussia Dortmund confirm Barcelona close to Ousmane Dembele deal. ESPN FC. Архіўная копія ад 25.08.2017 г.
  17. ↑ Ousmane Dembélé, FC Barcelona's new signing. FC Barcelona (25.08.2017). Архіўная копія ад 22.06.2021 г.
  18. ↑ Emons, Michael. Barcelona 5–0 Espanyol // BBC Sport, 09.09.2017 г. Архіўная копія ад 19.06.2018 г.
  19. ↑ Celta Vigo 2–2 Barcelona // BBC Sport, 17.04.2018 г. Архіўная копія ад 06.09.2018 г.
  20. ↑ Dembélé to sign contract until 2024. FC Barcelona. Архіўная копія ад 14.07.2022 г.
  21. ↑ Ousmane Dembélé: 'FC Barcelona was always my first choice'. FC Barcelona. Архіўная копія ад 14.07.2022 г.
  22. ↑ PSG sign Dembele from Barcelona after agreeing €50m deal. ESPN (12.08.2023).
  23. ↑ Agreement on transfer of Ousmane Dembélé to Paris St Germain. FC Barcelona (12.08.2023).
  24. ↑ Sanderson, Tom FC Barcelona Come Out Of Dembele PSG Transfer Richer Than Expected After Pressuring Player's Camp: Reports. Forbes.
  25. ↑ Ousmane Dembélé, another star in Paris. Paris Saint-Germain F.C. (12.08.2023).
  26. ↑ DEMB10UZ — The number 10 for Dembélé!. Paris Saint-Germain F.C. (17.08.2023).
  27. ↑ Kolo Muani and Ramos score maiden PSG goals in win over Marseille. Reuters (24.09.2023).
  28. ↑ PSG : avec son nouveau triplé contre Brest, Ousmane Dembélé bat son record de buts en Ligue 1. leparisien.fr (01.02.2025).
  29. ↑ Ousmane Dembélé’s Hat Trick Leads PSG to Victory Over Stade Brest // beIN Media Group, 01.02.2025 г.
  30. ↑ D'abord mené, le PSG termine la saison par une victoire à domicile contre Auxerre. L’Équipe.
  31. ↑ Ousmane Dembélé élu meilleur joueur de Ligue 1 pour la première fois aux Trophées UNFP. L’Équipe.
  32. ↑ CHOSUNBIZ (01.06.2025) Dembélé shines with two assists as PSG wins UCL final; Enrique backs Ballon d'Or candidacy. CHOSUNBIZ.
  33. ↑ Dembélé, Gameiro et Kondogbia appelés chez les Bleus // L’Équipe, 29.08.2016 г. Архіўная копія ад 31.08.2016 г.
  34. ↑ Italy vs. France. ESPN FC (02.09.2016). Архіўная копія ад 21.08.2017 г.
  35. ↑ McNulty, Phil. France 3–2 England // BBC Sport, 13.06.2017 г. Архіўная копія ад 20.10.2018 г.

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Усман_Дэмбэле&oldid=2673103»