Перайсьці да зьместу

Флярыян Тавэн

Зьвесткі зь Вікіпэдыі — вольнай энцыкляпэдыі
Флярыян Тавэн
Пэрсанальная інфармацыя
Нарадзіўся 26 студзеня 1993(1993-01-26)[1][2][3] (33 гады)
Рост 179 см
Вага 70 кг
Пазыцыя паўабаронца
Клюбная інфармацыя
Клюб Лянс
Нумар 10
Клюбы
Гады Клюб Гульні (галы)¹
2010—2011 Грэнобль 3 (0)
2011—2013 → Бастыя 29 (3)
2013 Ліль 0 (0)
2013 → Бастыя 16 (7)
2013—2015 Алімпік Марсэль 67 (13)
2015—2016 Ньюкасл Юнайтэд 13 (0)
2016—2017 → Алімпік Марсэль 52 (17)
2017—2021 Алімпік Марсэль 106 (46)
2021—2023 Тыгрэс УАНЛ 38 (8)
2023—2025 Удынэзэ 70 (13)
2025—4 Лянс 12 (2)
Зборныя
2017— Францыя 12 (2)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
8 лістапада 2025.
² Колькасьць гульняў і галоў за нацыянальную зборную
ў афіцыйных матчах, адкарэктавана на
13 кастрычніка 2025.

Флярыя́н Тавэ́н (па-француску: Florian Thauvin; нар. 26 студзеня 1993 году) — францускі футбаліст, нападнік клюбу «Лянс» і нацыянальнай зборнай Францыі. Чэмпіён сьвету 2018 году.

Кар’ера

[рэдагаваць | рэдагаваць код]

Клюбная

[рэдагаваць | рэдагаваць код]
Тавэн у кашулі «Ньюкасл Юнайтэд».

Не зважаючы на тое, што Тавэн паходзіць з Арлеану, сваю прафэсійную кар’еру пачаў клюбу «Грэнобль». Запачаткаваў выступы ў галоўнай камандзе ў сэзоне 2010—2011 гадоў Лігі 2. Пасьля гэтага сэзону каманда страціла месца ў лізе ды была расфармаваная. У выніку хлопец у ліпені 2011 году прыяднаўся да карсыканскага клюбу «Бастыя». 28 кастрычніка маладзён адзначыўся першым голам у матчы Лігі 2 супраць «Бардо». Ягоны клюб у той розыгрыш здабыў перамогу ў чэмпіянаце і прасунуўся ў найвышэйшы дывізіён. 29 студзеня 2013 году Тавэн склаў кантракт зь «Лілем», але хутка быў аддадзены ў паўгадовую арэнду назад у Бастыю, дзе выявіў сябе як здольны нападнік. У той год ён быў аганараваны званьнем найлепшага маладога гульца Лігі 1.

У выніку футбаліст прыцягнуў увагу іншых моцных францускіх клюбаў, і, такім чынам, у верасьні таго ж году далучыўся да марсэльскага «Алімпіку». Нападнік хутка замацаваўся ў першай адзінаццатцы каманды і быў адным з ключавых гульцоў каманды. У 2015 годзе француз паспрабаваў сябе ў ангельскім «Ньюкасл Юнайтэд», але ня здолеў тамака замацавацца. Ужо праз год ён вярнуўся ў Марсэль у арэнду, а пасьля і склаў доўгатэрміновы кантракт з былым клюбам. 30 красавіка 201 году Тавэн учыніў свой першы хет-трык ды аддаў галявую перадачу Максіму Ляпэсу ў выязным матчы францускай лігі супраць «Кану»[4][5]. 2 лютага 2018 году ён аформіў яшчэ адзін хет-трык у хатнім матчы супраць «Мэцу», які завяршыўся перамогай зь лікам 6:3[6]. Спартовец двойчы абіраўся гульцом месяца лігі ў лістападзе і лютым і завяршыў сэзон Лігі 1 2017—2018 гадоў з 22 галамі, саступіўшы ў гонцы бамбардзіраў толькі Эдынсану Кавані з ПСЖ[7]. Ён быў адным з чатырох кандыдатаў на ўзнагароду гульца сэзону, якая ў рэшце рэшт была нададзеная Нэймару[7]. У Лізе Эўропы таго ж сэзону ён правёў чатыры галы ў чатырнаццаці гульнях каманды, але ў фінале французы сасутпілі мадрыдзкаму «Атлетыка».

У 2021 годзе францускі ўінгер нечакана прыяднаўся да мэксыканскага клюбу «Тыгрэс УАНЛ», дзе далучыўся да свайго былога калегі Андрэ-П’еру Жыньяку[8]. У 2023 годзе ён вярнуўся ў Эўропу, падпісаўшы кантракт з італьянскім «Удынэзэ»[9]. Улетку 2025 году стаў футбалістам «Лянсу»[10].

Міжнародная

[рэдагаваць | рэдагаваць код]

25 сакавіка 2017 году Тавэн упершыню быў выкліканы ў нацыянальную зборную Францыі на адборачны матч чэмпіянату сьвету 2018 году супраць зборнай Люксэмбургу. Аднак, у гэтай сустрэчы і наступнай праз тры дні супраць зборнай Гішпаніі ўдзелу ў матчы ня браў[11]. Першы матч згуляў 2 чэрвеня 2017 году ў таварыскім матчы супраць зборнай Парагваю, які завяршыўся перамогай эўрапейцаў зь лікам 5:0, калі выйшаў на поле на 80-й хвіліне на замену Антуану Грызману. Тавэн быў адабраны ў склад зборнай на ўласна сам чэмпіянат сьвету 2018 году.[46] На турніры ён згуляў толькі адную хвіліну ў матчы 1/8 фіналу супраць зборнай Аргентыны, калі замяніў на пляцоўцы Кіліяна Мбапэ[12]. Зборная, між тым, стала чэмпіёнам сьвету. У 2021 годзе браў удзел у летніх Алімпійскіх гульнях 2020 году ў Токіё.

Дасягненьні

[рэдагаваць | рэдагаваць код]

«Тыгрэс УАНЛ»:

«Лянс»:

Францыя:

  • Чэмпіён сьвету: 2018

Крыніцы

[рэдагаваць | рэдагаваць код]
  1. ↑ Florian Thauvin // Transfermarkt (мн.) — 2000.
  2. ↑ Florian Thauvin // GeneaStar
  3. ↑ FLORIAN THAUVIN // Argentine Soccer Database (гішп.)
  4. ↑ Nice deals blow to PSG in French title race with 3-1 win. New York Daily News (30.04.2017).
  5. ↑ Thauvin hat trick keeps Marseille's European hopes alive. The Times of India (30.04.2017).
  6. ↑ Granel, Cédric. l'OM explose Metz au Vélodrome et prend la 2e place provisoire // Eurosport, 02.02.2018 г.
  7. 1 2 Neymar wins French league’s Player of the Year award // Associated Press, 13.05.2018 г.
  8. ↑ Thauvin completes transfer to Liga MX side Tigres following Premier League links. Goal (07.05.2021).
  9. ↑ Florian Thauvin è bianconero!. www.udinese.it (31.01.2023).
  10. ↑ Florian Thauvin, la patte gauche étoilée. RC Lens (08.08.2025).
  11. ↑ Mbappé et Lemar sont là, pas Lacazette ni Benzema // sport24.com, 16.03.2017 г.
  12. ↑ Jennings, Patrick. France 4–3 Argentina // BBC Sport, 30.06.2018 г.

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Флярыян_Тавэн&oldid=2670311»