23 чэрвеня

23 чэ́рвеня — 174-ы дзень году (175-ы ў высакосным годзе) паводле Грыгарыянскага календару. Да канца году застаецца 191 дзень.

Падзеі

930 — скліканы найстарэйшы зь дзейных сёньня парлямэнтаў — ісьляндзкі Альтынг

1757 — бітва пры Плесі запачаткавала брытанскую заваёву Індыі

1758 — кароль і вялікі князь Станіслаў Ляшчынскі надаў Ушачам Магдэбурскае права і герб

1812 — Напалеонаўскія войны: Напалеон I Банапарт уварваўся ў Расейскую імпэрыю

1846 — бэльгійскі вынаходнік Адольф Сакс атрымаў патэнт на вынаходніцтва саксафону

1894 — у Парыжы з ініцыятывы П’ера дэ Кубэртэна ўтварыўся Міжнародны алімпійскі камітэт

1941 — створаная Стаўка Галоўнага Камандаваньня Узброеных Сіл СССР

1944 — савецкія войскі распачаталі наступальную апэрацыю «Багратыён», у выніку якой немцы канчаткова пазбавіліся ініцыятывы ў вайне

1946 — у Рэгенсбургу (Баварыя) заснаванае Крывіцкае навуковае таварыства імя Францішка Скарыны

1952 — Карэйская вайна: 500 амэрыканскіх самалётаў разбурылі пяць буйнейшых ГЭС Паўночнай Карэі

1956 — Гамаль Абдул Насэр стаў прэзыдэнтам Эгіпту і займаў гэты пост да сваёй сьмерці ў 1970

1972 — 45 краінаў пакінулі зону стэрлінга, што дазволіла іх нацыянальным валютам існаваць асобна ад брытанскай

1991 — Малдова абвясьціла незалежнасьць

1991 — заснаванае Беларускае згуртаваньне татараў-мусульманаў «Аль-Кітаб»

1993 — Хуан Антоніё Самаранч адкрыў Алімпійскі музэй у Лязане

1994 — адбыўся першы тур выбараў прэзыдэнта Беларусі

2021 — тэмпэратурны рэкорд чэрвеня ў Беларусі прывёў да пажару на Лукомскай ДРЭС

Нараджэньні

• 1777 — Язэп Аляшкевіч, беларускі мастак
• 1889 — Ганна Ахматава, расейская паэтка, пісьменьніца, літаратуразнаўца, літаратурны крытык, перакладчыца
• 1936 — Рычард Бах, амэрыканскі пісьменьнік
• 1938 — Юры Хадыка, беларускі фізык і грамадзка-культурны дзяяч
• 1962 — Вадзім Сідаровіч, беларускі навуковец у галіне заалёгіі й экалёгіі
• 1963 — Лю Цысінь, кітайскі пісьменьнік-фантаст
• 1964 — Юрась Ляўкоў, беларускі музыка, бас-гітарыст гурту N.R.M.
• 1972 — Зынэдын Зыдан, францускі футбаліст альжырскага паходжаньня
• 1982 — Тацяна Сівец, беларуская журналістка, паэтка, перакладчыца
• 1984 — Дафі, ангельская поп-сьпявачка

Сьмерці

• 1947 — Уладзімер Пічэта, савецкі беларускі і расейскі гісторык, выкладнік, першы рэктар БДУ, акадэмік АН БССР, акадэмік АН СССР, заслужаны прафэсар БССР, заслужаны навуковы дзяяч Узбэцкай ССР
• 1953 — Роман Дымітар Канстанты Шуйскі, польскі дыплямат
• 2022 — Юры Шатуноў, савецкі і расейскі сьпявак, саліст групы «Ласкавы май»

Вонкавыя спасылкі

23 чэрвеня — сховішча мультымэдыйных матэрыялаў