17 чэрвеня

17 чэ́рвеня — 169-ы дзень году (168-ы ў невысакосным годзе) паводле Грыгарыянскага календару. Да канца году застаецца 198 дзён.

Падзеі

• 1397 — пачатак Кальмарскай уніі паміж Даніяй, Нарвэгіяй і Швэцыяй
• 1497 — войска ангельскага караля Генрыха VII разьбіла паўстанцаў Ан Гофа
• 1649 — войска Вялікага Княства Літоўскага пад камандаю гетмана польнага Януша Радзівіла разьбіла 7-тысячны аддзел украінскіх казакоў каля Загальля на Прыпяці
• 1654 — Януш Радзівіл заступіў на пасаду гетмана вялікага
• 1759 — ангельскі пірат Фрэнсіс Дрэйк падчас кругасьветнага плаваньня высадзіўся ў раёне Сан-Францыска і абвясьціў гэты бераг ангельскім уладаньнем («Новы альбіён»).
• 1793 — пачаў працу апошні сойм Рэчы Паспалітай, які скасаваў Канстытуцыю 3 траўня і моўчкі замацаваў рашэньне пра другі падзел РП («нямы сойм»)
• 1856 — у Філадэлфіі адкрыўся першы зьезд рэспубліканскай партыі ЗША
• 1876 — міністэрства нутраных справаў Расейскай імпэрыі забараніла друкаваць вучэбныя і навукова-папулярныя кнігі на ўкраінскай мове
• 1885 — у Нью-Ёрк прыбыла Статуя Свабоды, дарунак францускага народу Злучаным Штатам Амэрыкі
• 1898 — Сэнат ЗША даў згоду на анэксію Гаваяў
• 1918 — Саксонія прапанавала Летуве стварыць адзіную дзяржаву
• 1905 — расстрэл беларускіх сялянаў расейскімі войскамі ў Кішчыцах на Магілёўшчыне, у выніку якога загінула 8 чалавек, 15 атрымалі цяжкія раненьні
• 1934:
  • пачаў дзейнічаць Бяроза-Картускі лягер палітычных зьняволеных
  • адбыўся нелегальны зьезд Таварыства Беларускае Школы
• 1935 — створаная амэрыканская кінакампанія «Paramount Pictures»
• 1938 — савецкія ўлады расстралялі Аркадзя Смоліча, беларускага географа і дзеяча нацыянальнага руху
• 1940 — у Латвію і Эстонію ўведзеныя савецкія войскі
• 1944 — у выніку рэфэрэндуму расторгнутая дацка-ісьляндзкая унія, Ісьляндыя абвешчаная рэспублікай
• 1953 — паўстаньне працоўных у ГДР, калі ў больш чым 700 мясцовасьцях адбыліся антыўрадавыя страйкі і дэманстрацыі. Выступы былі задушаныя групай савецкіх войскаў у ГДР

Нараджэньні

• 1811 — Ёўн Сігурдсан, ісьляндзкі навуковец і дзяржаўны дзеяч, прэзыдэнт ісьляндзкага літаратурнага таварыства
• 1880 — Карл ван Вэхтэн, амэрыканскі пісьменьнік, фатограф
• 1882 — Ігар Стравінскі, расейскі кампазытар, дырыжор і піяніст, адзін з найбуйнейшых прадстаўнікоў сусьветнай музычнай культуры 20 стагодзьдзя
• 1925 — Аляксандар Шульгін, амэрыканскі навуковец, вядомы ў галінах дасьледаваньня мэдычнае хіміі, біяхіміі, фармакалёгіі ды псыхафармакалёгіі
• 1933 — Юры Аверкіевіч Жукаў, 7-ы начальнік касмадрома Байканур
• 1936 — Кен Лоўч, брытанскі кінарэжысэр («Вецер, які гайдае ячмень»)
• 1939 — Кшыштаф Занусі, польскі кінарэжысэр
• 1940 — Джордж Акерлоф, амэрыканскі эканаміст, ляўрэат Нобэлеўскай прэміі па эканоміцы (2001)
• 1942 — Махамад аль-Барадэі, генэральны дырэктар Міжнароднага агенцтва па атамнай энэргіі (МАГАТЭ), ляўрэат Нобэлеўскай прэміі міру (2005)
• 1961 — Сямён Шапіра, беларускі эканаміст і дзяржаўны дзяяч
• 1982 — Алекс Радрыга Дыяс да Коста, бразыльскі футбаліст

Сьмерці

• 678 — Адэадат II, папа рымскі
• 1025 — Балеслаў I Храбры, польскі кароль у 1025 годзе з дынастыі Пястаў
• 1501 — Ян I Ольбрахт, кароль польскі (1492—1501).
• 1696 — Ян III Сабескі, вялікі князь літоўскі і кароль Рэчы Паспалітай
• 1835 — Ізабэла Чартарыская, польская пісьменьніца, мецэнатка, калекцыянэрка, стваральніца першага польскага музэю ў храме Сыбілы ў Пулавах
• 1848 — Максімільян Станіслаў Рыла, каталіцкі місіянэр на Блізкім Усходзе і ў Афрыцы, філёзаф, археоляг
• 1890 — Эманюэль Сэрвэ, прэм’ер-міністар Люксэмбургу
• 1938 — Аркадзь Смоліч, беларускі навукоўца, палітычны і грамадзкі дзеяч
• 1954 — Барыс Мікуліч, беларускі пісьменьнік, празаік, крытык
• 2000 — Аляксей Русецкі, беларускі паэт
• 2006 — Абдул-Халім Садулаеў, чачэнскі палітык, прэзыдэнт Чачэнскай Рэспублікі Ічкерыя

Сьвяты

• Сусьветны дзень барацьбы з апустыньваньнем ды сухменьню

Вонкавыя спасылкі

17 чэрвеня — сховішча мультымэдыйных матэрыялаў