18 чэрвеня

18 чэ́рвеня — 169-ы дзень году (170-ы ў высакосным годзе) паводле Грыгарыянскага календару. Да канца году застаецца 196 дзён.

Падзеі

• 1574 — кароль і вялікі князь Генрык Валезы уцёк у Францыю
• 1586 — Нясьвіж атрымаў герб
• 1812 — Кангрэс ЗША абвясьціў вайну Вялікабрытаніі
• 1815 — параза Напалеона ў бітве пры Ватэрлёо
• 1840 — расейскі імпэратар Мікалай І выдаў указ аб забароне выкарыстаньня ў афіцыйных дакумэнтах тэрмінаў «Беларусь», «Літва», «беларускія» і «Літоўскія» губэрні і ўвядзеньні замест іх назвы «Паўночна-Заходні край»
• 1863 — у Магілёве расейскія ўлады расстралялі Ўладзімера Корсака, Міхала і Яна Манцэвічаў, удзельнікаў нацыянальна-вызвольнага паўстаньня
• 1887 — у Расейскай імпэрыі падпісаны цыркуляр «Аб скарачэньні гімназічнае адукацыі»
• 1923 — горад Ігумен перайменаваны ў Чэрвень
• 1940 — Шарль дэ Голь выступіў па радыё з заклікам да францускага народу працягваць змаганьне з нацысцкімі захопнікамі
• 1979 — ЗША і СССР падпісалі дамову пра абмежаваньне стратэгічных узбраеньняў SALT II
• 1981 — свой першы палёт зьдзейсьніў самалёт F-117 Nighthawk
• 1989 — заснаваны Ліцэй БДУ

Нараджэньні

• 1808 — Міхал Валовіч, беларускі рэвалюцыянэр, удзельнік нацыянальна-вызвольнага паўстаньня (1830—1831)
• 1818 — Люіс дэ Гээр стары, швэдзкі палітычны й дзяржаўны дзяяч. Першы прэм’ер-міністар Швэцыі.
• 1831 — Міхал Валовіч, беларускі рэвалюцыянэр
• 1838 — Фёдар Махноў, паводле шэрагу зьвестак, самы высокі чалавек з тых, якія калі-небудзь якія жылі на Зямлі
• 1868 — Міклаш Хорці, дзяржаўны дзяяч Вугоршчыны, контар-адмірал
• 1942 — Пол Макартні, брытанскі кампазытар, рок-музыка, сьпявак. Адзін з заснавальнікаў і ўдзельнікаў групы The Beatles.
• 1949 — Лех Качынскі, прэзыдэнт Польшчы
• 1949 — Яраслаў Качынскі, польскі праўнік і палітык
• 1950 — Валянцін Акудовіч, беларускі філёзаф, паэт, літаратурны крытык.
• 1974 — Вінчэнца Мантэла, былы італьянскі прафэсійны футбаліст, нападнік
• 1975 — Мартэн Сэн-Люі, канадзкі хакеіст
• 1979 — Аляксей Грышын, беларускі фрыстайліст
• 1984 — Роні Стам, нідэрляндзкі футбаліст
• 1986 — Аляксандар Валадзько, беларускі футбаліст
• 1987 — Аляксандар Кітараў, беларускі хакеіст

Сьмерці

• 1580 — Рыгор Осьцік , палітычны дзяяч Вялікага Княства Літоўскага, абвінавачаны ў дзяржаўнай здрадзе і пакараны сьмерцю
• 1857 — Адольф Янушкевіч, беларускі і польскі паэт, этнограф, пісьменьнік.
• 1928 — Руаль Амундсэн (н. 1872), нарвэскі палярны дасьледнік, падарожнік і першаадкрывальнік
• 1936 — Максім Горкі, расейскі пісьменьнік
• 1957 — Вітольд Бялыніцкі-Біруля, адзін з найлепшых беларускіх жывапісцаў-пэйзажыстаў
• 1991 — Юльёнас Сьцепанавічус, летувіскі рымска-каталіцкі дзеяч
• 2010 — Жузэ Сарамагу, партугальскі пісьменьнік, паэт, журналіст, ляўрэат Нобэлеўскай прэміі ў галіне літаратуры (1998)
• 2022 — Яраслаў Клімуць, беларускі літаратуразнаўца

Сьвяты

• Азэрбайджан, Дзень правоў чалавека
• Аргентына, Дзень сьцяга
• Сэйшэльскія астравы — Дзень канстытуцыі
• Эгіпет — Дзень эвакуацыі. Таксама старажытнаэгіпецкае сьвята Ніла
• Японія, Кітай, ЗША — Дзень бацькі

18 чэрвеня — сховішча мультымэдыйных матэрыялаў