14 чэрвеня

14 чэ́рвеня — 165-ы дзень году (166-ы ў высакосным годзе) паводле Грыгарыянскага календару. Да канца году застаецца 200 дзён.

Падзеі

• 1596 — кароль і вялікі князь Жыгімонт Ваза выдаў дазвол мітрапаліту кіеўскаму Міхалу Рагозе на скліканьне Берасьцейскага сабору
• 1634 — складаньне Палянаўскага міру паміж Рэччу Паспалітаю і Маскоўскаю дзяржаваю
• 1777 — на Кантынэнтальным Кангрэсе ў Філадэлфіі зацьверджаны нацыянальны сьцяг ЗША з 13 белымі зоркамі на сінім фоне й 13 чырвона-белымі чаргаваных між сабой палосамі па колькасьці наяўных тады штатаў. З тых часоў колькасьць палосаў засталася нязьменнай, а зоркі паступова дадаваліся з уваходжаньнем новых штатаў у склад краіны. Цяпер сьцяг ЗША зьмяшчае 50 зорак
• 1792 — Барысаў атрымаў герб
• 1834 — Ісаак Фішэр з Спрынгфілду (штат Вэрмонт, ЗША) атрымаў патэнт на наждачную паперу
• 1846 — Каліфорнія паўстала супраць Мэксыкі; абвяшчэньне Каліфарнійскае рэспублікі
• 1919 — пачатак антысавецкага паўстанmня на Браслаўшчыне і Дзісненшчыне.
• 1941 — савецкія войскі распачалі масавую дэпартацыю грамадзян Латвіі, Летувы й Эстоніі ў аддаленыя расейскія рэгіёны
• 1982 — перамога Брытаніі над Аргентынаю ў вайне за Фолклэнды
• 1997 — у Карэлічах прайшлі міжнародныя чытаньні, прысьвечаныя Ігнату Дамейку ; заснаваньне музэю І. Дамейкі ў Мядзьведцы
• 2015 — Катастрофа Іл-103 пад Берасьцем, у выніку якой загінула два чалавекі.

Нараджэньні

• 1798 — Францішак Палацкі, чэскі гісторык, літаратар, палітык і грамадзкі дзяяч
• 1837 — Ўільям Чатэртан Дыкс, ангельскі паэт
• 1867 — Мітрафан Доўнар-Запольскі, беларускі гісторык, этнограф, фальклярыст і літаратуразнавец, адзін з заснавальнікаў нацыянальнай гістарыяграфіі
• 1900 — Міхась Забэйда-Суміцкі, беларускі сьпявак
• 1928 — Чэ Гевара, арґентынскі рэвалюцыянэр, адна з цэнтральных фігур Кубінскае рэвалюцыі
• 1931 — Ігар Сарокін, беларускі опэрны сьпявак (барытон), народны артыст Беларусі
• 1935 — Рыгор Паўтарак, украінскі мовазнаўца, доктар філялягічных навук, прафэсар, акадэмік НАН Украіны
• 1939 — Арнольд Памазан, беларускі актор і народны артыст Беларусі
• 1944 — Жанна Бічэўская, расейская нацыяналістычная сьпявачка, народная артыстка Расеі
• 1946 — Дональд Трамп, амэрыканскі бізнэсовец
• 1954 — Юры Курненін, беларускі футбаліст і трэнэр
• 1956 — Джана Наніні, італьянская сьпявачка і аўтарка песьняў

Сьмерці

• 1903 — Ян Карловіч, лінгвіст, этнограф, фальклярыст, музыказнаўца
• 1920 — Макс Вэбэр, нямецкі сацыёляг, эканаміст, юрыст
• 1936 — Гільбэрт Кійт Чэстэртан, брытанскі пісьменьнік, журналіст ды літаратуразнаўца
• 1986 — Хорхэ Люіс Борхэс, аргентынскі празаік, паэт, публіцыст

Сьвяты

• ЗША — Дзень нацыянальнага сьцяга (з 1916 году)
• Сусьветны дзень донара крыві

Мэмарыяльныя дні

• Латвія — Дзень памяці ахвяраў камуністычнага тэрору

Вонкавыя спасылкі

14 чэрвеня — сховішча мультымэдыйных матэрыялаў