Чаві

Чаві
Пэрсанальная інфармацыя
Нарадзіўся	25 студзеня 1980(1980-01-25) (46 гадоў) Тэраса, сталічная акруга Барсэлёна[d], правінцыя Барсэлёна[d], Каталёнія, Гішпанія
Рост	170 см
Вага	68 кг
Пазыцыя	паўабаронца
Клюбы
Гады	Клюб	Гульні (галы)¹
1997—2000	Барсэлёна Б[d]	61 (3)
1998—2015	Барсэлёна	505 (58)
2015—2019	Аль-Сад[d]	82 (21)
Зборныя
1997—1998	Гішпанія (да 18)[d]	10 (0)
1998—2001	Гішпанія (да 21)[d]	25 (7)
1998—2014	Каталёнія[d]	12 (2)
1999	Гішпанія (да 20)[d]	6 (2)
2000	Гішпанія (да 23)[d]	6 (2)
2000—2014	Гішпанія	133 (13)
Трэнэрскія клюбы
2019—2021	Аль-Сад[d]

Чавіер Эрнандэс Крэўс (па-каталянску: Xavier Hernández Creus; больш вядомы як Чаві, па-каталянску: Xavi) — былы каталёнскі футбаліст, які гуляе на пазыцыі паўабаронцы. Неаднойчы выклікаўся ў зборную Гішпаніі, разам зь якой станавіўся чэмпіёнам сьвету і Эўропы. З 2021 па 2024 гады працаваў галоўным трэнэрам клюбу «Барсэлёна».

Кар’ера

Чаві пачаў выступаць за юнацкія футбольныя каманды «Барсэлёны» з 11 гадоў. У сэзоне 1997—1998 гадоў ён пачаў гуляць за дарослую каманду клюбу. Чаві дэбютаваў у матчы Супэркубка Гішпаніі супраць «Мальёркі» 18 жніўня 1998, ён адразу выйшаў у асноўным складзе і забіў гол. Ён таксама меў вялікую ролю ў перамозе «Барсэлёны» ў Чэмпіянаце Гішпаніі ў сэзоне 1998—1999 гадоў. Сэзон 1999—2000 гадоў быў для Чаві выдатным у пэрсанальным пляне, бо з прычыны траўмы Хасэпа Гуардыёля, ён быў асноўным выбарам Люі Ван Гаалю на пазыцыю апорнага паўабаронцы. У чэмпіёнскім для Барсэлёны сэзоне 2004—2005 гадоў Чаві быў найбольш карыстаемым гульцом у камандзе, правёўшы 36 матчаў. Чаві мае кантракт з «Барсэлёнай» да 2010 году. За зборную Гішпаніі Чаві дэбютаваў 15 лістапада 2000 у матчы супраць зборнай Нідэрляндаў. У 2008 годзе выйграў Чэмпіянат Эўропы па футболе ў складзе зборнай Гішпаніі. Быў прызнаны лепшым гульцом першынства.

Характарыстыка

Чаві зьяўляецца прыкладам плэймэйкера з выдатным бачаньнем поля. Ён таксама адрозьніваецца ўнівэрсалізмам — можа згуляць на любой пазыцыі ў паўабароне. Таксама зьяўляецца някепскім выканаўцам штрафных удараў.

Узнагароды

Клюбныя

«Барсэлёна»:

• Чэмпіён Гішпаніі (8): 1999, 2005, 2006, 2009, 2010, 2011, 2013, 2015
• Уладальнік Кубка Гішпаніі (3): 2009, 2012, 2015
• Уладальнік Супэркубка Гішпаніі (6): 2005, 2006, 2009, 2010, 2011, 2013
• Пераможца Лігі чэмпіёнаў (4): 2006, 2009, 2011, 2015
• Уладальнік Супэркубка Эўропы (2): 2009, 2011
• Пераможца клюбнага чэмпіянату сьвету (2): 2009, 2011

«Аль-Сад»:

• Чэмпіён Катару: 2019
• Уладальнік Кубка эміру Катару: 2017
• Уладальнік Кубка Катару: 2017
• Уладальнік Супэркубка Катару: 2017

Міжнародныя

Гішпанія:

• Чэмпіён сьвету: 2010
• Чэмпіён Эўропы: 2008, 2012
• Срэбраны прызэр Алімпійскіх гульняў: 2000

Вонкавыя спасылкі

• Профіль на афіцыйным сайце ФК «Барсэлёна» (анг.)