Санці Касорля
| Санці Касорля | ||
 | ||
| Пэрсанальная інфармацыя | ||
|---|---|---|
| Нарадзіўся | 13 сьнежня 1984 (34 гады) Льянэра, Гішпанія | |
| Рост | 169 см | |
| Вага | 66 кг | |
| Пазыцыя | паўабаронца | |
| Клюбная інфармацыя | ||
| Клюб | Вільярэал | |
| Нумар | 19 | |
| Клюбы | ||
| Гады | Клюб | Гульні (галы)¹ |
| 2002—2004 2003—2006 2006—2007 2007—2011 2011—2012 2012—2018 2018— |
Вільярэал-2 Вільярэал Рэкрэатыва Вільярэал Маляга Арсэнал Вільярэал |
40 (4) 54 (2) 34 (5) 127 (23) 38 (9) 129 (25) 6 (0) |
| Зборныя | ||
| 2008— | Гішпанія | 77 (14) |
|
¹ Колькасьць гульняў і галоў за прафэсійны клюб лічыцца толькі | ||
Сант’я́га «Са́нці» Касо́рля Ганса́лес (па-гішпанску: Santiago «Santi» Cazorla González; нарадзіўся 13 сьнежня 1984 году, Льянэра, Гішпанія) — гішпанскі футбаліст, паўабаронца клюбу «Вільярэал» і нацыянальнай зборнай Гішпаніі.
Зьмест
Кар’ера[рэдагаваць | рэдагаваць крыніцу]
«Вільярэал»[рэдагаваць | рэдагаваць крыніцу]
Санці пачынаў гуляць у футбол у акадэміі астурыйскага клюбу «Аўеда». Ва ўзросьце 17 гадоў ён апынуўся ў «Вільярэале», дзе гуляў спачатку ў дублі. 30 лістапада 2003 году Касорля дэбютаваў і ў асноўнай камандзе, згуляўшы адну хвіліну ў матчы супраць «Дэпартыва» (1:0).
У сэзоне 2004—2005 гадоў Касорля быў ужо гульцом асновы, у 2005 годзе ён таксама дэбютаваў у Лізе чэмпіёнаў, дзе «Вільярэал» дайшоў да паўфіналу. 7 ліпеня 2006 году Касорля перайшоў у «Рэкрэатыва» за 600 тысяч эўра, падпісаўшы чатырохгадовы кантракт. «Вільярэал» захаваў магчымасьць выкупіць гульца за 1,2 млн эўра. 27 жніўня Санці дэбютаваў у матчы супраць «Маёркі» (1:1). Паўабаронца правёў у «Рэкрэатыва» моцны сэзон, пасьля заканчэньня якога атрымаў тытул футбаліста году ў Гішпаніі паводле вэрсіі часопіса «Don Balon».
Добра зарэкамендавалы сябе Касорля зноўку стаў патрэбен «Вільярэалу», і той скарыстаўся пунктам у кантракце аб магчымым вяртаньні. У першым пасьля вяртаньня сэзоне Санці зноўку паказаў добрую гульню й стаў важнай часткай выніковага посьпеху каманды (2-е месца ў Ля Лізе). Паўабаронца забіў 5 мячоў і мноства разоў асыставаў нападнікам «Вільярэалу» Джузэпэ Росі й Кахвэджы Ніхату.
«Маляга»[рэдагаваць | рэдагаваць крыніцу]
26 ліпеня 2011 году за 19 млн эўра перайшоў у іншы гішпанскі клюб «Малягу».
«Арсэнал»[рэдагаваць | рэдагаваць крыніцу]
7 жніўня 2012 году ангельскі «Арсэнал» паведаміў аб падпісаньні Касорлі[1]. Ягоны пераход стаў трэцім значным трансфэрам для «Арсэналу» у тым сэзоне пасьля Лукаса Падольскага й Аліўе Жыру. Дэбют у ноым клюбе быў вельмі ўдалым, то бок у першым матчы супраць «Сандэрлэнду» Санці быў абраны гульцом сустрэчы. У верасьні Касорля забіў адзін з галоў ў браму «Лівэрпулу» ў гасьцявым матчы на Энфілдзе (0:2).
Міжнародная кар’ера[рэдагаваць | рэдагаваць крыніцу]
31 траўня 2008 году Санці дэбютаваў у нацыянальнай зборнай Гішпаніі ў таварыскім матчы супраць зборнай Пэру, які скончыўся зь лікам 2:1 на карысьць гішпанскіх футбалістаў[2].
Дасягненьні[рэдагаваць | рэдагаваць крыніцу]
«Арсэнал»:
- Уладальнік Кубка Ангельшчыны (2): 2014, 2015
- Уладальнік Супэркубка Ангельшчыны: 2014
Гішпанія
- Чэмпіён Эўропы (2): 2008, 2012
Крыніцы[рэдагаваць | рэдагаваць крыніцу]
- ^ Arsenal sign Spain midfielder Santi Cazorla. arsenal.com
- ^ Профіль гульца. National Team Data
Вонкавыя спасылкі[рэдагаваць | рэдагаваць крыніцу]
Санці Касорля — сховішча мультымэдыйных матэрыялаў
- Профіль на BDFutbol
- Статыстыка на National Football Teams
