Сэрхіё Рамас

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Сэрхіё Рамас
Russia-Spain 2017 (6).jpg
Пэрсанальная інфармацыя
Нарадзіўся 30 сакавіка 1986(1986-03-30)[1] (34 гады)
Камас, Сэвільля[d], Андалюзія, Гішпанія
Рост 184 см[2]
Вага 82 кг[2]
Пазыцыя ускрайні абаронца і абаронца
Клюбная інфармацыя
Клюб Рэал Мадрыд
Нумар 4
Клюбы
Гады Клюб Гульні (галы)¹
2002—2003
2003—2005
2005—
Сэвільля 2
Сэвільля
Рэал Мадрыд
26 (2)
39 (2)
444 (64)
Зборныя
2005— Гішпанія 170 (21)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
8 сакавіка 2020.
² Колькасьць гульняў і галоў за нацыянальную зборную
ў афіцыйных матчах, адкарэктавана на
18 лістапада 2019.

Сэрхіё Рамас Гарсія (па-гішпанску: Sergio Ramos García; нарадзіўся 30 сакавіка 1986 году, Камас, Гішпанія) — гішпанскі футбаліст клюбу «Рэал Мадрыд» і зборнай Гішпаніі. Гуляе на пазыцыі правага ці цэнтральнага абаронцы, зьяўляецца дзейным капітанам «Рэалу».

Кар’ера[рэдагаваць | рэдагаваць крыніцу]

«Сэвільля»[рэдагаваць | рэдагаваць крыніцу]

Ва ўзросьце 14 гадоў Сэрхіё прыбыў на прагляд у «Сэвільлю», дзе добра паказаў сябе. Неўзабаве пачаў выступаць за юнацкія каманды гэтага клюбу. У сэзоне 2002—2003 гадоў правёў адзін матч за рэзэрвовую каманду «Сэвільлі» ў другім дывізіёне чэмпіянату Гішпаніі. У сэзоне 2003—2004 гадоў Рамас стаў гульцом асноўнага складу дубля, прыняўшы ўдзел у 25 матчах і забіўшы адзін мяч.

У пачатку 2004 году тагачасны галоўны трэнэр «Сэвільлі» Хаакін Капарас перавёў Рамаса ў асноўны склад. 1 лютага 2004 году Рамас дэбютаваў у Прымэры ў матчы супраць «Дэпартыва Ля-Каруньня» (0:1). Улетку таго ж году Сэрхіё стаў чэмпіёнам Эўропы ў складзе юнацкай зборнай Гішпаніі для гульцоў не старэйшых за 19 гадоў. У сэзоне 2004—2005 гадоў Сэрхіё правёў у Ля-Лязе 31 матч і забіў 2 мячы, таксама ён гуляў у Кубку УЭФА, у прыватнасьці сустракаўся зь пецярбурскім «Зэнітам». У канцы сэзону Сэрхіё быў прызнаны гульцом-адкрыцьцём чэмпіянату.

26 сакавіка 2005 году Рамас дэбютаваў у складзе зборнай Гішпаніі, выйшаўшы на замену ў паядынку супраць зборнай Кітаю (3:0) ва ўзросьце 18 гадоў. Сэрхіё стаў першым футбалістам з 1941 году, які гуляў за зборную Гішпаніі ў такім юным узросьце: раней гэтага дамогся брамнік Хуан Акуньня. Празь некаторы час Сэрхіё трапіў у стартавы склад на адборачны матч чэмпіянату сьвету 2006 году супраць зборнай Сэрбіі і Чарнагорыі. З тых часоў ён стаў асноўным абаронцам каманды Люіса Арагонэса.

«Рэал»[рэдагаваць | рэдагаваць крыніцу]

Летам 2005 году мадрыдзкі «Рэал» набыў Рамаса за 27 мільёнаў эўра. «Барсэлёна» й «Манчэстэр Юнайтэд» таксама жадалі бачыць гульца ў сваім складзе. Крыху менш, чым праз год пасьля ЧС-2006, Сэрхіё набыў першы буйны тытул у кар’еры, стаўшы ў складзе «Рэалу» чэмпіёнам Гішпаніі. У адборачным турніры Эўра-2008 Рамас прыняў удзел у 11 з 12 матчаў і забіў 2 голы.

Дасягненьні[рэдагаваць | рэдагаваць крыніцу]

Клюбныя[рэдагаваць | рэдагаваць крыніцу]

Рэал

Міжнародныя[рэдагаваць | рэдагаваць крыніцу]

Гішпанія

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg Сэрхіё Рамассховішча мультымэдыйных матэрыялаў