Дыегу да Сылва Коста

Дыегу Коста
Пэрсанальная інфармацыя
Нарадзіўся	7 кастрычніка 1988(1988-10-07) (33 гады) Лагарту[d], Сэржыпі, Бразылія
Рост	185 см
Вага	81 кг
Пазыцыя	нападнік
Клюбная інфармацыя
Клюб	Атлетыку Мінэйру
Нумар	19
Клюбы
Гады	Клюб	Гульні (галы)¹
2006—2007 2006 2007—2009 2007 2007—2008 2008—2009 2009—2010 2010—2014 2012 2014—2018 2018—2021 2021—	Брага → Пінафіел (арэнда) Атлетыка Мадрыд → Брага (арэнда) → Сэльта (арэнда) → Альбасэтэ (арэнда) Рэал Вальядалід Атлетыка Мадрыд → Раё Вальекана (арэнда) Чэлсі Атлетыка Мадрыд Атлетыку Мінэйру	0 (0) 13 (5) 0 (0) 7 (0) 30 (6) 35 (9) 34 (8) 94 (43) 16 (10) 89 (52) 61 (12) 0 (0)
Зборныя
2014—	Гішпанія	24 (10)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 22 сьнежня 2020. ² Колькасьць гульняў і галоў за нацыянальную зборную ў афіцыйных матчах, адкарэктавана на 1 ліпеня 2018.

Дые́гу да Сы́лва Ко́ста (па-партугальску: Diego da Silva Costa; нарадзіўся 7 кастрычніка 1988 году, Лагарту, Бразылія) — бразыльскі й гішпанскі футбаліст, нападнік клюбу «Атлетыку Мінэйру» і нацыянальнай зборнай Гішпаніі.

Кар’ера

Клюбная

Дыегу Коста пачынаў гуляць у футбол у штаце Сан-Паўлу. У лютым 2006 году падпісаў кантракт з партугальскім клюбам «Брага», але выступаў толькі за рэзэрвовую каманду клюбу. Улетку 2006 году на правах арэнды адправіўся ў клюб «Пінафіел».

У сьнежні 2006 году быў прададзены ў «Атлетыка» за 1,5 млн эўра, аднак неўзабаве быў арэндаваны «Брагай» да канца сэзону. У тым сэзоне Дыегу Коста забіў свой першы гол за «Брагу» ў браму італьянскай «Пармы» ў розыгрышы Кубка УЭФА. Наступныя два сэзоны Коста правёў у арэндзе ў «Сэльце» й «Альбасэтэ». 8 ліпеня 2009 году Коста перайшоў у «Вальядалід» як частка ўгоды аб пераходзе Сэрхіё Асэнха ў «Атлетыка». Аднак у наступным сэзоне вярнуўся ў «Атлетыка», дзяўючы выдатным выступам за клюб.

У канцы ліпеня 2011 году на перадсэзонным зборы «Атлетыка» Дыегу Коста атрымаў сур’ёзную траўму калена, з-за якой прапусьціў палову сэзона. У студзені нападнік на правах арэнды перайшоў у «Раё Вальекана», у складзе якога ў 16 матчах забіў 10 мячоў. Улетку 2012 году вярнуўся ў «Атлетыка». Улетку 2013 году ангельскі «Лівэрпул» намагаўся выкупіць гульца, але зьдзелка не адбыалася, а ўжо на старце новага сэзону 2012—2013 гадоў пасьля сыходу з клюбу Радамэля Фалькао Дыегу стаўся сапраўдным лідэрам клюбу, стала забіваючы мячы за «матрацнікаў».

Калі Дыегу прайшоў мэдычны агляд у чэрвені, «Чэлсі» 1 ліпеня 2014 году абвесьціла пацьвердзіла дамоўленасьць, якая была дасягнута з мадрыдзкім «Атлетыка» на пераход Косты. Паводле дамовы «Чэлсі» выплаціў за гульца 32 млн фунтаў стэрлінгаў. 15 ліпеня лёнданскі клюб афіцыйна пацьвердзіў завяршэньне зьдзелкі. Дыегу Коста падпісаў кантракт на пяць гадоў, зарабляючы пры гэтам 150 тысячаў фунтаў на тыдзень.

Міжнародная

Дыегу Коста быў выкліканы ў зборную Бразыліі 4 сакавіка 2013 году для ўдзелу ў таварыскіх гульнях супраць зборных Італіі й Расеі. Дэбютаваў у зборнай, выйшаўшы на замену ў гульні супраць Італіі, якая скончылася зь лікам 2:2.

Аднак у кастрычніку 2013 году Дыегу атрымаў выклік у зборную Гішпаніі, паколькі валодае яшчэ й гішпанскім грамадзянствам. Коста зрабіў канатковы выбар на карысьць гішпанскай каманды, зрабіўшы афіцыйны запыт у ФІФА на дазвол удзелу ў міжнародных матчых на баку зборнай Гішпаніі. 5 сакавіка 2014 году Коста дэбютаваў у складзе зборнай Гішпаніі ў таварыскім матчы супраць зборнай Італіі.

Дасягненьні

«Атлетыка»:

• Чэмпіён Гішпаніі: 2014, 2021
• Уладальнік Кубка Гішпаніі: 2013
• Пераможца Лігі Эўропы: 2018
• Уладальнік Супэркубка УЭФА: 2010, 2012, 2018

«Чэлсі»:

• Чэмпіён Ангельшчыны: 2015, 2017
• Уладальнік Кубка лігі: 2015

Вонкавыя спасылкі

• Старонка на афіцыйным сайце ФК «Атлетыка» Мадрыд
• Профіль на BDFutbol
• Профіль на Transfermarkt
• Статыстыка на National Football Teams