Віктар Вальдэс
| Віктар Вальдэс | ||
| Пэрсанальная інфармацыя | ||
|---|---|---|
| Нарадзіўся | 14 студзеня 1982[1][2][3] (44 гады) | |
| Рост | 183 см | |
| Вага | 78 кг | |
| Пазыцыя | брамнік | |
| Клюбы | ||
| Гады | Клюб | Гульні (галы)¹ |
| 2000 | Барсэлёна С[d] | 16 (0) |
| 2000—2003 | Барсэлёна Б[d] | 77 (0) |
| 2002—2014 | Барсэлёна | 387 (0) |
| 2015—2016 | Манчэстэр Юнайтэд | 2 (0) |
| 2016 | → Стандард Льеж | 5 (0) |
| 2016—2017 | Мідлзбра | 28 (0) |
| Зборныя | ||
| 2000—2001 | Гішпанія (да 18)[d] | 11 (0) |
| 2001 | Гішпанія (да 19)[d] | 3 (0) |
| 2001 | Гішпанія (да 20)[d] | 1 (0) |
| 2001—2014 | Каталёнія[d] | 12 (0) |
| 2002—2003 | Гішпанія (да 21)[d] | 11 (0) |
| 2010—2014 | Гішпанія | 20 (0) |
Віктар Вальдэс і Арыбас (па-гішпанску: Víctor Valdés i Arribas, нар. 14 сьнежня 1982 году, Асьпіталет-дэ-Льёбрэгат, Гішпанія) — гішпанскі былы футбольны брамнік і трэнэр, болей за ўсё вядомы сваімі выступамі за «Барсэлёну». Да пачатку дарослых выступаў за асноўную каманду «Барсы» прайшоў праз усе моладзевыя каманды клюбу.
Пачатак кар’еры
[рэдагаваць | рэдагаваць код]Вальдэс нарадзіўся ў сям’і Агуэды Арыбас і Хасэ Мануэля Вальдэса. Мае двух братоў — старэйшага Рыкарда і малодшага Альвара. Трапіў у «Барсэлёну» 1 ліпеня 1992 году з клюбу «Пэнья Сінко Копас». Але ўжо ў верасьні зьехаў зь сям’ёй у Тэнэрыфэ і вярнуўся ў клюб толькі праз тры гады. У моладзевых структурах клюбу Віктар праявіў сабе настолькі добра, што ўжо ў сэзоне 2002/2003 быў пераведзены ў першую каманду.
Асноўны склад «Барсэлёны»
[рэдагаваць | рэдагаваць код]На пачатку Вальдэс разглядаўся, як замена Рабэрта Банана, але ўжо ў канцы сэзону пры трэнэры Радаміры Анцічы зрабіўся асноўным галкіпэрам клюбу. У сэзоне 2003/2004 замацаваў свой статус асноўнага брамніка. Правёўшы некалькі выдатных матчаў, дапамог «Барсэлёне» заняць другое месца. У наступным, чэмпіёнскім сэзоне 2004/2005 «Барсы» правёў амаль усе матчы сваёй каманды, выйграўшы прыз Рыкарда Заморы. У сэзоне 2005/2006 дапамог «Барсэлёне» перамагчы другі раз запар у чэмпіянаце Гішпаніі, а таксама выйграць другі раз у гісторыі Лігу чэмпіёнаў. У фінале спаборніцтва Вальдэс зрабіў некалькі выдатных сэйваў, і быў асабіста пахвалены трэнэрам каталёнцаў Франкам Райкардам пасьля гульні. У гэтым сэзоне, аднак, ён не заваяваў прыз Заморы, саступіўшы Санцьяга Каньісарэсу і пераможцу Хасэ Мануэлю Пінту. 17 траўня 2007 году Вальдэс паўтарыў рэкорд Андоні Субісарэты, адстаяўшы ўвесь сэзон без заменаў і не прапусьціўшы аніводнай гульні. Нягледзячы на гэта, «Барсэлёна» ня здолела перамагчы ў чэмпіянаце Гішпаніі трэці раз запар. Вальдэс трымае рэкорд клюбу па сухіх хвілінах на эўрапейскай арэне. 1 красавіка 2008 ён правёў 250-ю гульню за «Барсэлёну». 31 траўня 2013 году Вальдэс аб’явіў аб тым, што ня будзе прадоўжваць кантракт з «Барсэлёнай».
26 сакавіка 2014 году падчас гульні з «Сэльтай» Вальдэс парваў пярэдні крыжовы зьвязак і быў зьменены. З-за гэтае траўмы, Вальдэс прапусьціў рэшту сэзону і Чэмпіянат сьвету па футболе 2014 году. Меркаваны пераход Вальдэса ў «Манака» таксама быў сарваны з-за таго, што францускі клюб не захацеў падпісваць умову з траўмаваным гульцом.
У студзені 2015 году пасьля пошнай рэабілітаціі гульца Віктар падпісаў 18-месячнае пагадненьне з ангельскім клюбам «Манчэстэр Юнайтэд» у якасьці рэзэрвовага брамніка суайчыньніка Давіда дэ Хэа[4].
Узнагароды
[рэдагаваць | рэдагаваць код]«Барсэлёна»:
- Чэмпіён Гішпаніі (6): 2005, 2006, 2009, 2010, 2011, 2013
- Уладальнік Кубка Гішпаніі (2): 2009, 2012
- Уладальнік Супэркубка Гішпаніі (6): 2005, 2006, 2009, 2010, 2011, 2013
- Пераможца Лігі чэмпіёнаў (3): 2006, 2009, 2011
- Уладальнік Супэркубка Эўропы (2): 2009, 2011
- Пераможца клюбнага чэмпіянату сьвету (2): 2009, 2011
«Стандард»:
- Уладальнік Кубка Бэльгіі: 2016
Гішпанія:
- Чэмпіён сьвету: 2010
- Чэмпіён Эўропы: 2012
Крыніцы
[рэдагаваць | рэдагаваць код]- ↑ Víctor Valdés // Transfermarkt (мн.) — 2000.
- ↑ VICTOR VALDEZ arribas // Argentine Soccer Database (гішп.)
- ↑ Víctor Valdés Arribas // As (гішп.) — Madrid: PRISA, 1967. — ISSN 1888-6671
- ↑ Victor Valdes: Man Utd sign former Barcelona goalkeeper. BBC Sport