Жаан Капдэвіля

**Жаан Капдэвіля**
	Жаан Капдэвіля
Пэрсанальная інфармацыя
Нарадзіўся	3 лютага 1978 (48 гадоў); Tàrrega[d], Urgell[d];
Рост	182 см
Вага	79 кг
Пазыцыя	задні абаронца
Клюбы
Зборныя

Жаан Капдэвіля-і-Мэндэс (па-каталянску: Joan Capdevila i Méndez; нар. 3 лютага 1978 году, Тарэга, Гішпанія) — былы гішпанскі футбаліст каталёнскага паходжаньня, абаронца. Выступаў за нацыянальную зборную Гішпаніі.

Кар’ера

Клюбная

Жаан пачынаў займацца футболам у камандзе з роднага гораду, пасьля працягнуў навучаньне ў футбольнай школе барсэлёнскага клюбу «Эспанёл». У сэзоне 1997—1998 гадоў гуляў за дублюючы склад гэтага клюбу, а ўжо ў наступным сэзоне дэбютаваў у складзе ягонай асноўнай каманды ў Ля Лізе, элітным дывізіёне гішпанскага першынства. Адыграўшы адзін сэзон у аснове «Эспанёлу», перайшоў у мадрыдзкі «Атлетыка», у якім правёў таксама толькі адзін сезон.

Сэзон 2000—2001 гадоў стаў ужо ў новым клюбе — «Дэпартыва», у якім правёў наступныя сем гадоў сваёй футбольнай кар’еры. Паступова стаў асноўным левым абаронцам клюбу, у складзе якога стаў чэмпіёнам краіны ў сэзоне 2001—2002 гадоў і ўладальнікам Супэркубка Гішпаніі ў 2000 і 2002 гадох.

Улетку 2007 году ў якасьці вольнага агента перайшоў у «Вільярэал», заключыўшы з клюбам трохгадовы кантракт. Прыход дасьведчанага абаронцы разглядаўся кіраўніцтвам клюбу як узмацненьне складу перад выступамі ў Кубку УЭФА^[3]. Гулец адразу ж атрымаў сталае месца ў асноўным складзе й доўгі час заставаўся асноўным левым абаронцам каманды.

У ліпені 2011 году 33-гадовы абаронца заключыў двухгадовы кантракт з партугальскім клюбам «Бэнфіка». 27 ліпеня 2012 году Капдэвіля дамовіўся аб вяртаньні ў свой першы прафэсійны клюб «Эспанёл»^[4].

Міжнародная

Капдэвіля дэбютаваў у зборнай Гішпаніі 16 кастрычніка 2002 году ў гульні супраць зборнай Парагваю, матч скончыўся зь лікам 0:0. Ён забіў свой першы гол у адборачным матчы да чэмпіянату Эўропы 2008 году супраць зборнай Швэцыі 17 лістапада 2007 году, калі Гішпанія перамагла зь лікам 3:0. 6 лютага 2008 году ў Малязе, Капдэвіля забіў пераможны гол у таварыскай гульні супраць зборнай Францыі, якая скончылася зь лікам 1:0. У складзе зборнай на чэмпіянаце Эўропы 2008 году Жаан гуляў ва ўсіх матчах, акрамя аднаго. Падчас турніру ён зарэкамендаваў сябе як гулец асновы.

Дасягненьні

Клюбныя

«Дэпартыва»:

Чэмпіён Гішпаніі: 2000
Уладальнік Супэркубка Гішпаніі (2): 2000, 2002

«Бэнфіка»:

Уладальнік Кубка партугальскае лігі: 2012

«Санта-Калёма»:

Чэмпіён Андоры: 2017

Міжнародныя

Гішпанія:

Чэмпіён Эўропы: 2008
Чэмпіён сьвету: 2010

Крыніцы

↑ Joan Capdevila // Transfermarkt (мн.) — 2000.
↑ Joan Capdevila Méndez // As (гішп.) — Madrid: PRISA, 1967. — ISSN 1888-6671
↑ Капдэвіля пераходзе ў «Вільярэал». uefa.com
↑ Capdevila, quart fitxatge. Espanyol

Вонкавыя спасылкі

Профіль на афіцыйным сайце ФК «Эспанёл»
Профіль на сайце transfermarkt.co.uk
Статыстыка на сайце National Football Teams

[_4f556e9fa5f75912-1] Joan Capdevila // Transfermarkt (мн.) — 2000.

[_3a9cc3ec7bc54060-2] Joan Capdevila Méndez // As (гішп.) — Madrid: PRISA, 1967. — ISSN 1888-6671

[3] Капдэвіля пераходзе ў «Вільярэал». uefa.com

[4] Capdevila, quart fitxatge. Espanyol

[1]

[2]

[3]

[4]

Пэрсанальная інфармацыя
Жаан Капдэвіля

Нарадзіўся	3 лютага 1978(1978-02-03)^[1]^[2] (48 гадоў) Tàrrega^[d], Urgell^[d]
Рост	182 см
Вага	79 кг
Пазыцыя	задні абаронца
Клюбы
Гады	Клюб	Гульні (галы)¹
1996—1997	Тарэга^[d]	34 (3)
1997—1998	Эспанёл Б^[d]	45 (4)
1998—1999	Эспанёл	29 (4)
1999—2000	Атлетыка Мадрыд	31 (2)
2000—2007	Дэпартыва Ля-Каруньня	179 (15)
2007—2011	Вільярэал	140 (15)
2011—2012	Бэнфіка	5 (0)
2012—2014	Эспанёл	31 (0)
2014	Норт-Іст Юнайтэд^[d]	12 (0)
2015	Льерс	4 (0)
2016—2017	Санта-Калёма	2 (2)
Зборныя
1998—2000	Гішпанія (да 21)^[d]	13 (0)
2000	Гішпанія (да 23)^[d]	4 (0)
2002—2011	Гішпанія	60 (4)
2002—2013	Каталёнія^[d]	10 (0)