Перайсьці да зьместу

Лямін Ямаль

Зьвесткі зь Вікіпэдыі — вольнай энцыкляпэдыі
Лямін Ямаль
Пэрсанальная інфармацыя
Нарадзіўся 13 ліпеня 2007(2007-07-13)[1] (18 гадоў)
Рост 1,8 м[3]
Пазыцыя вінгер
Клюбная інфармацыя
Клюб Барсэлёна
Нумар 10
Клюбы
Гады Клюб Гульні (галы)¹
2023—4 Барсэлёна 101 (30)
Зборныя
2022 Гішпанія (да 15)[d] 6 (2)
2022 Гішпанія (да 19)[d] 1 (0)
2023—4 Гішпанія 25 (6)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
22 красавіка 2026.
² Колькасьць гульняў і галоў за нацыянальную зборную
ў афіцыйных матчах, адкарэктавана на
31 сакавіка 2026.

Лямін Ямаль Насраўі Эбана (па-гішпанску: Lamine Yamal Nasraoui Ebana; нар. 13 ліпеня 2007 году) — гішпанскі футбаліст, правы ўінгер клюбу «Барсэлёна» і нацыянальнай зборнай Гішпаніі. Зважаецца адным з найлепшых маладых талентаў у сьвеце[4][5][6]. Мае мараканскае і экватарыяльнагвінэйскае паходжаньне.

Кар’ера

[рэдагаваць | рэдагаваць код]

Клюбная

[рэдагаваць | рэдагаваць код]

Ямаль у веку шасьці гадоў трапіў у акадэмію «Барсэлёны», вядомую як Ля-Масія, пасьля прагляду. Ужо хутка ён пачаў зважаецца як адзін з найгалоўных талентаў акадэміі[7][8][9], то бок гулец трапіў у каманду да 19 гадоў ужо ў сэзоне 2022—2023 гадоў[9]. Улетку 2022 году Ямаль поруч зь іншымі маладымі выхаванцамі быў запрошаны Чаві ў падрыхтоўчы лягер першай каманды[10][11]. Паводле зьвестак, маладзён уразіў галоўнага трэнэра[12].

Футбаліст дэбютаваў у асноўнай камандзе «Барсэлёны» 29 красавіка 2023 году, замяніўшы Гаві на 83-й хвіліне пераможнага матчы Ля Лігі супраць «Бэтысу». За некалькі хвілін маладзён зрабіў адзін стрэл у браму былога галкіпэра «Барсэлёны» Кляўдыё Брава і стаў ня толькі пятым наймаладзейшым гульцом у гісторыі Ля Лігі, згуляўшы матчы ў веку 15 гадоў, 9 месяцаў і 16 дзён[13], але таксама наймаладзейшым гульцом першай каманды «Барсэлёны» пасьля 15-гадовага Арманда Сажы, які ўсталяваў рэкорд яшчэ ў 1922 годзе[14]. Свой першы матч ад пачатку Ямаль згуляў у складзе клюбу 20 жніўня 2023 году, калі каталёнцы прымалі «Кадыс»[15][16]. У свой наступны матч гулец быў абраны футбалістам матчу, пасьля таго як дапамог Гаві і Робэрту Левандоўскаму ўлучыць мячы ў браму «Вільярэалу»[17]. Напружаны матч скончыўся зь лікам 4:3 на карысьць барсэлёнцаў. 19 верасьня гулец запачаткаваў выступы ў Лізе чэмпіёнаў, зьявіўшыся ў матчы супраць «Антвэрпэну»[18]. 2 кастрычніка Ямаль склаў новую працоўную дамову, а кошт ягонага выкупу павялічыўся да 1 мільярда эўра[19]. Праз амаль тыдзень гішпанец адзначыўся голам у браму «Гранады». У 16 гадоў Лямін пераўзвысіў некалькі рэкордаў цягам сэзону, згуляўшы 50 матчаў ва ўсіх спаборніцтвах[20].

26 кастрычніка ў веку 17 гадоў і 105 дзён хлопец стаў самым маладым бамбардзірам у гісторыі Эль-Клясыка, правёўшы трэці гол у пераможным матчы супраць мадрыдзкага «Рэалу» (4:0). 30 красавіка Ямаль згуляў свой 100-ы матч за клуб у паўфінальным матчы Лігі чэмпіёнаў супраць мілянскага «Інтэру». Ён адзначыўся голам у нічыйным матчы зь лікам 3:3 і быў высока ацэнены трэнэрам «Інтэру» Сымонэ Індзагі, які назваў Ямаля фэномэнам, які нараджаецца раз на 50 гадоў[21]. У 2025 годзе ён быў другім прэтэндэнтам на «Залаты мяч»[22]. 27 траўня 2025 года гулец пагадзіўся скласьці свой першы доўгатэрміновы кантракт з «Барсэлёнай», які мусіў быць складзены ў дзень ягонага поўналецьця і павязваў яго з клюбам да 30 чэрвеня 2031 году[23][24]. Паводле выданьня «Athletics» ён мог стаць адным з самых высокааплатных гульцоў «Барсэлёны»[25]. 16 ліпеня на імпрэзе падпісаньня кантракту Ямалу ўручылі кашулю з нумарам 10, якая была вызваленая пасьля сыходу ў арэнду Ансу Фаці ў «Манака»[26]. 16 жніўня ў першым матчы сэзону Ля Лігі супраць «Мальёркі» маладзён правёў свой першы гол за «Барсэлёну» у кашулі зь дзясяткай на сьпіне[27].

Міжнародная

[рэдагаваць | рэдагаваць код]

Ямаль прыцягваўся да матчаў зборных Гішпаніі розных узростаў. У 2023 годзе ён быў адным з ключавых гульцоў у складзе зборнай Гішпаніі да 17 гадоў на чэмпіянаце Эўропы сярод юнакоў. Футбаліст забіў чатыры галы на турніры, але зборная была выбітая французамі ў паўфінале першынства. 1 верасьня 2023 году, то бок у веку 16 гадоў і 50 дзён, Лямін атрымаў свой першы міжнародны выклік у нацыянальную зборную Гішпаніі на адборачныя матчы чэмпіянату Эўропы 2024 году супраць зборных Грузіі і Кіпру[28]. 8 верасьня гулец дэбютаваў у кашулі нацыянальнай зборнай, адзначыўшыся ўлучыным голам на 74-й хвіліне матчу ў браму зборнай Грузіі[29]. 7 чэрвеня 2024 году ён быў абраны ў склад зборнай на сам турнір[30]. 15 чэрвеня гулец дэбютаваў на чэмпіянаце Эўропы ў матчы супраць зборнай Харватыі, стаўшы наймаладзейшым гульцом у веку 16 гадоў і 338 дзён, пабіўшы папярэдні рэкорд паляка Кацпэра Казлоўскага[31].

Дасягненьні

[рэдагаваць | рэдагаваць код]

«Барсэлёна»:

Гішпанія:

Крыніцы

[рэдагаваць | рэдагаваць код]
  1. ↑ https://www.sport.es/es/noticias/barca/secretos-lamine-yamal-86354043
  2. ↑ https://www.lavanguardia.com/deportes/fc-barcelona/20230423/8915449/talento-increiblemente-precoz-lamine-yamal-quien-es-perfil-barca.html
  3. ↑ https://www.transfermarkt.com/lamine-yamal/profil/spieler/937958
  4. ↑ «Watch: Lamine Yamal making more history! 16-year-old Barcelona sensation breaks Supercopa goalscoring record after late strike against Osasuna». Goal.
  5. ↑ «The 25 best young players in world football right now ranked in order». Give Me Sport.
  6. ↑ «'A superstar is born' — Yamal’s history making moment of 'genius'». BBC Sport.
  7. ↑ « «Lamine Yamal shows shades of Messi». Marca
  8. ↑ «La Masía alumbra a su 'nuevo Ansu'». Diario AS
  9. 1 2 «Julián Araujo, un 'tapado' para el lateral derecho». Mundo Deportivo.
  10. ↑ «Lamine Yamal, el niño de 15 años que ya entrena con el Barcelona: descubre al "mini Messi" de La Masía». Marca
  11. ↑ «FC Barcelona: Wird Lamine Yamal (15) der nächste Lionel Messi?». Sport Bild
  12. ↑ «Promessa de 15 anos encanta Xavi e treina com elenco do Barcelona». Globo Esporte
  13. ↑ «Youngest players in the history of La Liga». 90min.
  14. ↑ «15-Year-Old FC Barcelona Prodigy Lamine Yamal Smashes Youngest Appearance Maker Record». Forbes.
  15. ↑ «Lamine Yamal, youngest FC Barcelona starter ever». FC Barcelona.
  16. ↑ «Lamine Yamal becomes youngest La Liga starter in 21st century in Barcelona’s 2-0 win against Cádiz». CNN.
  17. ↑ «Villarreal 3–4 FC Barcelona: Rollercoaster ride to victory». FC Barcelona.
  18. ↑ «Youngest Champions League players: Moukoko, Yamal, Babayaro, Cherki, Halilović, Tielemans». UEFA.
  19. ↑ «Lamine Yamal extends contract to 2026». FC Barcelona.
  20. ↑ «All Lamine Yamal’s records». FC Barcelona.
  21. ↑ Inzaghi: Phenoms like Yamal 'born every 50 years'. ESPN.com (30.04.2025). Архіўная копія ад 01.05.2025 г.
  22. ↑ https://www.marca.com/en/football/2025/09/22/68d167ff7aeb1c2f75b9e9e8-live.html
  23. ↑ Lamine Yamal extends contract with FC Barcelona to 2031. FC Barcelona (27.05.2025).
  24. ↑ Sung, Patrick (28.05.2025) 17-year-old superstar Lamine Yamal signs contract extension with Barcelona until 2031. CNN.
  25. ↑ Ballús, Pol. Lamine Yamal’s new Barcelona contract: Inside the deal that could be worth nearly €40m a year // The New York Times, 28.05.2025 г.
  26. ↑ Lamine Yamal is the FC Barcelona No.10 // FC Barcelona, 16.07.2025 г.
  27. ↑ https://www.goal.com/en-qa/lists/barcelona-player-ratings-vs-mallorca-raphinha-ferran-torres-lamine-yamal-marcus-rashford-la-liga-debut/blt0c3584db573f5335
  28. ↑ «Lista de convocados para los partidos contra Georgia y Chipre». Royal Spanish Football Federation.
  29. ↑ «Spain teen Yamal scores, breaks record on debut». ESPN.
  30. ↑ «Final Spain squad for the Euro 2024 finals». Royal Spanish Football Federation.
  31. ↑ «Prodigy Lamine Yamal breaks record as youngest ever UEFA Euro player». Optus Sport.

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Лямін_Ямаль&oldid=2669428»