Фрайбург (футбольны клюб)

	Фрайбург
Поўная назва	Sport-Club Freiburg
Заснаваны	30 траўня 1904
Горад	Фрайбург-ім-Брайсгаў, Нямеччына
Стадыён	Бадэнава-Арэна; Умяшчальнасьць: 24 000
Галоўны трэнэр	Юліян Шустэр[d];
Чэмпіянат	Бундэсьліга
· 2024—2025	5 месца
	Галерэя здымкаў у Вікісховішчы; scfreiburg.com (ням.)

«Фрайбург» (па-нямецку: SC Freiburg) — нямецкі футбольны клюб з гораду Фрайбургу, які месьціцца ў фэдэральнай зямлі Бадэн-Вюртэмбэргу. «Фрайбург» традыцыйна хістаецца паміж першым і другім дывізіёнамі нямецкага футболу, што дало падставу на стварэньне заўзятарамі клюбу крычалкі: «Мы ідзем ўніз, мы ідзем наверх, мы ідзем у Кубак УЭФА!», якая была створана ў 1990-я гады^[2]. Фолькер Фінке, які быў мэнэджарам клюбу ў пэрыяд паміж 1991 і 2007 гадамі, быў найдаўжэйшым паводле тэрміну працы ў адным клюбе з усіх мэнэджараў у гісторыі прафэсійнага футболу ў Нямеччыне. Ёахім Лёў, колішні мэнэджар нямецкай зборнай, ёсьць найлепшым бамбардзірам клюбу за ўсю ягоную гісторыю, забіўшы 81 гол у 252 гульнях за клюб^[3]. Клюб быў заснаваны ў 1904 годзе.

Гісторыя

Раньнія гады

Клюб вядзе сваю гісторыю ад двух клюбаў, якія абодва былі заснаваны ў 1904 годзе, то бок гэта «Freiburger Fußballverein 04», які быў створаны ў сакавіку, і «Schwalbe Freiburg», які зьявіўся толькі праз два месяцы. Абодва клюбы зьведалі некалькі зьменаў назова. Так «Schwalbe Freiburg» стаўся футбольным клюбам «Марс» (ням. Mars) у 1905 годзе, а праз год быў перайменаваны ў «Union Freiburg», у той жа час «Freiburger Fußballverein 04» стаўся «Sportverein Freiburg 04» у 1909 годзе. Праз тры гады абодва клюбы аб’ядналіся ў адзіны клюб «Фрайбург», і менавіта тады была створана эмблема клюбу з выявай галавы грыфону.

У 1918 годзе пасьля спусташэньня Першай сусьветнай вайны «Фрайбург» увайшоў у часовую дамоўленасьць з клюбам «Фрайбургер», каб мець магчымасьць выставіць поўны склад гульцоў, і гэтае часовае аб’яднаньне атрымала назоў «KSG Freiburg». На наступны год «Фрайбург» далучыліся да «FT 1844 Freiburg» на некаторы час як футбольны аддзел гэтага клюбу. Гэтае супрацоўніцтва было адноўлена ў 1938 годзе. Клюб пасьпеў пагуляць на самым высокім узроўні з 1928 году, спачатку ў Бэцырксьлізе Бадэну, а потым і ў Гаўлізе Бадэну, зь якой яны вылецелі ў 1934 годзе.

У канцы Другой сусьветнай вайны, акупацыйныя ўлады хаўрусьнікаў расфармавалі большасьць існуючых арганізацыяў у Нямеччыне, у тым ліку футбольныя й спартовыя клюбы. Клюбам было дазволена аднавіць сваю дзейнасьць праз год, але яны павінны былі браць на сябе новыя імёны ў спробе дыстанцыявацца ад іхняга нядаўняга нацысцкага мінулага. Таму да 1950 году клюб быў вядомы пад новым назовам «VfL Freiburg», але пасьля франка-акупацыйныя ўлады дазволілі клюбам вярнуць сваю старую ідэнтычнасьць. Нарэшце, у 1952 годзе, «Фрайбург» зноўку пакінуў таварыства «FT Freiburg».

Склад

Актуальны на 17 верасьня 2025 году

№	Пазыцыя	Імя	Год нараджэньня
1	Бр	Ноа Атубалю	2002
3	Аб	Філіп Лінгарт	1996
5	Аб	Антоні Юнг	1991
6	ПА	Патрык Остэргаге	2000
7	Нап	Дэры Шэргант	2002
8	ПА	Максімілян Эгештайн	1996
9	Нап	Люкас Гёлер	1994
11	ПА	Дэніел-Кофі К’ерэ	1996
14	ПА	Юіта Судзукі	2001
17	Аб	Люкас Кюблер	1992
18	Нап	Эрэн Дынкчы	2001
19	Нап	Ян-Нікляс Бэстэ	1999
20	Нап	Чуквубуіке Адаму	2001
21	Бр	Флёрыян Мюлер	1997

№	Пазыцыя	Імя	Год нараджэньня
22	Нап	Сырыяк Ірые	2005
24	Бр	Янік Гут	1994
26	Нап	Максімілян Філіп	1994
27	ПА	Нікаляс Гёфлер	1990
28	Аб	Матыяс Гінтэр	1994
29	Аб	Філіп Трой	2000
30	Аб	Крыстыян Гюнтэр (капітан)	1993
31	Нап	Ігар Матанавіч	2003
32	Нап	Крыстыян Гюнтэр	1993
33	Аб	Жардзі Макенго	2001
37	Аб	Макс Розэнфэльдэр	2003
43	Аб	Бруна Огбус	2005
44	ПА	Яан Манзамбі	2005

Крыніцы

^ https://www.transfermarkt.com/-/mitarbeiterhistorie/verein/60
^ «Reason trumps rashness at Freiburg»(недаступная спасылка). Bundesliga website.
^ Peter Martin (2004). Sport-Club Freiburg. ed. «Hundert Jahre 90 Minuten: Die Geschichte des SC Freiburg von 1904-2004». Freiburg.

Вонкавыя спасылкі

[_5f2d4707df293b87-1] ttps://www.transfermarkt.com/-/mitarbeiterhistorie/verein/60

[2] «Reason trumps rashness at Freiburg»(недаступная спасылка). Bundesliga website.

[3] Peter Martin (2004). Sport-Club Freiburg. ed. «Hundert Jahre 90 Minuten: Die Geschichte des SC Freiburg von 1904-2004». Freiburg.

[1]

[2]

[3]