Уніён Бэрлін

	Уніён
Поўная назва	1. FC Union Berlin e. V.
Заснаваны	1906
Горад	Бэрлін, Нямеччына
Стадыён	Ан дэр Альтэн Фёрштэрай; Умяшчальнасьць: 18 432
Прэзыдэнт	Дырк Цынглер[d]
Галоўны трэнэр	Бу Свэнсан[d];
Чэмпіянат	Бундэсьліга
· 2023—2024	15 месца
	Галерэя здымкаў у Вікісховішчы; fc-union-berlin.de (ням.) (анг.)

«Уніён» (па-нямецку: Union) — нямецкі футбольны клюб з гораду Бэрліна. Заснаваны ў 1906 годзе пад назвай «Алімпія». Фіналіст Кубка Нямеччыны (2001).

За часам халоднае вайны «Ўніён» месьціўся ва Ўсходнім Бэрліне таму браў удзел у розыгрышах чэмпіянату НДР. Пасьля ўзьяднаньня Нямеччыны далучыўся да агульнанямецкай клюбнай структуры ў 1990 годзе^[2]. З 2009 па 2019 гады клюб быў сталым удзельнікам Бундэсьлігі 2, якая ёсьць другім дывізіёнам клюбнага футболу краіны. У 2019 годзе «Ўніён» прасунуўся ў Бундэсьлігу ўпершыню ў сваёй гісторыі. У 2022 годзе клюб браў удзел у кваліфікацыйных раўндах Лігі Эўропы.

Па стане на 2022 год, «Уніён» налічвае 45 тысяч афіцыйных сябраў клюбу^[3]. Вядомы сваёй заўзятарскай супольнасьцю^[4]. У часы падзелу Нямеччыны галоўнае супрацьстаяньне клюб меў з бэрлінскім «Дынама», якое асацыявалася з службай бясьпекі Штазі. Не зважаючы на тое, што іншым буйным клюбам Бэрліну на сёньня ёсьць «Гэрта», асаблівага супрацьстаяньня паміж камандамі бракуе.

Гісторыя

Заснаваньне

Клюб быў закладзены ў 1906 годзе пад назвай «Алімпія» і базаваўся ў бэрлінскім раёне Обэршэнэвайдэ, які на той час быў яшчэ прадмесьцем. У 1910 годзе назва была зьмененая на «Ўніён 06». У тыя часы каманда была адной зь вядучых у Бэрліне, рэгулярна перамагаючы ў мясцовых чэмпіянатах і спаборнічаючы на нацыянальным узроўні. Гэтак «Уніён» прасунуўся ажно да фіналу чэмпіянату Нямеччыны 1923 году, дзе яны саступілі «Гамбургу» зь лікам 0:3.

Ад пачатку клюб асацыяваўся з працоўнай клясай, у той час большасьць бэрлінскіх клюбаў мелі паходжаньне зь сярэдняе клясы, як то «Вікторыя», «Бляў-Вайс», БСФ-92 і «Тэніс Барусія». Як мяркуецца, у тыя часы зьявіўся клюбны вокліч — «Жалезны зьвяз!» (ням. Eisern Union!), які дасюль шырока ўжываецца заўзятарамі клюбу^[5].

Склад

Актуальны на 12 верасьня 2024 году

№	Пазыцыя	Імя	Год нараджэньня
1	Бр	Фрэдэрык Рэнаў	1992
2	Аб	Кевін Фогт	1991
4	Аб	Дыёгу Лейтэ	1999
5	Аб	Данілё Духі	1998
7	Нап	Ёрбэ Вэртэсэн	2001
8	ПА	Рані Хэдыра	1994
9	Нап	Іван Пртаін	1996
10	Нап	Кевін Фолянд	1992
11	ПА	Чон Ву-Ён (ар. Штутгарт)	1999
13	ПА	Андраш Шэфэр	1999
14	Аб	Леапольд Квэрфэльд	2003
15	Аб	Том Ротэ	2004
16	Нап	Бэнэдыкт Голербах	2001
17	Нап	Жардан Сыбачо	1996

№	Пазыцыя	Імя	Год нараджэньня
18	Аб	Ёсіп Юранавіч	1995
19	ПА	Янік Габэрэр	1994
20	ПА	Ласла Бэнэш	1997
21	Нап	Тым Скарке	1996
23	Нап	Андрэй Іліч (ар. Ліль)	2000
24	ПА	Робэрт Скоў	1996
25	Бр	Карл Кляўс	1994
26	Аб	Жэром Русіён	1993
28	Аб	Крыстафэр Трымэль (капітан)	1987
29	ПА	Люка Тузар	1997
36	ПА	Алёша Кемляйн	2004
37	Бр	Аляксандар Шволяў	1992
39	Бр	Янік Штайн	2004
45	Нап	Давід Прой	2004