Гайдэнгайм (футбольны клюб)
| Гайдэнгайм | |
 | |
| Поўная назва | 1. Fußballclub Heidenheim 1846 e.V. |
|---|---|
| Заснаваны | 14 жніўня 1846 |
| Горад | Гайдэнгайм, Нямеччына |
| Стадыён | Фойт-Арэна Умяшчальнасьць: 13 000 |
| Чэмпіянат | Бундэсьліга 2 |
| · 2025—2026 | Бундэсьліга, 17 месца (паніжэньне) |
 Галерэя здымкаў у Вікісховішчыfc-heidenheim.de (ням.) | |
«Га́йдэнгайм» (па-нямецку: Heidenheim) — нямецкі футбольны клюб з гораду Гайдэнгайму. Заснаваны ў 1846 годзе.
Гісторыя
[рэдагаваць | рэдагаваць код]Цяперашні клюб быў сфармаваны ў 2007 годзе праз аддзяленьне футбольнай сэкцыі ад спартовага зьвязу Гайдэнгайму, найбуйнейшага спартовага клюбу, які мае 5800 сябраў і мае сэкцыі ў 27 відах спорту. Незалежнасьць футбольнага клюбу дазволіла яму працаваць пад больш пільным эканамічным стандартам, усталяваным для прафэсійных клюбаў Нямецкім футбольным зьвязам. Сам спартовы клюб Гайдэнгайму паўстаў яшчэ ў 1972 годзе па зьліцьці двух іншых спартовых арганізацыяў. Вытокі ж клюбу прасочваюцца да 14 жніўня 1846 году, калі быў закладзены гімнастычны клюб. У 1852 годзе гэты клюб быў расфармаваны, але паўстаў наноў у 1861 годзе.
Футбольная каманда ў складзе зьвязу была створаная 8 ліпеня 1911 году і стала незалежнай 21 жніўня 1922 году пад назвай «1911-Гайдэнгайм». У 1936 годзе да каманды далучыўся плавальны клюб, і новай назвай было вырашына абраць «Гайдэнгайм-04». Ужо па Другой сусьветнай вайне, у 1949 годзе шляхі плыўцоў і футбалістаў разышліся. Футбалісты вярнуліся да сваёй былой назвы — «1911-Гайдэнгайм». У 1972 годзе адбылося аб’яднаньне гэтага клюбу з тым пачатковым гімнастычным, што, фактычна, вярнула футбалістаў ва ўлоньне. З тых часоў клюб пераважна спаборнічаў у акруговых і рэгіягальных лігах. У 2009 годзе клюб упершыню дасягнуў Трэцюю лігу. Пасьля пяці гадоў спабоніцтваў у трэцім дывізіёне «Гайдэнгайм» у сэзоне 2013—2014 гадоў атрымаў перамогу ў лізе і прасунуўся ў Бундэсьлігу 2.
У сэзоне 2019—2020 гадоў «Гайдэнгайм» заняў трэці радок у плэй-оф. Такім чынам, клюб атрымаў мажлівасьць падужацца з «Вэрдэрам», які заняў 16-ы радок у Бундэсьлізе, у матчы за выхад у найвышэйшую лігу[1]. Сустрэча завяршылася нічыёю 2:2 у двубоі, але «Гайдэнгайм» саступіў паводле правілу выязных галоў і застаўся ў другой Бундэсьлізе[2]. У апошнім туры сэзону 2022—2023 гадоў клюб здолеў правесьці два галы ў дададзены час і перамагчы «Ян Рэгенсбург» зь лікам 3:2. У гэтым матчы яны апынуліся на вяршыні турнірнай табліцы, апярэдзіўшы «Дармштат-98» паводле розьніцы мячоў, і ўпершыню ў сваёй гісторыі прабіліся ў Бундэсьлігу[3]. 17 верасьня 2023 году клюб атрымаў першую перамогу ў элітным дывізіёне, адолеўшы той самы «Вэрдэр» зь лікам 4:2. У той жа дзень галоўны трэнэр Франк Шміт усталяваў рэкорд як трэнэр з самым працяглым стажам у гісторыі нямецкага футболу[4]. Уражлівы сэзон у Бундэсьлізе дазволіў клюбу заняць 8-е месца ў сэзоне 2023—2024 гадоў, забясьпечыўшы камандзе месца ў лізе на наступны сэзон. Пагатоў, перамога чэмпіёна Нямеччыны «Баера» над «Кайзэрсьляўтэрнам» у фінале Кубка Нямеччыны азначала, што «Гайдэнгайм» упершыню кваліфікаваўся ў эўрапейскі турнір, якім сталася Ліга канфэрэнцыяў[5]. 29 жніўня 2024 году нямецкая дружына прабілася ў лігавую стадыю гэтага эўракубка, выгуляўшы швэдзкі «Гэкен» зь лікам 3:2 у хатняй сустрэчы і 5:3 паводле сумы двух матчаў[6].
Склад
[рэдагаваць | рэдагаваць код]- Актуальны на 21 лютага 2026 году
|
|
Крыніцы
[рэдагаваць | рэдагаваць код]- ↑ Heidenheim to face Werder Bremen in the Bundesliga promotion-relegation play-off. bulinews.com (28.06.2020). Архіўная копія ад 30.06.2020 г.
- ↑ Schrader, Max (06.07.2020) 1. FC Heidenheim – Werder Bremen 2:2: Trotz wilder Schlussphase mit drei Toren – SVW bleibt in der Bundesliga. SPOX.com. Архіўная копія ад 06.07.2020 г.
- ↑ 1. FC Heidenheim steigt nach Drama in Bundesliga auf – HSV in der Relegation. Heidelberg24 (28.05.2023). Архіўная копія ад 28.05.2023 г.
- ↑ Heidenheim 4-2 Werder Bremen: Frank Schmidt makes history in first Bundesliga win. BBC Sport (17.09.2023). Архіўная копія ад 24.10.2023 г.
- ↑ Heidenheim und Hoffenheim profitieren von Leverkusens Sieg. Sportschau (25.05.2025). Архіўная копія ад 26.05.2024 г.
- ↑ 3:2-Heimsieg – Der FCH zieht in die Ligaphase der Conference League ein!. 1. FC Heidenheim 1846 e. V. (29.08.2024). Архіўная копія ад 16.02.2025 г.