Ганятычы

	Ганятычы
	польск. Honiatycze
Краіна:	Польшча
Ваяводзтва:	Любельскае
Павет:	Грубешаўскі
Гміна:	Вербкавіцы
Насельніцтва:	216 чал. (2007)
Часавы пас:	UTC+1
летні час:	UTC+2
Тэлефонны код:	(+48) 84
Паштовы індэкс:	22-550
Нумарны знак:	LHR
Геаграфічныя каардынаты:	50°42′0″ пн. ш. 23°40′0″ у. д. / 50.7° пн. ш. 23.66667° у. д.Каардынаты: 50°42′0″ пн. ш. 23°40′0″ у. д. / 50.7° пн. ш. 23.66667° у. д.
	Ганятычы на мапе Польшчы Ганятычы
	Галерэя здымкаў у Вікісховішчы

Ганя́тычы (па-польску: Honiatycze) — вёска ў Грубешаўскім павеце Любельскага ваяводзтва Рэспублікі Польшча. Уваходзіць у склад гміны Вербкавіцы. Знаходзіцца прыкладна за 10 км на паўднёвы захад ад Вербкавіцаў, 21 км (13 mi) на паўднёвы захад ад Грубешава і 98 км на паўднёвы ўсход ад Любліну.

Па стане на 12 студзеня 2007 року тут пражывалі 216 чалавек, у тым ліку 106 жанчынаў і 110 мужчынаў.

Мінуўшчына

АД 1749 року — уласнасьць Рулікоўскіх гербу «Кораб».

Да скасаваньня ў 1875 року тут існавала філія ўніяцкае парафіі ў Вакіёве. Драўляная ўніяцкая царква, пераробленая на праваслаўную, была зьнішчаная ў Першую сусьветную вайну. У 1918 року ўзноўленая як каталіцкая, аднак у 1944 року ізноў спаленая разам з усёй вёскай украінскімі паўстанцамі.

Па вайне ацалелыя мяшканцы ўзяліся за аднаўленьне вёскі і — нелегальна — касьцёлу, які быў збудаваны ў дрэва ў 1956 року і высьвечаны ў гонар Унебаўзяцьця Найсьвяцейшай Панны Марыі. У 1993 року ён быў заменены мураваным.

У 1975—1998 роках вёска ўваходзіла ў склад Замойскага ваяводзтва.

Турыстычная інфармацыя

У вёсцы знаходзіцца помнік у гонар ахвяраў і абаронцаў незалежнасьці Польшчы.

У 1993 року тут быў збудаваны мураваны касьцёл Унебаўзяцьця Найсьвяцейшай Панны Марыі Тышавецкага дэканату Замойска-Любачаўскае дыяцэзіі. Пры касьцёле знаходзіцца магіла жаўнераў 1920 року.

За 1 км ад вёскі знаходзіцца рыма-каталіцкі цьвінтар (былы ўніяцкі і праваслаўны) плошчай 0,55 га.

Яшчэ адныя могілкі, пакуль не абазначаныя нават шыльдачкай, знаходзяцца на полі. У ёй пахаваныя ахвяры масавага расстрэлу нацыстамі жыдоўскага насельніцтва Ганятычаў.

Вядомыя ўраджэнцы і жыхары

У Ганятычах, уласнасьці жонкі, па вяртаньні з высылкі ў Пермскую губэрню жыў Люцыян Крашэўскі.

Крыніцы

Літаратура

Honiatycze // Słownik geograficzny Królestwa Polskiego i innych krajów słowiańskich. Tom III: Haag — Kępy. — Warszawa, 1882. — S. 119