Уладзімер Мархель

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Уладзімер Мархель
Асабістыя зьвесткі
Нарадзіўся 28 сакавіка 1940(1940-03-28)
Жыгалкі, Мікалаеўшчынскі сельсавет, Стаўпецкі раён, Беларусь
Памёр 26 жніўня 2013(2013-08-26) (73 гады)
Літаратурная дзейнасьць
Род дзейнасьці літаратуразнаўца, перакладнік і паэт
Мова беларуская мова

Уладзімер Мархель (28 сакавіка 1940, в. Жыгалкі, Стаўпецкі раён — 26 жніўня 2013) — беларускі літаратуразнавец і паэт.

Біяграфія[рэдагаваць | рэдагаваць крыніцу]

Нарадзіўся ў сям’і служачых. Скончыў сярэднюю школу імя Я. Коласа ў в. Мікалаеўшчына (1957) працаваў малатабойцам у калгасе, рабочым ачышчальнага забою (меў кваліфікацыю 6 разраду) на шахце ў Навашахцінску Растоўскай вобл. (Расея). У 1964 скончыў аддзяленьне беларускай мовы і літаратуры філялягічнага факультэта БДУ. У 1964—1969 выкладаў расейскую мову і літаратуру ў школах — у вёсцы Стадолічы Лельчыцкага раёну, Валожыне, Менску, працаваў у газэце «Менская праўда», старшым рэдактарам у Цэнтральнай навуковай бібліятэцы імя Якуба Коласа АН БССР, малодшым навуковым супрацоўнікам у Аддзеле навуковай інфармацыі па грамадзкіх навуках. З 1978 — навуковы супрацоўнік Інстытуту літаратуры імя Янкі Купалы АН БССР. Кандыдат філялягічных навук. Член СП СССР (з 1988).

Дэбютаваў вершамі ў 1954 у стаўпецкай раённай газэце «Голас селяніна». З 1957 выступаў у рэспубліканскім друку як паэт і літаратуразнавец. Аўтар кнігі «Лірнік вясковы: Сыракомля ў беларуска-польскім літаратурным узаемадзеяньні» (1983), «Вяшчун славы і волі» (1989), «Крыніцы памяці» (1990). Укладальнік зборнікаў твораў В. Каратынскага (1981) і Я. Лучыны (1988). З польскай на беларускую пераклаў вершы Я. Купалы, асобныя творы В. Дуніна-Марцінкевіча, У. Сыракомлі, В. Каратынскага, Я. Лучыны, Я. Каханоўскага, Л. Стафа, Ю. Тувіма, Р. Дабравольскага, Б. Драздоўскага і інш.

Бібліяграфія[рэдагаваць | рэдагаваць крыніцу]

  • Мархель У. Прысутнасць былога: Нарысы, артыкулы, эсэ / Пад рэд. В. А. Каваленкі. — Мн.: Выд. М. М. Трафімчук, 1997. — С. 24. — 192 с. — ISBN 985-6380-05-7

Літаратура[рэдагаваць | рэдагаваць крыніцу]

  • Мархель Уладзімір // Беларускія пісьменнікі (1917—1990): Даведнік; Склад. А.К. Гардзіцкі. Нав.рэд. А.Л. Верабей. — Мн.: Мастацкая літаратура, 1994. — 653 с.: іл. ISBN 5-340-00709-X.
  • Мархель Уладзімір // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. Мн.: БелЭн, 1992—1995.