Macierz Polska

«Macierz Polska» (па-беларуску: Маці Польская) — асьветніцкае аб’яднаньне, заснаванае ва Львове ў 1882 року з ініцыятывы Язэпа Ігнацыя Крашэўскага. Мэтай аб’яднаньня было распаўсюджаньне асьветы з дапамогаю папулярнай літаратуры. Да 1911 року «Macierz Polska» выдала 169 кніг па гісторыі, культуры і літаратуры Польшчы агульным накладам 1 125 000 асобнікаў.

Арганізацыяй кіравала Назіральная рада на чале з куратарам (першым зь якіх быў Крашэўскі, пасьля маршалкі Краёвага сойму), а таксама Выканаўчая рада, якая складалася зь сямі асобаў. Аб’яднаньне разам з «Macierz Polska» і «Macierz Polska Śląska Cieszyńskiego» складалі таварыства «Macierz Szkolna».