1-ы агульнаадукацыйны ліцэй імя Юзэфа Ігнацыя Крашэўскага (Белая)

	1-ы агульнаадукацыйны ліцэй імя Юзэфа Ігнацыя Крашэўскага ў Белай
	I Liceum Ogólnokształcące im. Józefa Ignacego Kraszewskiego w Białej Podlaskiej
	; Будынак даўняй Бяльскай акадэміі ў комплексе ліцэю
Заснаваны	12 сьнежня 1628 (395 гадоў таму)
Дырэктар	Пжэмыслаў Алесяюк
Тып	агульнаадукацыйны ліцэй
Навучэнцаў	каля 830
Адрас	Польшча, Белая, Крашэўскага 1
Сайт	http://kraszak.sim.pl

1-ы агульнаадукацы́йны ліцэ́й імя Ю́зэфа Ігна́цыя Крашэ́ўскага (па-польску: I Liceum Ogólnokształcące im. Józefa Ignacego Kraszewskiego w Białej Podlaskiej), даўней Бельская акадэмія — адукацыйная ўстанова ў Белай, якая знаходзіцца на вуліцы Юзэфа Ігнацыя Крашэўскага і носіць ягонае імя.

Заснаваная як Бельская акадэмія ў 1628 року фундатарам ксяндзом Крыштафам Вільскім-Цібаровічам. У 1822—1826 у ёй вучыўся Язэп Крашэўскі. Пазьней прысьвяціў школьным гадам твор «Wielki świat małego miasteczka».

У 1919 у будынку Акадэміі пачалі дзейнічаць жаночая гімназія імя Эміліі Плятэр і мужчынская імя Крашэўскага, якія пазьней былі аб’яднаныя і пераўтвораныя ў ліцэй. 18 сакавіка 1983 року ў ім упершыню адбылося сьвята патрона, а да 100-годзьдзя сьмерці пісьменьніка ў 1988 усталяваная памятная таблічка.

Вядомыя навучэнцы

Юльян Барташэвіч, гісторык, сын Адама Барташэвіча
Станіслаў Бжуска, апошні кіраўнік Студзеньскага паўстаньня на Любельшчыне
Францішак Вэнжык, пісьменьнік, пасол на Варшаўскі сойм
Раман Зморскі, паэт, перакладнік
Язэп Крашэўскі, пісьменьнік
Людвік Мацёнг, мастак
Раман Рагінскі, удзельнік Студзеньскага паўстаньня на Падлясьсі
Зьбігнэў Саф’ян, празаік
Кшыштаф Скубішэўскі, палітык

Вонкавыя спасылкі

Афіцыйная бачына
Projekt «Kraszewski» (пол.)