Музэй Крашэўскага (Раманаў)

Музэй Юзэфа Ігнацыя Крашэўскага
	Музэй Юзэфа Ігнацыя Крашэўскага
	Muzeum Józefa Ignacego Kraszewskiego
	Будынак музэю
Месцазнаходжаньне	Раманаў, Польшча
Адрас	Раманаў, 25; 21-518 Сасноўка
Тэматыка калекцыі	Юзэф Ігнацы Крашэўскі
Створаны	28 ліпеня 1962 г.
Дырэктарка	Ганна Чабадзінска-Пшыбыслаўска
Геаграфічныя каардынаты	51°44′24″ пн. ш. 23°23′22″ з. д.HGЯO
	Музэй Юзэфа Ігнацыя Крашэўскага на мапе Польшчы Музэй Юзэфа Ігнацыя Крашэўскага
	muzeumkraszewskiego.pl

Музэ́й Язэ́па Ігна́цыя Крашэ́ўскага ў Рама́наве — музэй у вёсцы Раманаў Любельскага ваяводзтва, дзе вядомы польскі пісьменьнік жыў у дзяцінстве.

Мінуўшчына

Клясыцыстычны мураваны палац быў збудаваны Мальскімі ў 1806—1812 роках у старым парку XVII стагодзьдзя замест драўлянае паляўнічае хаты Сапегаў^[1]. У 1858 року сядзіба пацярпела ад пажару. Пры яе перабудове новыя ўласьнікі Крашэўскія дабудавалі яшчэ адзін паверх. Стары ганак быў заменены на портык з чатырма тасканскімі калёнамі, якія трымалі гаўбец з каменнай балюстрадай^[1]. На пярэднім шчыце быў зьмешчаны картуш з гербам Крашэўскіх «Ястрабец».

У 1915 року ў палацы ізноў адбыўся пажар. Апошнія гаспадары маёнтку Паўліна з Крашэўскіх з мужам Янам Расьцішэўскім зьехалі з Раманава ў 1939 року, выставіўшы палац на продаж. У 1943 року атрад савецкіх партызанаў, складзеных з уцекачоў зь нямецкіх лягероў, падпаліў двор^[1], каб ня даць магчымасьці заняць будынак жандармэрыі.

Па вайне на тэрыторыі парку знаходзілася лясьніцтва. Далейшае разбурэньне будынку спынілася 23 сьнежня 1958 року з прыняцьцем пастановы Нацыянальнай ваяводзкай рады ў Любліне, паводле якога тут было вырашана ствараць музэй Юзэфа Ігнацыя Крашэўскага. У 1959—62 палац быў адрэстаўраваны і набыў выгляд, які надаў яму Каэтан Крашэўскі. Музэй быў адчынены 28 ліпеня 1962 року, на стопяцідзясятыя ўгодкі славутага пісьменьніка.

У 1987—1991 зладжаныя чарговыя рэстаўрацыйныя працы. Перад палацам быў узьведзены пад’езд з рампай, з боку саду — тэраса з гаўбцом^[1].

Экспазыцыя

Зборы твораў пісьменьніка, часопісаў XIX стагодзьдзя, рукапісаў, лістоў Язэпа Крашэўскага і іншых чальцоў сям’і, дакумэнты, фатаздымкі, мэдалі^[2].

Дзейнасьць

Музэй супрацоўнічае з музэем-сядзібай «Пружанскі палацык» (Беларусь)^[3].

Глядзіце таксама

Музэй Крашэўскага ў Дрэздэне

Крыніцы і заўвагі

1 2 3 4 Historia dworu-muzeum (пол.). Muzeum im. Józefa Ignacego Kraszeskiego w Romanowie. Праверана 21 лютага г.
↑ Прибужский регион (рас.) dranik.info Праверана 19 лютага 2012 г.
↑ Ирина Павлючук. (18 чэрвеня 2008) Крашевский, который нас объединяет (рас.). Вечерний Брест. Праверана 19 лютага 2012 г.

Вонкавыя спасылкі

Музэй Крашэўскага (Раманаў) — сховішча мультымэдыйных матэрыялаў

Афіцыйная бачына (пол.)
Інфармацыя на бачыне староства (пол.)

[dwor-1] 1 2 3 4 Historia dworu-muzeum (пол.). Muzeum im. Józefa Ignacego Kraszeskiego w Romanowie. Праверана 21 лютага г.

[2] Прибужский регион (рас.) dranik.info Праверана 19 лютага 2012 г.

[3] Ирина Павлючук. (18 чэрвеня 2008) Крашевский, который нас объединяет (рас.). Вечерний Брест. Праверана 19 лютага 2012 г.

[1]

[2]

[3]