Перайсьці да зьместу

Вінісіюс Жуніяр

Зьвесткі зь Вікіпэдыі — вольнай энцыкляпэдыі
Вінісіюс Жуніяр
Пэрсанальная інфармацыя
Нарадзіўся 12 ліпеня 2000(2000-07-12)[1][2] (24 гады)
Рост 176 см
Вага 73 кг
Пазыцыя флянгавы паўабаронца, паўабаронца
Клюбная інфармацыя
Клюб Рэал Мадрыд
Нумар 7
Клюбы
Гады Клюб Гульні (галы)¹
2017—2018
2018— 		Фламэнгу
Рэал Мадрыд 		37 (7)
181 (51)
Зборныя
2019— Бразылія 35 (5)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
14 верасьня 2024.
² Колькасьць гульняў і галоў за нацыянальную зборную
ў афіцыйных матчах, адкарэктавана на
11 верасьня 2024.

Вінісіюс Жузэ Пайкшан дэ Алівэйра Жуніяр (па-партугальску: Vinícius José Paixão de Oliveira Júnior; нар. 12 ліпеня 2000 году) — бразыльскі футбаліст, нападнік гішпанскага клюбу «Рэал» і нацыянальнай зборнай Бразыліі. Зважаецца адным з найлепшых гульцоў у сьвеце. Вядомы сваім тэмпам і здольнасьцю весьці мяч.

Кар’ера

[рэдагаваць | рэдагаваць крыніцу]

Клюбная

[рэдагаваць | рэдагаваць крыніцу]
Гулец у кашулі «Фламэнгу».

Вінісіюс пачынаў у філію акадэміі «Фламэнгу», якая месьцілася ў ягоным родным Сан-Гансалу. Сям’я хлопчыка нават атрымлівала фінансавую дапамогу, бо паходзіў Вінісіюс зь беднай сям’і[3]. Спачатку хлопец гуляў у футзал, але хутка кіраўніцтва запрыкмеціла талент Вінісіюса і перавала яго да футбольнай сэкцыі. Дэбютаваў спартовец у прафэсійным футболе за «Фламэнгу» 13 траўня 2017 году, калі выйшаў на замену на 82-й хвіліне Сэрыі А супраць «Атлетыку Мінэйру»[4]. Ужо праз два дні па дэбюце гулец склаў новы кантракт з клюбам, што падвысіла ягоны заробак і павялічылася суму за трансфэр гульца з 30 мільёнаў да 45 мільёнаў эўра[5]. Ужо напрыканцы месяца мадрыдзкі «Рэал» дамовіўся з бразыльцамі аб набыцьці таленавітага нападніка. Пры гэтым хлопец мусіў далучыцца да «сьметанковых» толькі 12 ліпеня 2018 году, у дзень свайго 18-годзьдзя. Тым часам Вінісіюс забіў свой першы гол у кашулі «Фламэнгу» 10 жніўня 2017 году ў матчы Паўднёваамэрыканскага кубка супраць чылійскага клюбу «Палестына».

20 ліпеня 2018 году нападнік быў афіцыйна прадстаўлены ў якасьці гульца «Рэалу»[6]. Запачаткаваў выступы ў складзе гішпанскага клюбу 29 верасьня, выйшаўшы на замену на 87-й хвіліне матчу супраць мадрыдзкага «Атлетыка»[7]. 31 кастрычніка Вінісіюс згуляў матч Кубка Гішпаніі супраць «Малільлі», у якім адзначыўся галявымі перадачамі на Марка Асэнсіё і Альвара Адрыясолю, дзякуючы чаму быў абраны гульцом матчу[8]. Свой першы гол забіў 3 лістапада ў матчы супраць «Вальядаліду»[9]. 1 сакавіка 2020 году Вінісіюс адзначыўся голам у матчы Клясыка супраць «Барсэлёны»[10].

Вінісіюс пачаў сэзон 2021—2022 гадоў, забіўшы чацьверты гол «Рэалу» ў выязной пераможнай сустрэчы зь лікам 4:1 над «Алявэсам» у першым туры Ля Лігі. 22 жніўня гулец учыніў галявы дубль у матчы супраць «Левантэ» (3:3), выйшаўшы з лаўкі запасных[11]. 30 кастрычніка гулец зноў двойчы ўлучыў мяч у браму «Эльчэ», што дапамагло клюбу здабыць перамогу зь лікам 2:1[12]. 12 траўня 2022 году бразылец зрабіў хет-трык у матчы супраць «Левантэ», а сустрэча скончылася зь лікам 6:0. 28 траўня 2022 году, дзякуючы адзінаму голу Вінісіюса, «Рэал» сьвяткаваў перамогу ў Лізе чэмпіёнаў. Па заканчэньні сэзону 2021—2022 гадоў Вінісіюс стаў другім бамбардзірам «сьметанковых» ува ўсіх турнірах пасьля Карыма Бэнзэма[13]. У наступным бразылец замацаваўся ў асноўным складзе каманды, стварыўшы зь земляком Радрыгу і французам Бэнзэмой атакуючую тройцу. Пасьля таго, як з каманды зышоў Эдэн Азар, бразылец прыдбаў сабе кашулю з нумарам 7. У жніўні 2023 году нападнік атрымаў траўму сьцягна, што вымусіла яго прапусьціць месяц. 31 кастрычніка 2023 году мадрыдзкі «Рэал» абвесьціў, што падоўжыў кантракт зь Вінісіюсам да 30 чэрвеня 2027 году[14][15]. 14 студзеня 2024 году гулец зрабіў хет-трык у пераможным матчы супраць «Барсэлёны» ў фінале Супэркубка Гішпаніі[16]. Вырашальнымі сталі галы Вінісіюса ў паўфінале Лігі чэмпіёнаў супраць «Баварыі». Як і два гады таму бразылец зноў адзначыўся ў фінале Лігі чэмпіёнаў, улучыўшы адзін з двух галоў у браму дортмундзкай «Барусіі»[17].

Міжнародная

[рэдагаваць | рэдагаваць крыніцу]
Вінісіюс у матчы чэмпіянату сьвету 2022 году супраць зборнай Сэрбіі.

Вінісіюс пачаў прыцягвацца яшчэ да зборнай Бразыліі (да 15 гадоў), дзе няблага выступаў. Пасьля гуляў за зборныя іншых узростаў, заўсёды вылічаючыся сярод партнэраў па камандзе. 28 лютага 2019 году гулец упершыню быў выкліканы да шыхтаў нацыянальнай зборнай Бразыліі на таварыскія матчы супраць зборных Панамы і Чэхіі[18], аднак праз траўму ў матчах удзелу ня браў. Нападнік таксама быў выключаны з складу зборнай на Кубак Амэрыкі 2019 году[19]. Свой першы матч у складзе зборнай згуляў толькі 10 верасьня, калі на 70-й хвіліне зьявіўся на пляцоўцы ў сустрэчы супраць зборнай Пэру[20]. Гулец узяў удзел у хатнім розыгрышы Кубка Амэрыкі 2021 году, дакрочыўся з зборнай да фіналу, дзе бразыльцы саступілі зборнай Аргентыны. Свой першы гол забіў 24 сакавіка 2022 году ў адборачным матчы да чэмпіянату сьвету супраць зборнай Чылі[21]. На чэмпіянаце сьвету 2022 году ўжо быў адным з ключавых футбалістаў каманды, забіўшы гол ў матчы 1/8 фіналу ў браму зборнай Рэспублікі Карэі. 26 сакавіка 2024 году ўпершыню выйшаў на поле ў якасьці капітана зборнай у таварыскім матчы супраць зборнай Гішпаніі[22].

Дасягненьні

[рэдагаваць | рэдагаваць крыніцу]

«Рэал»:

Крыніцы

[рэдагаваць | рэдагаваць крыніцу]
  1. ^ а б в Vinícius Júnior // Transfermarkt (мн.) — 2000.
  2. ^ а б в VINICIUS JUNIOR jose paixao de oliveira // Argentine Soccer Database (гішп.)
  3. ^ «Flamengo dá aumento de salário e eleva multa de Vinícius Júnior para 45 mi de euros». Globo Esporte
  4. ^ «El 'merengue' Vinicius Jr. debuta a los 16 años como profesional». Mundo Deportivo
  5. ^ «Flamengo dá aumento de salário e eleva multa de Vinícius Júnior para 45 mi de euros». Estadão Esportes
  6. ^ «Vinicius Jr. presentation at the Santiago Bernabéu». Real Madrid C.F.
  7. ^ «Fabulous Madrid derby has everything but goals». Marca.
  8. ^ «Vinicius makes his case for regular minutes». Marca.
  9. ^ «Vinicius changes Real’s luck». Marca.
  10. ^ «Real Madrid 2–0 Barcelona». BBC Sport.
  11. ^ «Real Madrid rally for Levante draw through Vinicius in thrilling game». ESPN.
  12. ^ «Vinicius Jr. leads Real Madrid again with brace in win over Elche». ESPN
  13. ^ «12 outrageous stats from Vinicius Jr’s stunning 21–22 season at Real Madrid». Yahoo.
  14. ^ «Official Announcement: Vini Jr. renews until 2027». Real Madrid C.F.
  15. ^ «Vinicius Jr extends Real contract». BBC Sport.
  16. ^ «Vinícius Júnior leads Real Madrid to Super Cup triumph over Barcelona». The Guardian.
  17. ^ «Real Madrid win Champions League: Carvajal and Vinícius Júnior see off Dortmund». UEFA.
  18. ^ «Vinicius Junior called up to Brazil national team for first time». Sports NET.
  19. ^ «Brasil deja a Vinícius y Marcelo sin Copa América». Marca
  20. ^ «Vinicius Jr. makes debut for Brazil». Real Madrid C. F.
  21. ^ «Brazil thrash Chile in World Cup qualifier». BBC Sport.
  22. ^ «Vinícius Júnior to captain Brazil in Spain anti-racism game». United States: ABC News.

Вонкавыя спасылкі

[рэдагаваць | рэдагаваць крыніцу]


Рэал Мадрыд — цяперашні склад

1 Куртуа · 2 Карвахаль · 3 Мілітан · 4 Аляба · 5 Бэлінггэм · 6 Камавінга · 7 Вінісіюс · 8 Вальвэрдэ · 9 Мбапэ · 10 Модрыч · 11 Радрыгу · 13 Лунін · 14 Чуамэні · 15 Гюлер · 16 Эндрык · 17 Васкес · 18 Вальеха · 19 Сэбальяс · 20 Гарсія · 21 Дыяс · 22 Рудыгер · 23 Мэндзі · Трэнэр: Анчэлёцьці

Атрымана з «https://be-tarask.wikipedia.org/w/index.php?title=Вінісіюс_Жуніяр&oldid=2567072»