Эльчэ (футбольны клюб)

	Эльчэ
Поўная назва	Elche Club de Fútbol, S.A.D.
Заснаваны	1923
Горад	Эльчэ, Гішпанія
Стадыён	Мануэль Мартынэс Валера; Умяшчальнасьць: 36 017
Галоўны трэнэр	Эдэр Сарабія[d];
Чэмпіянат	Ля Ліга
· 2024—2025	Сэгунда, 2 месца (падвышэньне)
	Галерэя здымкаў у Вікісховішчы; elchecf.es (гішп.)

«Эльчэ» (па-гішпанску: Elche Club de Fútbol, S.A.D.) — прафэсійны гішпанскі футбольны клюб з гораду Эльчэ. Клюб быў заснаваны ў 1923 годзе ў выніку зьліцьця ўсіх клюбаў гораду. Хатнія матчы каманда праводзіць на стадыёне «Мануэль Мартынэс Валера», умяшчальнасьцю 36 017 месцаў.

Гісторыя

Раньнія гады

«Эльчэ» быў заснаваны ўлетку 1923 году, пасьля аб’яднаньня ўсіх футбольных камандаў гораду. Першая ў гульня новага клюбу прайшла супраць каманды «Манавар», дзе «Эльчэ» атрымаў перамогу над гаспадарамі поля зь лікам 4:0. Але першым афіцыйным быў матч супраць клюбу «Крэвільлентэ Дэпартыва», дзе «Эльчэ» зноўку быў мацнейшым зь лікам 2:0. Свой першы сэзон 1929—1930 гадоў клюб правёў у Тэрсэры, дасягнуўшы прасоўваньня ў Сэгунду ў 1934 годзе. Праз шэсьць гадоў клюб вылецеў зь лігі, аднак на наступны год зноўку вярнуўся ў яе.

У канцы 1950-х гадоў «Эльчэ» пасьлядоўна прасунулася з трэцяга дывізіёну ў Ля Лігу, забясьпечыўшы выніковы посьпех перамогай зь лікам 3:0 над клюбам «Тэнэрыфэ» ў 1959 годзе.

Ля Ліга

«Эльчэ» распачаў свае выступы ў Ля Лізе нічыёй зь лікам 1:1 супраць «Рэал Аўеда», першым узяцьцем брамы суперніка адзначыўся Вісэнтэ Пает. Клюб фінішаваў на 10 месцы з 16, на дзевяць пунктаў апярэдзіўшы «Асасуну», якая паводле выніках вылецела зь лігі. Першы сэзон уключаў у сабе гэткія падзеі, як хатняя перамога над «Барсэлёнай» зь лікам 2:1 і буйную паразу мадрыдзкаму «Рэалу» зь лікам 2:11. У наступным сэзоне клюб заняў 14 месца й прыняў удзел у матчах за права застацца ў найвышэйшым дывізіёне, дзе сустракаўся з клюбам «Атлетыка» з Сэўты, атрымаўшы паразу 0:1 у першай гульні й перамогшы клюб з афрыканскага берагу зь лікам 4:0^[2].

Свайго найлепшага выніку «Эльчэ» дасягнуў у сэзоне 1963—1964 гадоў, калі клюб заняў выніковы 5 радок у табліцы. Сэзон таксама сьведчыў у посьпех рэзэрвовай каманды, якая здолела прасунуцца ў Сэгунду^[3]. У 1969 годзе клюб дасягнуў свайго першага й пакуль адзінага фіналу Кубку Гішпаніі, пасьля пасьлядоўнымі перамогамі над «Пантэвэдрай», «Валенсіяй» і «Рэал Сасьедадам». У паўфінале супраць апошняга «Эльчэ» атрымаў перамогу зь лікам 2:0 у перагулёўцы на нэўтральным полі ў Мадрыдзе. Фінал прайшоў 15 чэрвеня на стадыёне «Сант’яга Бэрнабэў», дзе ўладальнікам прэстыжнага трафэю стаўся басконскі клюб «Атлетык» зь Більбао^[4].

Склад

Актуальны на 17 верасьня 2025 году

№	Пазыцыя	Імя	Год нараджэньня
1	Бр	Матыяс Дытура	1987
3	Аб	Адрыя Пэдроса (ар. Сэвільля)	1998
4	Аб	Бамбо Дыябі	1997
5	ПА	Фэдэрыка Рэдонда	2003
6	Аб	Пэдра Бігас (капітан)	1990
7	Нап	Яга Сант’яга	2003
8	ПА	Марк Агуада	2000
9	Нап	Андрэ Сылва	1995
10	Нап	Рафа Мір (ар. Сэвільля)	1997
11	Нап	Хэрман Валера	2002
13	Бр	Іньякі Пэньня (ар. Барсэлёна)	1999
14	ПА	Алеш Фэбас	1996
15	Аб	Альвара Нуньес	2000
16	ПА	Марым Нэту	2003

№	Пазыцыя	Імя	Год нараджэньня
17	Нап	Хасэ Памарэс	1989
18	Аб	Джон Нванква	2000
19	Нап	Грэйдзі Дыянгана	1998
20	Нап	Альвара Радрыгес	2004
21	Аб	Лео Пэтро	1997
22	Аб	Давід Афэнгрубэр	2001
23	Аб	Віктар Чуст (ар. Кадыс)	2000
30	ПА	Родры Мэндоса	2005
32	Нап	Адам Бааяр	2005
34	Нап	Нардын Аль-Ляль	2005
35	Нап	Алі Гуары	2005
39	Аб	Эктар Форт (ар. Барсэлёна)	2006
45	Бр	Алехандра Ітурбэ	2003