Яраслаў Клімуць

	Яраслаў Клімуць
Асабістыя зьвесткі
Нарадзіўся	10 студзеня 1940 г.; Вострава, Беларусь;
Памёр	18 чэрвеня 2022 г.; Магілёў, Беларусь;
Дзеці	Лада Яраславаўна Клімуць[d] і Жанна Яраславаўна Клімуць[d]
Літаратурная дзейнасьць
Род дзейнасьці	літаратуразнаўца
Узнагароды	Ганаровая грамата Міністэрства адукацыі Рэспублікі Беларусі[d] (1998)

Яраслаў Іванавіч Клімуць (10 студзеня 1940, в. Вострава, Ваўкавыскі раён, Беластоцкая вобласьць - 18 чэрвеня 2022) — беларускі літаратуразнаўца.

Біяграфія

нарадзіўся 10 студзеня 1940 году ў в. Вострава Ваўкавыскага раёну Беластоцкай вобласьці.

У 1959—1962 гадох служыў у войску, у 1962—1967 гадох вучыўся ў на філялягічным факультэце Беларускага дзяржаўнага ўнівэрсітэту па спэцыяльнасьці «Беларуская мова і літаратура. Расейская мова і літаратура». У 1972—1977 гадох навучаўся ў асьпірантуры Інстытуту літаратуры імя Янкі Купалы Акадэміі навук БССР. З 1975 году пачаў працаваць старшым выкладчыкам катэдры беларускай літаратуры Магілёўскага дзяржаўнага пэдагагічнага інстытуту. У 1979 годзе абараніў кандыдацкую дысэртацыю па тэме «Якуб Колас і расейская савецкая паэзія». З 1982 году дацэнт. З 1986 году па 2000 год — дэкан філялягічнага факультэту Магілёўскага дзяржаўнага пэдагагічнага інстытуту^[1]. Пазьней працаваў дацэнтам на катэдры ангельскага, агульнага і славянскага мовазнаўства Магілёўскага дзяржаўнага ўнівэрсытэту імя Аркадзя Куляшова.

Дачка Лада — кандыдат гістарычных навук, дацэнт катэдры ўсеагульнай гісторыі Магілёўскага дзяржаўнага ўнівэрсытэту імя Аркадзя Куляшова^[2]; дачка Жа́на — супрацоўніца Магілёўскага абласнога краязнаўчага музэю^[3].

Творчасьць

Сфэра навуковых інтарэсаў — тэорыя літаратуры, гісторыя беларускае літаратуры і літаратурнай крытыкі, супастаўляльнае літаратуразнаўства, краязнаўства^[4]. Дасьледчык творчасьці Якуба Коласа^[5]. Мае больш за 150 навуковых і вучэбна-мэтадычных публікацыяў.

Сябар Саюзу беларускіх пісьменьнікаў з 1996 году.

Узнагароды

ганаровыя граматы Міністэрства адукацыі Рэспублікі Беларусь (1982, 1998),
ганаровая грамата Саюзу беларускіх пісьменьнікаў (1999),
ганаровая грамата Дзяржаўнага літаратурна-мэмарыяльнага музэю Якуба Коласа (2004).

Крыніцы

[1] Яраслаў Іванавіч Клімуць. Магілёўскі дзяржаўны ўнівэрсытэт імя Аркадзя Куляшова

[2] Климуть Лада Ярославовна

[3] Студенты историко-филологического факультета присутствовали на открытии юбилейной выставки

[4] Клімуць Яраслаў Іванавіч

[5] Наведванне Магілёўскага абласнога краязнаўчага музея (06.11.2013)

[1]

[2]

[3]

[4]

[5]