Фінал Лігі чэмпіёнаў УЭФА 2015 году

Фінальны матч Лігі чэмпіёнаў УЭФА 2015 году прайшоў у Бэрліне на стадыёне «Алімпійскі», дзе сустракаліся італьянскі «Ювэнтус» і гішпанскі клюб «Барсэлёна». Гэта быў 60-ы фінал у гісторыі Кубка эўрапейскіх чэмпіёнаў і 23-і фінал у гісторыі Лігі чэмпіёнаў УЭФА. Футбольны матч прайшоў у суботу 6 чэрвеня 2015 году. Пераможца Лігі чэмпіёнаў атрымаў права згуляць з клюбам «Сэвільля», пераможцам Лігі Эўропы, у гульні за Супэркубак УЭФА ў 2015 годзе, а таксама ў паўфінале клюбнага чэмпіянату сьвету па футболе.

«Алімпіяштадыян»

«Алімпіяштадыян»

Асноўны артыкул: Алімпійскі стадыён (Бэрлін)

«Алімпіяштадыян» быў абраны арэнай правядзеньня фінальнага матчу Лігі чэмпіёнаў выканаўчым камітэтам УЭФА ў Лёндане 23 траўня 2013 году. Матч быў першым фіналам Лігі чэмпіёнаў, які прайшоў у Бэрліне. Не зважаючы на гэта, стадыён мае на сваім рахунку правядзеньне іншых элітных матчаў. У 2006 годзе бэрлінская арэна прыняла 6 матчаў сусьветнага першынства, у тым ліку фінал.

Перад гульнёй

Былы гулец зборнай Нямеччыны Карл-Гайнц Рыдле, які выйграў Лігу чэмпіёнаў у складзе дортмундзкай «Барусіі» ў 1997 годзе, быў названы ў якасьці пасла фінальнага матчу. У фінальным матчы 1997 году менавіта Рыдле двойчы забіў у браму турынскага «Ювэнтусу», такім чынам, пакінуўшы італьянцаў без трафэю.

Квіткі

Агульная ўмяшчальнасьць бэрлінскага стадыёну складае 70 500 чалавек, зь іх толькі 46 000 квіткоў былі даступныя для заўзятараў і шырокай грамадзкасьці, пры гэтым дзьве каманды фіналісты атрымалі 20 000 квіткоў кожны і 6000 квіткоў былі даступныя для продажу прыхільнікам па ўсім сьвеце праз сайт УЭФА ад 5 да 23 сакавіка 2015 году ў чатырох цэнавых катэгорыях: 390, 280, 160 і 70 эўра. Астатнія 24 500 квіткоў былі выдзеленыя спонсарам і службовымі асобам.

Матч

6 чэрвеня 2015 21:45	Ювэнтус	1:3	Барсэлёна	Алімпійскі, Бэрлін Судзьдзя: Джунэйт Чакыр (Турэччына)
	Марата  55'	Пратакол	Ракіціч  4' Суарэс  68' Нэймар  90+7'

Бр 1 Джанлюіджы Буфон (к) Аб 26 Штэфан Ліхтштайнэр Аб 15 Андрэа Барцальі Аб 19 Леанарда Бануччы Аб 33 Патрыс Эўра 89' ПА 21 Андрэа Пірлё ПА 8 Кляўдыё Маркізіё ПА 6 Поль Пагба 41' ПА 23 Артура Відаль 11' 79' Нап 10 Карляс Тэвэс Нап 9 Альвара Марата 85' Запасныя: Бр 30 Марка Старары Аб 5 Анджэлё Агбона ПА 11 Кінгсьлі Каман 89' ПА 20 Сымонэ Падаін ПА 37 Рабэрта Пэрэйра 79' ПА 27 Стэфана Стурара Нап 14 Фэрнанда Льярэнтэ 85' Трэнэр: Масыміліяна Алегры

Бр 1 Марк-Андрэ тэр Штэген Аб 22 Даніел Алвэс Аб 3 Жэрар Піке Аб 14 Хавіер Маскерана Аб 18 Жордзі Альба ПА 4 Іван Ракіціч 90+1' ПА 5 Сэрхіё Бускетс ПА 8 Андрэс Іньеста (к) 78' Нап 10 Ліянэль Мэсі Нап 9 Люіс Суарэс 70' 90+6' Нап 11 Нэймар Запасныя: Бр 13 Кляўдыё Брава Аб 24 Жэрэмі Мат’ё 90+1' Аб 15 Марк Бартра Аб 21 Адрыяну ПА 6 Чаві 78' ПА 12 Рафіньня Нап 7 Пэдра 90+6' Трэнэр: Люіс Энрыке

Вонкавыя спасылкі

• Афіцыйны сайт