Фінал Лігі чэмпіёнаў УЭФА 2020 году

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Фінальны матч Лігі чэмпіёнаў УЭФА 2019—2020 гадоў праходзіў у Лісабоне на стадыёне «Эштадыю да Луш», дзе сустракаліся паміж сабой францускі «Пары Сэн-Жэрмэн» і нямецкая «Баварыя». Гэта быў 65-ы фінал у гісторыі турніру. Матч праходзіў без гледачоў праз сусьветную пандэмію каранавірусу[1]. Першапачаткова сустрэча павінна была адбыцца 30 траўня 2020 году на Алімпійскім стадыёне імя Ататурка ў Стамбуле, Турэччына[2]. 17 чэрвеня 2020 году выканаўчы камітэт УЭФА вырашыў перанесьці фінал у Лісабон у рамках фінальнага турніру васьмі клюбаў, які складаўся з аднаматчавых сустрэчаў, якія праводзіліся на двух стадыёнах партугальскае сталіцы[3]. Матч стаў першым у Эўропе фінальным турнірам, які праходзіў у нядзелю, і першым з 2009 году, які не праходзіў у суботу. Гэта таксама быў першы фінал спаборніцтваў, які праводзіўся ў жніўні.

Матч[рэдагаваць | рэдагаваць крыніцу]

Зь першых жа сэкундаў сустрэчы «Баварыя» пачала ціск на французаў, якія ўключыліся ў гульні толькі на 10-й хвіліне. На 18-й хвіліне «Пары Сэн-Жэрмэн» атрымаў першую магчымасьць улучыць мяч у браму, калі Кіліян Мбапэ рабіў перадачу на Нэймара зь левага боку штрафной плошчы, але ягоны стрэл быў заблякаваны Мануэлем Ноерам. На 22-й хвіліне нападнік «Баварыі» Робэрт Левандоўскі атрымаў мяч у штрафной і трапна вытнуў па мячы, які грымнуўся ў левую штангу і адскочыў назад у поле. Празь дзьве хвіліны Анхэль Дзі Марыя апынуўся зь мячом перад брамай суперніка і ўдарыў па мячы, аднак ладунак праляцеў над бэлькай брамы Ноера. Потым абаронца «Баварыі» Жэром Баатэнг атрымаў траўму, пасьля чаго быў памянёны на Нікляса Зюле. Да сканчэньня першай паловы Левандоўскі зноўку атрымаў магчымасьць улучыць мяч у браму, гэтак жа як цудоўны шанец меў Мбапэ, аднак абодве спробы ня мелі посьпеху.

У другім тайме «Баварыя» ўсё ж такі накіравада мяч у браму французаў. Адзіны гол у матчы на 59-й хвіліне забіў галавой Кінгсьлі Каман, выпускнік акадэміі «Пары Сэн-Жэрмэн». Галявую перадачу на француза зрабіў Ёзуа Кіміх. Пасьля рэалізацыі моманту «Баварыя» хутка стварыла дадатковыя магчымасьці, але ня здолела скарыстаць свае шанцы. У наступным нямецкі клюб паводзіў сябе больш асьцярожна, спрабуючы захаваць існую перавагу. Свае шанцы не скарысталі Маркіньюс, Мбапэ і Шупо-Матынг. «Баварыя» стрымала напады суперніка і здабыла свой чарговы тытул, дамогшыся ў сэзоне трэбла.

23 жніўня 2020
20:00 (UTC+1)
Пары Сэн-Жэрмэн 0:1 Баварыя Эштадыю да Луш, Лісабон
Гледачоў: 0
Судзьдзя: Даніеле Арсата (Італія)
Справаздача Каман Забіў на 59-й хвіліне 59'
1 Кейляр Навас
4 Тылё Керэр
2 Т’ягу Сылва (капітан) Папярэджаны на 83 хвіліне 83'
3 Прэснэль Кімпэмбэ
14 Хуан Бэрнат Заменены 80'
21 Андэр Эрэра Заменены 72'
5 Маркіньюс
8 Леандра Парэдэс Папярэджаны на 52 хвіліне 52' Заменены 65'
11 Анхэль Дзі Марыя Заменены 80'
7 Кіліян Мбапэ
10 Нэймар Папярэджаны на 81 хвіліне 81'
Запасныя:
16 Сэрхіё Рыка
30 Марцін Булка
20 Левэн Кюрзава Выйшаў на замену 80' Папярэджаны на 86 хвіліне 86'
22 Абду Дыяльлё
25 Мітчэль Бакер
31 Кален Дагба
6 Марка Вэрацьці Выйшаў на замену 65'
19 Паблё Сарабія
23 Юліян Драксьлер Выйшаў на замену 72'
27 Ідрыса Гуе
17 Эрык Шупо-Матынг Выйшаў на замену 80'
18 Маўра Ікардзі
Галоўны трэнэр:
Томас Тухэль
1 Мануэль Ноер (капітан)
32 Ёзуа Кіміх
17 Жэром Баатэнг Заменены 25'
27 Давід Аляба
19 Альфонса Дэйвіс Папярэджаны на 28 хвіліне 28'
6 Тыяга Заменены 86'
18 Леан Гарэцка
22 Сэрж Гнабры Папярэджаны на 52 хвіліне 52' Заменены 68'
25 Томас Мюлер Папярэджаны на 90+4 хвіліне 90+4'
29 Кінгсьлі Каман Забіў на 59-й хвіліне 59' Заменены 68'
9 Робэрт Левандоўскі
Запасныя:
26 Свэн Ульрайх
39 Рон-Торбэн Гофман
2 Альвара Адрыясоля
4 Нікляс Зюле Выйшаў на замену 25' Папярэджаны на 56 хвіліне 56'
5 Бэнжамэн Павар
21 Люкас Эрнандэс
8 Хаві Мартынэс
10 Філіпэ Каўтыньню Выйшаў на замену 68'
11 Мікаэль Кюізанс
14 Іван Пэрышыч Выйшаў на замену 68'
24 Карэнтэн Талісо Выйшаў на замену 86'
35 Джошуа Зыркзээ
Галоўны трэнэр:
Ганс-Дытэр Флік

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]