12 верасьня

12 ве́расьня — 255-ы дзень году (256-ы ў высакосным годзе) паводле Грыгарыянскага календару. Да канца году застаецца 110 дзён.

Падзеі

• 1485 — войскі Маскоўскае дзяржавы ўзялі Цьвер, апошні князь цьвярскі Міхаіл Барысавіч здолеў уцячы ў Вялікае Княства Літоўскае
• 1635 — Каралеўства Польскае падпісала сэпаратную дамову са Швэцыяй, за апошняй засталіся Інфлянты, за Прусіяй — Клайпеда, а Ўладзіслаў Ваза канчаткова адмовіўся ад прэтэнзіяў на швэдзкі сталец.
• 1683 — адбылася Венская бітва, у выніку якой кааліцыйнае войска Сьвятое Рымскае імпэрыі і Рэчы Паспалітае на чале з каралём і вялікім князем Янам Сабескім спыніла асманскую навалу
• 1733 — паўторнае абраньне каралём і вялікім князем Станіслава Ляшчынскага
• 1848 — пераўтварэньне Швайцарыі са зьвязу асобных кантонаў у фэдэрацыйную дзяржаву
• 1914 — скончылася Бітва на Марне, адна зь першых вялікіх бітваў Першай сусьветнай вайны
• 1940 — францускія падлеткі знайшлі малюнкі часоў палеаліту ў пячоры Ляско
• 1959 — запуск міжплянэтнае станцыі «Месяц-2»
• 1995 — беларускія вайскова-паветраныя сілы зьбілі адзін паветраны шар, які ў змаганьні за кубак Гордана Бэнэта заляцеў на тэрыторыю Беларусі
• 1999 — ва Ўсходні Тымор былі ўведзеныя сілы ААН, пад абаронай якіх пачалося практычнае ажыцьцяўленьне мер па станаўленьні незалежнай дзяржавы
• 2008 — у Белай (Польшча) адкрытая лава Язэпа Крашэўскага
• 2009 — у Менску адбылося афіцыйнае адкрыцьцё 27-кілямэтровай вэлядарожкі ўздоўж ракі Сьвіслач

Нараджэньні

• 1893 — Томаш Жук-Рыбіцкі, польскі афіцэр, археоляг-аматар
• 1897 — Ірэн Жаліё-Кюры, француская вучоная-фізык, ляўрэат Нобэлеўскай прэміі па хіміі
• 1906 — Дзьмітры Шастаковіч, расейскі савецкі кампазытар, піяніст, пэдагог і грамадзкі дзяяч
• 1921 — Станіслаў Лем, польскі пісьменьнік-фантаст
• 1929 — Мікалай Матукоўскі, беларускі драматург
• 1929 — Яша Бурш, беларускі паэт у Польшчы
• 1949 — Яўген Чыквін, польскі палітык, беларускі й праваслаўны дзяяч у Польшчы
• 1954 — Алесь Жлутка, беларускі мовазнавец і гісторык
• 1960 — Аляксандар Колбышаў, рэжысэр, сцэнарыст, актор
• 1977 — Дашгын Гюльмамэдаў, грузінскі палітык, лідэр азэрбайджанцаў Грузіі, грамадзка-палітычны дзяяч Грузіі і Азэрбайджану
• 1986 — Эмі Росам, амэрыканская кінаакторка й прадусарка

Сьмерці

• 1263 — Міндоўг, князь і нейкі час кароль Літвы
• 1362 — Інакенцыюс VI, папа рымскі
• 1612 — Васіль IV Шуйскі, маскоўскі князь, цар з 1606 да 1610 году
• 1929 — Райніс (Ян Райніс), латыскі паэт, драматург
• 1933 — Антон Камінскі, беларускі мастак
• 1959 — Мітрафан, праваслаўны царкоўны дзяяч
• 1964 — Сяргей Пясэцкі, адзін з найбольш яскравых польскіх пісьменьнікаў беларускага паходжаньня XX стагодзьдзя
• 1972 — Сяргей Шутаў, беларускі краязнавец
• 2008 — Кастусь Козак, беларускі вязень ГУЛАГу, адзін з кіраўнікоў паўстаньня палітычных вязьняў у СССР
• 2015 — Аляксей Кароль, беларускі журналіст

Вонкавыя спасылкі

12 верасьня — сховішча мультымэдыйных матэрыялаў