10 верасьня

10 ве́расьня — 253-і дзень году (254-ы ў высакосным годзе) паводле Грыгарыянскага календару. Да канца году застаецца 112 дзён.

Падзеі

• 1517 — Францішак Скарына выдаў у Празе Кнігу Ёва
• 1972 — створаны Беларускі жаночы камітэт у Вікторыі, беларуская арганізацыя ў Мэльбурне (Аўстралія)
• 1972 — Гайнрых Бёль атрымаў Нобэлеўскую прэмію ў галіне літаратуры
• 1990 — у Менску было створанае Згуртаваньне беларусаў сьвету «Бацькаўшчына», якое арганізацыйна аб’ядноўвае ўсе беларускія асяродкі ва ўсім сьвеце
• 2019 — удмурцкі навуковец Альбэрт Разін зьдзейсьніў акт самаспаленьня ў абарону ўдмурцкай мовы.

Нараджэньні

• 1487 — Юлі III, рымскі папа
• 1809 — Аляксандар Рыпінскі, беларускі паэт
• 1892 — Артур Комптан, амэрыканскі фізык, ляўрэат Нобэлеўскай прэміі ў галіне фізыкі 1927 году
• 1923 — Мікалай Бірыла, беларускі мовазнавец
• 1929 — Яўген Глебаў, беларускі і савецкі кампазытар, пэдагог
• 1931 — Рэнальд Кныш, заслужаны трэнэр Беларусі й СССР па гімнастыцы
• 1968 — Фляранс Дэвуар, француская навукоўка-генэтык, сябра рады павераных фундацыі Вікімэдыя

Сьмерці

• 1821 — Францішак Заблоцкі, польскі адукацыйны дзяяч, паэт, больш знакаміты як аўтар камэдыяў польскага асьветніцтва
• 1866 — Міхаіл Мураўёў-Віленскі, расейскі генэрал, кіраўнік падаўленьня Паўстаньня 1863—1864 гадоў на Беларусі
• 1912 — Фёдар Махноў, паводле шэрагу зьвестак, самы высокі чалавек з тых, якія калі-небудзь жылі на Зямлі
• 1916 — Аляксандар Ельскі, беларускі краязнавец, гісторык, літаратар, этнограф, публіцыст
• 2008 — Юры Пакальчук, украінскі пісьменьнік

Вонкавыя спасылкі

10 верасьня — сховішча мультымэдыйных матэрыялаў