Яша Бурш

	Яша Бурш
	Выява Яшы Бурша
Асабістыя зьвесткі
Імя пры нараджэньні	Ян Анісяровіч
Псэўданімы	Яша Бурш; Я. С.
Нарадзіўся	12 верасьня 1929; Баранавічы, Наваградзкае ваяводзтва, Польская Рэспубліка;
Памёр	29 студзеня 2007 (77 гадоў); Варшава, Польшча;
Пахаваны	Паўночныя камунальныя могілкі[d];
Літаратурная дзейнасьць
Род дзейнасьці	маляр, паэт
Гады творчасьці	1957—2007
Кірунак	мадэрн
Жанр	мадэрновая паэзія
Мовы	беларуская, польская
Дэбют	1957

Яша Бурш, сапр. Янка Анісэровіч (12 верасьня 1929, Баранавічы, Польская Рэспубліка — 29 студзеня 2007) — беларускі паэт і мастак у Польшчы. Лічыцца ці ня першым беларускім паэтам-мадэрністам.

Жыцьцяпіс

Нарадзіўся 12 верасьня 1929 году ў Баранавічах Польскай Рэспублікі.

Пасьля вайны ў 1950 годзе з бацькамі пераехаў на сталае жыхарства ў Варшаву. У 1957 годзе закончыў Варшаўскую акадэмію мастацтваў, пасьля чаго доўгі час працаваў у варшаўскіх школах настаўнікам жывапісу.

Памёр 29 студзеня 2007 году. Пахаваны ў Варшаве на Паўночных камунальных могілках.

Творчасьць

Дэбютаваў у 1957 годзе ў газэце «Ніва» пад крыптанімам Я. С., дзе даводзіў неабходнасьць аб’яднаньня беларускіх творцаў у Польшчы. Таксама ў «Ніве» ў 1958 годзе пад псэўданімам Ян Станіслаў дэбютаваў як паэт двума адназвароткавымі катрэнамі: «Прыляж ля мяне, вецярок» і «Сонейка сьвеціць, сьмяецца і грэе», але гэтыя вершы нетыповыя для творчасьці Я. Бурша, яны належаць да сілаба-тонікі, сістэмы вершаскладаньня, якою паэт не карыстаўся. Магчыма, дэбютныя творы Я. Бурша былі рэдагаваны Г. Валкавыцкім, галоўным рэдактарам «Нівы».

Стаў вядомым мастаком у Польшчы, ляўрэатам многіх польскіх ды міжнародных прэмій, меў больш за 50 ўласных і больш за 100 калектыўных выставаў жывапісу (польскіх і міжнародных). Яго карціны знаходзяцца ў фондах многіх музэяў, у тым ліку ў Нацыянальным музэі ў Варшаве і Эрмітажы ў Санкт-Пецярбургу.

Творы

4 вершы — «Краса і сіла» — анталёгія беларуская паэзіі ХХ стагодзьдзя. Менск, 2003