Юры Чыж

Зьвесткі зь Вікіпэдыі — вольнай энцыкляпэдыі
Юры Чыж
Імя пры нараджэньні Юры Аляксандравіч Чыж
Род дзейнасьці прадпрымальніцтва
Дата нараджэньня 28 сакавіка 1963 (61 год)
Месца нараджэньня вёска Сабалі, Бярозаўскі раён, Берасьцейская вобласьць, Беларуская ССР, СССР
Грамадзянства Беларусь
Месца вучобы
Занятак прадпрымальнік
Бацька Аляксандар Чыж
Маці Вера Пятроўна Чыж (пам. 2012)
Жонка Сьвятлана Чыж
Дзеці 2 сыны: Сяргей (нар. 1988), дачка
Узнагароды
Ордэн Айчыны 3 ступені (Беларусь)
Ордэн Айчыны 3 ступені (Беларусь)
Сайт www.triple.by
Дадаткова Заснавальнік (1992), кіраўнік і ўласьнік ТАА «Трайпл»

Юры Чыж (нар. 28 сакавіка 1963 году, Сабалі, Бярозаўскі раён, Берасьцейская вобласьць, цяпер Беларусь) — беларускі прадпрымальнік, адзін з найбагацейшых людзей Беларусі. Паводле некаторых ацэнак — другі паводле багацьця чалавек у краіне, саступае першае месца Ўладзімеру Пефціеву[1].

Раньняе жыцьцё[рэдагаваць | рэдагаваць крыніцу]

Нарадзіўся ў шматдзетнай сям’і. Быў малодшым з 6 сыноў. Бацька быў праваслаўным. Маці — баптысткай. Старэйшыя браты — Уладзімер, Яўген (пам. 2010), Віктар, Аляксандар і Анатоль. Найстарэйшы брат Уладзімер працаваў старшынём мясцовага калгасу, затым кіраўніком Маларыцкай фабрыкі па сушцы гародніны. Аляксандар і Анатоль кіравалі бярозаўскім прадпрыемствам «Варыянт», што вырабляла вокны і дзьверы з алюміну і драўніны[2].

Скончыў электратэхнічны факультэт Беларускага політэхнічнага інстытуту. Пасьля навучаньня па разьмеркаваньні трапіў на трактарны завод, дзе працаваў цягам наступных некалькіх гадоў і даслужыўся да начальніка энэргаслужбы корпусу[3].

Прадпрымальніцкая дзейнасьць[рэдагаваць | рэдагаваць крыніцу]

У лістападзе 1992 году Юры Чыж заснаваў кампанію «Трайпл», якая займалася будаўніцтвам і вытворчасьцю будаўнічых матэрыялаў. Цягам наступных гадоў у структуру ягонага бізнэсу ўвайшлі прадпрыемствы па вытворчасьці безалькагольных напояў («АкваТрайпл»), рэстаран-бровар «Ракаўскі бровар». Сама ААТ «Трайпл» спэцыялізуецца на будаўніцтве, вытворчасьці алюмініевых канструкцыяў, транспарце і інш.[3]

У 1999 годзе Чыж увайшоў у Раду па разьвіцьці прадпрымальніцтва пры прэзыдэнце Беларусі.

Грамадзкая дзейнасьць[рэдагаваць | рэдагаваць крыніцу]

Юры Чыж — кіраўнік ЗАТ «ФК Дынама-Менск». З 2008 году зьяўляецца старшынём Беларускай фэдэрацыі барацьбы.

20 чэрвеня 2013 году ўказам № 279 А. Лукашэнка ўзнагародзіў Ю. Чыжа ордэнам Айчыны III ступені[4].

Санкцыі ЭЗ[рэдагаваць | рэдагаваць крыніцу]

23 сакавіка 2012 году прадпрымальнік разам з ягонымі кампаніямі быў уключаны ў Чорны сьпіс Эўразьвязу як адзін з кашалькоў рэжыму Лукашэнкі[5]. 6 лістапада 2015 году санкцыі супраць Чыжа і ягоных актываў былі зьнятыя[6].

Сям’я[рэдагаваць | рэдагаваць крыніцу]

Жанаты, мае двух сыноў і дачку.

Крыніцы[рэдагаваць | рэдагаваць крыніцу]

  1. ^ http://nn.by/?c=ar&i=69189
  2. ^ Ягор Марціновіч, Адар’я Гуштын. На дзяржаву працаваць ня буду // Газэта «Наша ніва», 25 верасьня 2013 г. Праверана 31 траўня 2015 г.
  3. ^ а б http://who.bdg.by/obj.php?kod=695(недаступная спасылка)
  4. ^ Ордэнаў, мэдалёў і ганаровых званьняў удастоеныя 77 прадстаўнікоў розных сфэраў дзейнасьці ў Беларусі // Беларускае тэлеграфнае агенцтва, 21 чэрвеня 2013 г. Праверана 31 траўня 2015 г.
  5. ^ ЕС обнародовал черный список из 12 человек и 29 компаний (рас.). TUT.BY (2012-03-25). Праверана 2012-03-25 г. Архіўная копія ад 2012-03-25 г.
  6. ^ Санкцыі ЕС у дачыненні да Юрыя Чыжа і яго актываў знятыя. Наша Ніва (6 кастрычніка 2015). Праверана 6 кастрычніка 2015 г. Архіўная копія ад 6 кастрычніка 2015 г.

Вонкавыя спасылкі[рэдагаваць | рэдагаваць крыніцу]


Атрымана з «https://be-tarask.wikipedia.org/w/index.php?title=Юры_Чыж&oldid=2261936»