Хлевішча

Хлевішча
Населены пункт
Краіна	Беларусь
Вобласьць	Берасьцейская
Раён	Камянецкі
Сельсавет	Вярховіцкі
Першыя згадкі	1566
Геаграфія
Вышыня НУМ	185 м
Часавы пас	UTC+3
Каардынаты	52°29′27″ пн. ш. 23°24′40″ у. д.
Насельніцтва
Колькасьць	40 чал. (2010)
Лічбавыя ідэнтыфікатары
Тэлефонны код	+375 1631
Паштовы індэкс	225075
СААТА	1240804071
Нумарны знак	1
Хлевішча на мапе Беларусі ± Хлевішча Хлевішча

Хле́вішча — вёска ў Камянецкім раёне Берасьцейскай вобласьці, уваходзіць у Вярховіцкі сельсавет.

Хлевішча месьціцца за 34 км на паўночны захад ад Камянцу, за 56 км на поўнач ад Берасьця, за 12 км на поўнач ад чыгуначнай станцыі Высока-Літоўск (лінія Берасьце — Беласток). За 500 м на паўночны захад ад вёскі праходзіць дзяржаўная мяжа Беларусі з Польшчай. Празь вёску праходзіць мясцовая аўтадарога Н-349 (Вярховічы — Пагранічная).

Гісторыя

• 1566: вёска Хлевішча (сяло Хлявіскае) упершыню ўзгадваецца ў рэвізіі Берасьцейскага староства ў складзе Палавецкага войтаўства Мілейчыцкай воласьці Берасьцейскага павету Берасьцейскага ваяводзтва Вялікага Княства Літоўскага. Жыхары паселішча належалі да катэгорыі дзяржаўных (вялікакняскіх) сялянаў.
• 1667: кароль польскі і вялікі князь літоўскі Ян II Казімер падараваў Мілейчыцкаму касьцёлу ў валоданьне 24 населеныя валокі ў вёсцы Хлевішча.
• 1699: кароль польскі і вялікі князь літоўскі Аўгуст ІІ Моцны пацьвердзіў Мілейчыцкаму касьцёлу права валоданьня землямі ў Хлевішчах.
• 1778: збудавана драўляная ўніяцкая царква. Магчыма, яна была названа ў гонар Сьвятой Ганны. Сяло належала да ўніяцкай парафіі Міхала Арханёла. Царква месьцілася каля в. Голя.
• 1795: у выніку трэцяга падзелу Рэчы Паспалітай паселішча апынулася ў складзе Расейскай імпэрыі.
• сярэдзіна XIX стагодзьдзя: вёска казённага маёнтку Хлевішча.
• 1857: паводле 10-й рэвізіі 304 рэвіскія душы.
• 2-я палова XIX стагодзьдзя: вёска ў Палавецкай воласьці Берасьцейскага павету Гарадзенскай губэрні Расейскай імпэрыі.
• 1864: будынак храма перароблена на праваслаўную Аляксандра-Неўскую царкву.
• 1897: паводле перапісу ў вёсцы 73 двары, 490 жыхароў, царква, хлебазапасная крама, 3 ветраныя млыны, кузьня.
• 1905: 498 жыхароў.
• 1921: у выніку польска-савецкай вайны паводле Рыскай мірнай дамовы ў складзе Польшчы, вёска ў Палавецкай гміне Берасьцейскага павету Палескага ваяводзтва.
• Пач. 1920-х гг.: царква ў в. Хлевішча загінула ў выніку пажару. Выратаваны абраз Божай Маці.
• 1928: Палавецкая гміна скасавана: вёска Хлевішча перададзена ў склад Вярховіцкай гміны.
• 1939: у выніку пакту Молатава — Рыбэнтропа ў складзе Берасьцейскай вобласьці БССР.
• 1940: вёска ў Бушміцкім сельсавеце Кляшчэльскага раёну Берасьцейскай вобласьці.
• 1941—1945: цягам Другой сусьветнай вайны на франтах загінулі 5 жыхароў вёскі.
• 1945: у Высокаўскім раёне.
• 1945—1948: паселішча знаходзілася ў складзе Польшчы. Вернутае БССР у выніку ўдакладненьня савецка-польскай дзяржаўнай граніцы.
• 1948: у пачатковай школе 68 вучняў.
• 1950: 69 двароў, 267 жыхароў, калгас імя Вярхоўнага Савету СССР.
• 1960: 370 жыхароў.
• 1962: у Камянецкім раёне.
• 1968: у Вярховіцкім сельсавеце.
• 1970: у калгасе імя Дзяржынскага.

Гаспадарка і насельніцтва

• XX стагодзьдзе: 1970 год — 224 жыхары; 1999 год — 63 жыхары
• XXI стагодзьдзе: 2005 год — 32 гаспадаркі, 56 жыхароў; 2010 год — 40 жыхароў

Інфраструктура

СВК «Агра-Ніва».

Літаратура

• Гарады і вёскі Беларусі: Энцыклапедыя. Т. 4, кн. 2. Брэсцкая вобласць / рэдкал.: Г.П. Пашкоў (дырэктар) [і інш.]. — Менск: БелЭн, 2007. — 608 с.: іл. ISBN 978-985-11-0388-7. С. 94.

Вонкавыя спасылкі

Хлевішча — сховішча мультымэдыйных матэрыялаў

• Надвор’е ў вёсцы Хлевішча