Белпошта

	Белпошта
Тып	урадавае прадпрыемства
Дэвіз	Хуткасьць, надзейнасьць, даступнасьць
Заснаваная	верасень 1995
Уласьнікі	Савет міністраў Рэспублікі Беларусь
Краіна	Беларусь;
Разьмяшчэньне	Менск, пр. Незалежнасьці, д. 10
Ключавыя фігуры	Ірына Саксонава
Галіна	сувязь
Прадукцыя	паслугі перасылкі
Лік супрацоўнікаў	30 тыс. (2010)
Матчына кампанія	Міністэрства сувязі і інфарматызацыі Рэспублікі Беларусь
	Пошта.бел
	Белпошта ў Вікісховішчы

«Белпо́шта» — беларускае дзяржаўнае прадпрыемства паштовай сувязі, утворанае ў верасьні 1995 году. Да 1 жніўня 2004 году — дзяржаўнае аб’яднаньне. Займае паноўнае становішча на рынку паштовых паслуг краіны^[1]. На 2010 год улучала 6 абласных падразьдзяленьняў, вузлы паштовай сувязі ў 117 раённых цэнтрах з 118 і 3744 аддзяленьні, амаль 3000 зь якіх знаходзіліся ў вёсках. Між імі курсавалі каля 1300 міжабласных, міжраённых і ўнутрыгарадзкіх паштовых самаходаў. Агульная колькасьць працаўнікоў складала каля 30 тысячаў чалавек^[2]. Штогод дастаўляе каля 300 мільёнаў лістоў^[3]. На 2011 год штодзень перасылала 650 тыс. лістоў і 10 тыс. пасылак, прымала 500 тыс. плацяжоў і 23,5 тыс. грашовых пераводаў, распаўсюджвала 1,2 млн асобнікаў друкаваных сродкаў масавай інфармацыі^[4]. На 2012 год дзель справавой перапіскі ў адпраўленьнях складала 2/3^[5].

Гісторыя беларускай пошты

Да XIV стагодзьдзя пошту перавазілі ганцы, да якіх заўсёды мелі высокія патрабаваньні: на іх пасаду надыходзілі толькі моцныя й выносьлівыя, патрэбна было мець добрую памяць, добра арыентавацца на мясцовасьці. У ганцоў заўсёды былі з сабой стрэлы, ражок ці молат для бясьпекі. Найбольш важныя паведамленьні не запісваліся ў лісты, а перадаваліся вусна.

1995 — Рэспубліканскае дзяржаўнае аб’яднаньне «Белпошта» было створана.
2000 — пачалося ўжываньне пісьмовай карэспандэнцыі першай клясы, камэрцыйнай карэспандэнцыі з аплачаным адказам. Пачалася распрацоўка электроннага гандлю ўва Сеціве.
2002 — пачалася рэалізацыя бланкаў строгай справаздачнасьці.
2004 — з 1 жніўня Рэспубліканскае дзяржаўнае аб’яднаньне «Белпошта» было ператворана ў Рэспубліканскае ўнітарнае прадпрыемства паштовай сувязі. Да РУП «Белпошта» былі аднесены наступныя філіялы: Берасьцейскі, Віцебскі, Гомельскі, Гарадзенскі, Менскі, Магілёўскі.
2008 — аўтаматызацыя ўсіх паштовых адзьдзелаў краіны.
2009 — «Белпошта» ўзнагароджана «Залатой Літарай» у намінацыі «Распаўсюджваньне друку».
2010 — каталёжны гандаль таварамі беларускіх вытворцаў^[6].

У 2011 року Белпошта прызнана Сусьветным паштовым саюзам адной з найлепшых паштовых служб у сьвеце па ўзроўні разьвіцьця паштовых паслуг, заняўшы другое месца ^[7].

Паслугі

Прадпрыемства ажыцьцяўляе прыём, апрацоўку, перавозку, дастаўку і ўручэньне ўнутрыкраёвых і міжнародных адпраўленьняў паштовак, лістоў, бандэроляў, пасылак, пакетаў і мяшкоў з друкаванымі выданьнямі, у тым ліку з паведамленьнем аб уручэньні і аплачаным адказам. Таксама ажыцьцяўляецца продаж і гашэньне знакаў паштовай аплаты, продаж міжнародных адказных купонаў і пасылачных скрыняў, прыём падпіскі, дастаўка пэрыядычных выданьняў і пэнсіяў, пераадрасаваньне выпісаных выданьняў, паштовая рэкляма і лічбавая сувязь (сеціўны гандаль, тэлеграма, тэлефанаваньне, факс, электронная пошта). Суправаджальныя паслугі ўлучаюць упакоўваньне, аздабленьне і захоўваньне адпраўленьняў, праверку складу пасылкі паводле вопісу, захоўваньне даверанасьцяў на атрыманьне адпраўленьняў, запаўненьне адраса і вопіса да адпраўленьня, пісьмовае паведамленьне аб зьмене адраса, захоўваньні, дасылцы і вяртаньні адпраўленьня, рамонт і даваньне ў карыстаньне паштовых скрыняў.

Крыніцы

^ Марына Носава. «Белпошта» ўключаная ў Дзяржрэестар суб’ектаў гаспадараньня, якія займаюць дамінавальнае становішча на таварных рынках Беларусі // БелаПАН, 14 сакавіка 2011 г. Праверана 30 сьнежня 2013 г.
^ Валянціна Доўнар. «Хуткасьць, надзейнасьць, даступнасьць» — гэта ня проста словы // Зьвязда : газэта. — 9 кастрычніка 2010. — № 198 (26806). — С. 1, 3. — ISSN 1990-763x.
^ Натальля Кузьміцкая. «Белпошта» прэзэнтавала вытворчае ноў-хаў // Белтэлерадыёкампанія, 19 сьнежня 2013 г. Праверана 30 сьнежня 2013 г.
^ У Беларусі павысіліся тарыфы на міжнародныя паштовыя адпраўленьні // Беларускае тэлеграфнае агенцтва, 1 лістапада 2011 г. Праверана 30 сьнежня 2013 г.
^ Яўген Пуставой. Сёньня беларускія паштальёны адзначаюць сваё прафэсійнае сьвята // Белтэлерадыёкампанія, 9 кастрычніка 2012 г. Праверана 30 сьнежня 2013 г.
^ Белпошта: «Перыяд станаўленьня беларускай пошты ў 1995—2010 гг.»
^ Белпошта: «Разьвіцьцё беларускай пошты ў 2011—2017 гг.»

Вонкавыя спасылкі

Афіцыйная бачына (бел.) (анг.) (рас.)

[1] Марына Носава. «Белпошта» ўключаная ў Дзяржрэестар суб’ектаў гаспадараньня, якія займаюць дамінавальнае становішча на таварных рынках Беларусі // БелаПАН, 14 сакавіка 2011 г. Праверана 30 сьнежня 2013 г.

[2] Валянціна Доўнар. «Хуткасьць, надзейнасьць, даступнасьць» — гэта ня проста словы // Зьвязда : газэта. — 9 кастрычніка 2010. — № 198 (26806). — С. 1, 3. — ISSN 1990-763x.

[3] Натальля Кузьміцкая. «Белпошта» прэзэнтавала вытворчае ноў-хаў // Белтэлерадыёкампанія, 19 сьнежня 2013 г. Праверана 30 сьнежня 2013 г.

[4] У Беларусі павысіліся тарыфы на міжнародныя паштовыя адпраўленьні // Беларускае тэлеграфнае агенцтва, 1 лістапада 2011 г. Праверана 30 сьнежня 2013 г.

[5] Яўген Пуставой. Сёньня беларускія паштальёны адзначаюць сваё прафэсійнае сьвята // Белтэлерадыёкампанія, 9 кастрычніка 2012 г. Праверана 30 сьнежня 2013 г.

[6] Белпошта: «Перыяд станаўленьня беларускай пошты ў 1995—2010 гг.»

[7] Белпошта: «Разьвіцьцё беларускай пошты ў 2011—2017 гг.»

[1]

[2]

[3]

[4]

[5]

[6]

[7]