Перайсьці да зьместу

Ліга нацыяў УЭФА

Зьвесткі зь Вікіпэдыі — вольнай энцыкляпэдыі
Ліга нацыяў УЭФА
Заснаваны 2018
Колькасьць камандаў 55
Вэб-сайт uefa.com
Ліга нацыяў УЭФА 2018—2019 гадоў

Ліга нацыяў УЭФА[1] (па-ангельску: UEFA Nations League) — двухгадовае міжнароднае футбольнае спаборніцтва эўрапейскіх мужчынскіх нацыянальных зборных, заснаванае ў 2018 року.

У першым сэзоне ўсе ўдзельнікі былі падзеленыя на чатыры групы, пераможцы якіх згуляюць у «матчы чатырох», а таксама аўтаматычна трапляюць у фінальную частку ЧЭ-2020.

Мінуўшчына

[рэдагаваць | рэдагаваць крыніцу]

У кастрычніку 2013 прэзыдэнт Нарвэскай футбольнай асацыяцыі Юнгвэ Гален пацьвердзіў намер стварыць для чальцоў УЭФА трэці міжнародны турнір нацыянальнага ўзроўню[2]. Турнір пакліканы палегчыць ці замяніць правядзеньне таварыскіх матчаў.

27 сакавіка 2014 року на XXXVIII чарговым кангрэсе УЭФА ў Астане прапанова стварэньня Лігі нацыяў была адзінагалосна падтрыманая ўсімі 54 краінамі-сябрамі УЭФА[1].

Фармат

[рэдагаваць | рэдагаваць крыніцу]

55 нацыянальных зборных УЭФА (дадалося Косава) падзяляюцца на чатыры лігі (дывізіёны)[1][3][4][5][6]: 12 камандаў у лізе A, 12 камандаў у лізе B, 15 камандаў у лізе C і 16 камандаў у лізе D. Кожная зь лігаў падзяляецца на чатыры групы (па тры ці чатыры каманды), унутры якой гуляюць па кругавой сыстэме дома і ў гасьцёх.

Пераможцы чатырох групаў найвышэйшага дывізіёну — Ліга A — гуляюць у фінале Лігі нацыяў з двума паўфіналамі і фіналам.

Паміж лігамі адбываецца ратацыя: пераможца кожнай з чатырох групаў лігі аўтаматычна пераходзіць у вышэйшую лігу з наступнага сэзону, а каманда, якая заняла апошняе месца, выбывае ў ніжэйшую лігу.

Ліга нацыяў УЭФА дазваляе таксама кваліфікавацца на Чэмпіянат Эўропы па футболе. Акрамя «фіналу чатырох» у Лізе A, будуць праводзіцца яшчэ чатыры плэй-оф у падобным фармаце. Перамжца кожнай з групаў выходзіць у паўфінал. Калі пераможцам ёсьць ужо адна з кваліфікаваных зборных, ейнае месца займае наступная паводле рэйтынгу. Калі ва ўсёй лізе засталося меней за чатыры некваліфікаваныя зборныя, месцы ў плэй-оф гэтай лігі дастаюцца камандзе зь ніжэйшае лігі. Паміж імі разьмяркоўваюцца 4 пуцёўкі на ЧЭ (з 24 агулам)[5][6][7].

Кожны сэзон Лігі нацыяў будзе гуляцца ў верасьні — лістападзе няцотнага року (групавы этап) і сканчацца ў чэрвені наступнага (фінал чатырох Лігі A)[5][6][7].

Фіналы чатырох

[рэдагаваць | рэдагаваць крыніцу]
Сэзон Месца Фінал За 3-е месца
Пераможца Вынік 2-е месца 3-е месца Вынік 4-е месца
2018—19 Партугалія Партугалія 1:0 Нідэрлянды Ангельшчына 0:0 (6:5, пэн.) Швайцарыя

Глядзіце таксама

[рэдагаваць | рэдагаваць крыніцу]

Крыніцы

[рэдагаваць | рэдагаваць крыніцу]
  1. ^ а б в UEFA Nations League receives green light (анг.). UEFA (27 сакавіка 2014). Праверана 29 верасьня 2018 г.
  2. ^ Hojem Kvam, Lars (9 кастрычніка 2013) Hva om Ronaldo, Özil, Balotelli og Pique møtes til ligaspill - med sine landslag? (нарв.). Dagbladet. Праверана 29 верасьня 2018 г.
  3. ^ UEFA Nations League: all you need to know (анг.). UEFA (3 верасьня 2018). Праверана 29 верасьня 2018 г.
  4. ^ UEFA Nations League/UEFA EURO 2020 qualifying (анг.) (PDF). UEFA. Праверана 29 верасьня 2018 г.
  5. ^ а б в UEFA Nations League format approved (анг.). UEFA (4 сьнежня 2014). Праверана 29 верасьня 2018 г.
  6. ^ а б в UEFA Nations League format and schedule confirmed (анг.). UEFA (4 сьнежня 2014). Праверана 29 верасьня 2018 г.
  7. ^ а б UEFA Nations League and European Qualifiers competition format, 2018—2020 (анг.) (PDF). UEFA. Праверана 29 верасьня 2018 г.

Вонкавыя спасылкі

[рэдагаваць | рэдагаваць крыніцу]
Атрымана з «https://be-tarask.wikipedia.org/w/index.php?title=Ліга_нацыяў_УЭФА&oldid=2210426»