Філіп Мэксэс

Філіп Мэксэс
Пэрсанальная інфармацыя
Нарадзіўся	30 сакавіка 1982 (42 гады) Тулюза, Францыя
Рост	187 см
Вага	82 кг
Пазыцыя	абаронца
Моладзевыя клюбы
1990—1997 1997—1999	Тулюза Асэр
Клюбы
Гады	Клюб	Гульні (галы)¹
1999—2004 2004—2011 2011—2016	Асэр Рома Мілян	133 (7) 183 (11) 86 (6)
Зборныя
2002—2012	Францыя	29 (1)

Філіп Мэксэс (па-француску: Philippe Mexes; нарадзіўся 30 сакавіка 1982 году ў Тулюзе) — францускі прафэсійны футбаліст, абаронца. У 2002—2012 гадах выступаў за нацыянальную зборную Францыі.

Біяграфія

Раньнія гады

Філіп Мэксэс пачынаў гуляць у футбол у клюбе «Тулюза», а ў шаснаццацігадовым узросьце апынуўся ў моладзевай камандзе «Асэру». У асноўным складзе клюбу дэбютаваў 10 лістапада 1999 году ў матчы з «Труа». У «Асэры» раскрыўся талент маладога абаронцы — яго запрашалі спачатку ў юнацкія зборныя Францыі (да 18 і 21 году), а ў жніўні 2002 году — у нацыянальную.

«Рома»

Філіп зьяўляўся адным з асноўных абаронцаў італьянскай «Ромы», куды ён перайшоў у 2004 годзе. Пасьля першага сэзону ў аснове клюбу з сталіцы Італіі, Мэксэс апынуўся ў запасе ў пачатку сэзону 2005—2006 гадоў, саступіўшы месца ў асноўным складзе ганцу Самуэлю Куфуру. Аднак пасьля ад’езду Куфура на Кубак афрыканскіх нацыяў Мэксэс хутка вярнуў сабе месца ў складзе і стаў адным з ключавых гульцоў каманды.

«Мілян»

10 траўня 2011 году генэральны дырэктар «Міляну» Адрыяна Галіяні заявіў, што Філіп Мэксэс будзе гуляць за «Мілян» у наступным сэзоне, заявіўшы аб завяршэньні перамоваў на конт гульца.

Міжнародная карера

Дэбютаваў у складзе нацыянальнай зборнай Францыі ў жніўні 2006 году ў таварыскім матчы супраць зборнай Босьніі і Герцагавіны.

Вонкавыя спасылкі

Філіп Мэксэс — сховішча мультымэдыйных матэрыялаў

• Статыстыка на сайце soccerbase.com