Каларада-Спрынгс
| Каларада-Спрынгс | |||
| Населены пункт | |||
 | |||
| |||
| Краіна | ЗША | ||
|---|---|---|---|
| Штат | Каларада | ||
| Першыя згадкі | 1871 | ||
| Дата заснаваньня | 1871 | ||
| Кіраўніцтва і ўлада | |||
| Mayor of Colorado Springs, Colorado[d] | Емі Мабалэйд[d][1] | ||
| Геаграфія | |||
| Плошча | 482,1 км² | ||
| Вышыня НУМ | 1839 м | ||
| Часавы пас | |||
| Каардынаты | 38°51′48″ пн. ш. 104°47′31″ з. д.HGЯO | ||
| Насельніцтва | |||
| Колькасьць |
| ||
| Афіцыйная мова | ангельская | ||
| Лічбавыя ідэнтыфікатары | |||
| Тэлефонны код | 719 | ||
| Паштовы індэкс | 80901, 80902, 80903, 80904, 80905, 80906, 80907, 80908, 80909, 80910, 80911, 80912, 80913, 80914, 80915, 80916, 80917, 80918, 80919, 80920, 80921, 80922, 80923, 80924, 80925, 80926, 80927, 80928, 80929, 80930, 80931, 80932, 80933, 80934, 80935, 80936, 80937, 80938, 80939, 80941, 80942, 80946, 80947, 80949, 80950, 80951, 80960, 80962, 80970, 80977, 80995 і 80997 | ||
| Сайт | www.coloradosprings.gov | ||
| Каларада-Спрынгс на мапе ЗША ±   Каларада-Спрынгс | |||
Калара́да-Спрынгс (па-ангельску: Colorado Springs) — места штату Каларада, ЗША. Паводле перапісу 2020 году насельніцтва складала 478 961 чалавек, што было на 15,02% больш, чым у 2010 годзе[4]. Гэта другі паводле колькасьці насельніцтва і найбольшы паводле плошчы горад штату Каларада, а таксама 40-ы паводле насельніцтве горад ЗША[5]. Места знаходзіцца ў цэнтральна-ўсходняй частцы Каларада за 113 км на поўдзень ад Дэнвэру.
Гісторыя
[рэдагаваць | рэдагаваць код]
Плямёны юты, арапаха і шаены раней насялялі землі, дзе пазьней паўстала места Каларада-Спрынгс[6]. Частка гэтай тэрыторыі была ўлучаная ў склад ЗША ў выніку Луізыянскай куплі 1803 году, а тэрыторыя сучаснага места была прызначаная часткай тэрыторыі Канзас у 1854 годзе. У 1859 годзе, па заснаваньні першага мясцовага паселішча, тэрыторыя стала часткай тэрыторыі Джэфэрсан. Ранейшае места Каларада-Сіці, якое сёньня ёсьць часткай сучаснага Каларада-Спрынгс, было разьмешчанае на зьліцьці рачулак Фаўнтэн і Кэмп ля Пярэдняга хрыбту Скалістых гораў. Яно было інкарпараванае 13 жніўня 1859 году[7]. Паштовае аддзяленьне Каларада-Сіці працавала ад 24 сакавіка 1860 году да ягонага закрыцьця 30 чэрвеня 1917 году, калі Каларада-Сіці было ліквідаванае[8].
У 1871 годзе Кампанія Каларада-Спрынгс расплянавала некалькі гарадоў ля Каларада-Сіці[9]. Пазьней адзін з гэтых мястэчкаў быў перайменаваны ў Каларада-Спрынгс[10]. Паштовае аддзяленьне ўжо гэтага паселішча адчынілася 1 сьнежня 1871 году. У 1873 годзе адміністрацыйны цэнтар акругі быў перанесены з Каларада-Сіці у Каларада-Спрынгс. Праз тое, што ў Каларада-Спрынгс у пачатку 1870-х гадах пасялілася шмат імігрантаў з Ангельшчыны, горад мясцовыя жыхары пачалі называць «Маленькі Лёндан». Каларада-Спрынгс быў інкарпараваны 19 чэрвеня 1886 году. У 1891 годзе кампанія Broadmoor Land Company пабудавала прадмесьце Броўдмур, дзе зьявілася кзіно. Да 12 сьнежня 1895 году гэтая мястэчка мела чатыры біржы і 275 брокераў[11]. З 1899 па 1901 гады на Ноб-Гіл дзеіла экспэрымэнтальная станцыя Ніколы Тэслы[12], а палёты самалётаў на суседнія палі Броўдмур пачаліся ў 1919 годзе. У 1925 годзе зьявіўся аэрапорт на поўнач ад гораду, а ў 1927 годзе была набытая зямля на ўсход ад гораду дзеля будаўніцтва яшчэ аднаго лётнішча. У час Другой сусьветнай вайны тут была створаная вайсковая база.
Крыніцы
[рэдагаваць | рэдагаваць код]- ↑ https://coloradosprings.gov/mayor-yemi-mobolade
- ↑ https://data.census.gov/cedsci/table?q=United%20States&tid=DECENNIALPL2020.P1
- ↑ перапіс насельніцтва ЗША 2020 году / пад рэд. Бюро перапісу насельніцтва ЗША
- ↑ 2020 Population and Housing State Data. United States Census Bureau. Архіўная копія ад 08.2021 г.
- ↑ Annual Estimates of the Resident Population for Incorporated Places of 50,000 or More, Ranked by July 1, 2018 Population: April 1, 2010 to July 1, 2018. United States Census Bureau, Population Division. Архіўная копія ад 02.2020 г.
- ↑ Colorado Springs History and Heritage. Visit Colorado Springs. Архіўная копія ад 05.2013 г.
- ↑ El Paso County. History Colorado. Архіўная копія ад 12.2013 г.
- ↑ Bauer, William H.; Ozment, James L.; Willard, John H. Colorado Post Offices 1859–1989. — Golden, Colorado: Colorado Railroad Historical Foundation. — ISBN 0-918654-42-4
- ↑ Harrison, Deborah Manitou Springs. — Arcadia Publishing, 2012. — ISBN 9780738595962
- ↑ Downtown Historic Survey. City of Colorado Springs. Архіўная копія ад 02.2015 г.
- ↑ Roeder, Tom. Colorado Springs at 150 years — The military's impact on growth and development // The Gazette, 10.2021 г. Архіўная копія ад 04.2022 г.
- ↑ Mueller, Robert Active Air Force Bases Within the United States of America on 17 September 1982 // Air Force Bases (Report). — 1989. — Т. I.