Домінік Кубалік
| Домінік Кубалік | ||
|---|---|---|
| Рост | 185 см[1] або 187 см[2] | |
| Вага | 80 кг | |
| Пазыцыя | нападнік | |
| Кідок/Ловы | левы[d] | |
| Грамадзянства | ||
| Дата нараджэньня | 21 жніўня 1995[3] (29 гадоў) | |
| Месца нараджэньня | ||
| Клюб | Амбры-Піёта | |
| Выступаў за | ||
| Драфт НХЛ | 191, 2013 Лос-Анджэлес Кінгс | |
| Гульнявая кар’ера | 2012 — цяпер | |
До́мінік Ку́балік (па-чэску: Dominik Kubalík; нар. 21 жніўня 1995 году) — чэскі хакеіст, левы скрайні нападнік швайцарскага клюбу «Амбры-Піёта».
Кар’ера
[рэдагаваць | рэдагаваць крыніцу]Кубалік пачаў займацца хакейнем у роднай Пльзені. За родны клюб «Шкода» гулец дэбютаваў у сэзоне 2011—2012 гадоў. У наступным сэзоне далучыўся да клюбу «Садбэры Ўулвз» з Хакейнай лігі Антарыё. Пасьля таго як у новым клюбе займеў статыстыку ў 34 пункты ў 67 матчах, гулец быў абраны клюбам «Лос-Анджэлес Кінгс» на драфце НХЛ у 7 раўндзе пад агульным нумарам 191. Пасьля драфту нападнік застаўся ў клюбе, але ў студзені 2014 году быў абменены ў «Кітчэнэр Рэйнджарз» на земляка Радка Факсу. Тым ня менш, ужо ў красавіку чэх вярнуўся ў родную «Шкоду»[4]. Празь некалькі сэзонаў Кубалік перайшоў у швайцарскі клюб «Амбры-Піёта». Паводле вынікаў апошняга сэзону з клюбам хакеіст зарабіў 57 пунктаў за 50 гульняў у рэгулярным сэзоне, а таксама 6 пунктаў у 5 матчах плэй-оф. Такім чынам чэх стаўся самым каштоўным гульцом Нацыянальнай лігі Швайцарыі.
У студзені 2019 правы на гульца ў НХЛ перайшлі да «Чыкага Блэкгокс»[5]. 29 траўня 2019 году спартовец склаў аднагадовы кантракт на 925 тысяч даляраў[6]. Сваю першую шайбу чэх закінуў 10 кастрычніка таго ж году ў матчы супраць «Сан-Хасэ Шаркс»[7]. 27 студзеня 2020 году хакеіст учыніў свой першы хет-трык у НХЛ, зрабіўшы ўнёсак у перамогу над «Тампа Бэй Лайтнінг». Пры гэтым усе тры шайбы Кубалік улучыў у трэцім пэрыядзе. У ліпені 2022 году ўжо як вольны агент склаў дзьвюхгадовую дамову з «Дэтройт Рэд Ўінгс» на 5 млн даляраў[8]. Улетку 2023 году хакеіст быў часткай абмену з клюбам «Атава Сэнатарз», але пасьля сэзону 2023—2024 году сышоў з каманды. 4 верасьня 2024 году чэх прыяднаўся да швайцарскага клюбу «Амбры-Піёта». Паводле ўмоваў пагадненьня Кубалік мае мажлівасьць скасаваць кантрат да 15 сьнежня, калі атрымаў працу ў клюбе НХЛ[9].
Крыніцы
[рэдагаваць | рэдагаваць крыніцу]- ^ а б Olympedia (анг.) — 2006.
- ^ а б в г https://www.iihf.com/en/events/2024/wm/teams/roster/45148/czechia — Міжнародная фэдэрацыя хакею на лёдзе.
- ^ а б в г Kubalík, Dominik, 1995- // рэгіянальная база зьвестак Пльзенскай мескай бібліятэкі (чэс.)
- ^ «Dosavadní vývoj hráčského kádru». HC Škoda Plzeň.
- ^ «Blackhawks acquire Dominik Kubalik». Chicago Blackhawks.
- ^ «RELEASE: Blackhawks agree to terms with Kubalik». Chicago Blackhawks.
- ^ Roumeliotis, Charlie. «Instant reaction: Sharks overcome four deficits as Blackhawks drop home opener». NBC Sports Chicago.
- ^ «Detroit Red Wings’ Steve Yzerman adds forward Dominik Kubalik in NHL free agency». Detroit Free Press.
- ^ «Ex-Senators F Kubalik signs in Switzerland with NHL opt-out clause». The Sports Network.
Вонкавыя спасылкі
[рэдагаваць | рэдагаваць крыніцу]- Нарадзіліся 21 жніўня
- Нарадзіліся ў 1995 годзе
- Нарадзіліся ў Пльзені
- Чэскія хакеісты
- Хакеісты зборнай Чэхіі
- Хакеісты клюбу «Шкода» Пльзень
- Хакеісты клюбу «Садбэры Ўулвз»
- Хакеісты клюбу «Кітчэнэр Рэйнджарз»
- Хакеісты клюбу «Гаўлічкаў-Брод»
- Хакеісты клюбу «Амбры-Піёта»
- Хакеісты клюбу «Чыкага Блэкгокс»
- Хакеісты клюбу «Дэтройт Рэд Ўінгс»
- Хакеісты клюбу «Атава Сэнатарз»