Адміністрацыя прэзыдэнта Рэспублікі Беларусь
| Адміністрацыя прэзыдэнта Рэспублікі Беларусь | |
| Абрэвіятура | АП РБ |
|---|---|
| Дата ўтварэньня | 22 ліпеня 1994 (30 гадоў таму) |
| Тып | выканаўчая |
| Юрыдычны статус | дзяржаўная ўстанова |
| Штаб-кватэра | вул. К. Маркса, д. 38 |
| Месцазнаходжаньне | Менск |
| Дзейнічае ў рэгіёнах | Беларусь |
| Афіцыйныя мовы | беларуская, расейская |
| кіраўнік | Зьміцер Круты |
| Матчына кампанія | прэзыдэнт Беларусі |
| Зьвязаныя кампаніі | Нацыянальны цэнтар прававой інфармацыі |
| Бюджэт | 37 631 мільён рублёў[1] (2010 год; 12 570 тысячаў $[2]) |
| Колькасьць супрацоўнікаў | 176 (2011) |
| Сайт | president.gov.by |
Адміністра́цыя прэзыдэ́нта Рэспу́блікі Белару́сь — орган дзяржаўнага кіраваньня Беларусі, які забясьпечвае дзейнасьць Прэзыдэнта Беларусі ў вобласьці кадравае палітыкі, ідэалёгіі і права, ажыцьцяўляе падрыхтоўку, выкананьне і кантроль за выкананьнем загадаў Прэзыдэнта.
Юрыдычны статус
[рэдагаваць | рэдагаваць крыніцу]Адміністрацыя Прэзыдэнта зьяўляецца юрыдычнай асобай, мае пячатку з выяваю Дзяржаўнага гербу Беларусі і сваім найменаваньнем. Да яе галоўных задачаў адносіцца:
- забясьпячэньне правядзеньня дзяржаўнай кадравай палітыкі і ідэалёгіі;
- каардынацыя дзейнасьці падпарадкаваных Прэзыдэнту дзяржаўных органаў у вобласьці дзяржаўнай кадравай палітыкі, ідэалёгіі і права;
- забясьпячэньне ўзаемадзейнасьці Прэзыдэнта з органамі заканадаўчай, выканаўчай і судовай улады;
- арганізацыйнае, інфармацыйна-аналітычнайе і прававое забясьпячэньне дзейнасьці Прзыдэнта Беларусі[3].
Паўнамоцтвы
[рэдагаваць | рэдагаваць крыніцу]Адміністрацыя ўпаўнаважаная на:
- падрыхтоўку ды забесьпячэньне працы прэзыдэнта;
- утварэньне адзінага парадку ўліку кіраўнікоў урадавых установаў ды вядзеньне кадравага сьпісу;
- кіраваньне навучаньнем кіраўнікоў урадавых установаў;
- узгадненьне вылучэнцаў на пасады;
- стварэньне парадку адбора й вылучэньня кіраўнікоў урадавых установаў ды запасу кіраўнічых кадраў;
- агляд грамадзкага ды гаспадарчага стану дзяржавы;
- падрыхтоўку прапановаў аб спосабах урадаваньня;
- узгадненьне ідэалягічнага ўзьдзеяньня ва ўрадаваньні ды ў грамадзкіх аб’яднаньнях;
- забесьпячэньне ўзаемінаў прэзыдэнта з урадам ды ведамствамі ды нагляд за ажыцьцяўленьнем яго намераў;
- узгадненьне падрыхтоўкі заканадаўчых прапановаў урадавых установаў;
- прапанову прэзыдэнту аб наглядзе за дзейнасьцю ўраду;
- збор і ўлік зьвестак аб выкананьні правоў ды свабодаў чалавека й грамадзяніна, аб грамадзянстве, узнагародах ды памілаваньні;
- забесьпячэньне ўзаемінаў прэзыдэнта з органамі заканадаўчай, выканаўчай ды судовай уладаў і мясцовага самакіраваньня;
- ацэньваньне заканадаўчых прапановаў да прэзыдэнта;
- ажыцьцяўленьне мясцовага ўрадаваньня ды падрыхтоўка зьвестак аб грамадзкім ды гаспадарчым разьвіцьці вобласьцяў;
- узгадненьне ўрадавага вяшчаньня ды агляд грамадзка-палітычнага становішча;
- вывучэньне грамадзкага меркаваньня ды наладжаньне працы ўрадавых установаў ды прэзыдэнцкай бачыны па апавяшчэньні насельніцтва аб захадах прэзыдэнта;
- забесьпячэньне ўзаемінаў прэзыдэнта з грамадзкімі аб’яднаньнямі;
- парадкаваньне праходжаньня, уліку й вынясеньня на разгляд прэзыдэнта ўваходнай перапіскі, вядзеньне справаводзтва ды захоўваньне й наладжаньне выкарыстаньня дакумэнтаў;
- забесьпячэньне выкананьня парадка падрыхтоўкі ды падачы зьвестак прэзыдэнту ды праверка іх абгрунтаванасьці;
- давядзеньне дэкрэтаў, указаў ды распараджэньняў прэзыдэнта да ўрадавых установаў;
- нагляд за выкананьнем пастановаў ды даручэньняў прэзыдэнта;
- прыём ды разгляд зваротаў грамадзянаў ды юрыдычных асобаў, паведамленьне прэзыдэнту аб найчасьцейшых запытах, нагляд за іх вырашэньнем ды скарачэньнем паўнамоцтваў урадавых установаў;
- кіраваньне падпарадкаванымі ўстановамі[3].
Кіраўнік Адміністрацыі
[рэдагаваць | рэдагаваць крыніцу]Кіраўнік Адміністрацыі прызначаецца і вызваляецца ад пасады ўказам Прэзыдэнта Рэспублікі Беларусь. У главыкіраўніка Адміністрацыі ёсьць намесьнікі, у тым ліку, першы намесьнік. У адсутнасьць кіраўніка Адміністрацыі, яго абавязкі выконвае першы намесьнік. Кіраўнік Адміністрацыі мае права без спэцыяльных на тое паўнамоцтваў выступаць у якасьці прадстаўніка Прэзыдэнта Беларусі ў Палаце прадстаўнікоў і Савеце Рэспублікі Нацыянальнага сходу Рэспублікі Беларусь, Канстытуцыйным судзе[3].
Структура, колькасьць і ўмовы працы
[рэдагаваць | рэдагаваць крыніцу]Структура і агульная колькасьць работнікаў Адміністрацыі Прэзыдэнта Рэспублікі Беларусь зацьвярджаецца Прэзыдэнтам Беларусі па прадстаўленьні кіраўніка Адміністрацыі Прэзыдэнта Рэспублікі Беларусь. Колькасьць работнікаў Адміністрацыі Прэзыдэнта складае 176 асобаў[3]. Статут, умовы аплаты працы, дзяржаўнае страхаваньне, матэрыяльна-тэхнічнае, мэдычнае, санаторна-курортнае, пэнсійнае і іншае забясьпячэньне работнікаў Адміністрацыі Прэзыдэнта вызначаюцца ў парадку, усталяваным заканадаўствам. Працай структурных падразьдзяленьняў Адміністрацыяй Прэзыдэнта кіруе Глава Адміністрацыі і яго намесьнікі. Фінансавае, матэрыяльна-тэхнічнае і сацыяльна-бытавое забясьпечаньне дзейнасьці Адміністрацыі Прэзыдэнта ажыцьцяўляецца Кіраўніцтвам справамі прэзыдэнта Рэспублікі Беларусь. Палажэньнем аб Адміністрацыі, прадугледжана магчымасьць стварэньня Калегіі Адміністрацыі і яе кампэтэнцыя.
Структура
[рэдагаваць | рэдагаваць крыніцу]- 1. Кіраўнік Адміністрацыі Прэзыдэнта Рэспублікі Беларусь
- 2. Першы намесьнік кіраўніка Адміністрацыі Прэзыдэнта Рэспублікі Беларусь
- 3. Тры намесьнікі кіраўніка Адміністрацыі Прэзыдэнта Рэспублікі Беларусь
- 4. Памочнікі Прэзыдэнта Рэспублікі Беларусь
- 5. Галоўнае ўпраўленьне кадравай палітыкі
- 6. Галоўнае ідэалягічнае ўпраўленьне
- 7. Галоўнае дзяржаўна-прававое ўпраўленьне
- 8. Галоўнае арганізацыйнае ўпраўленьне
- 9. Галоўнае ўпраўленьне па ўзаемаадносінам з органамі заканадаўчай і судовай улады
- 10. Галоўнае эканамічнае ўпраўленьне
- 11. Упраўленьне зьнешняй палітыкі
- 12. Галоўнае ўпраўленьне па рабоце са зьвяртаньнямі грамадзян
- 13. Ўпраўленьне па ўзаемаадносінам з органамі мясцовага самакіраваньня
- 14. Канцэлярыя Прэзыдэнта Рэспублікі Беларусь
- 15. Прыёмная Прэзыдэнта Рэспублікі Беларусь
- 16. Прэс-служба Прэзыдэнта Рэспублікі Беларусь
- 17. Сакратарыят кіраўніка Адміністрацыі Прэзыдэнта Рэспублікі Беларусь
- 18. Аддзел па рабоце з грамадзкімі аб’яднаньнямі
- 19. Аддзел па пытаньнях грамадзянства і памілаваньня
- 20. Сэктар навукі
- 21. Сэктар стратэгіі разьвіцьця сельскай гаспадаркі[3]
Правы і абавязкі кіраўнікоў структурных падразьдзяленьняў
[рэдагаваць | рэдагаваць крыніцу]Адказныя работнікі структурных падразьдзяленьняў Адміністрацыі Прэзыдэнта Рэспублікі Беларусь выконваюць ускладзеныя на іх абавязкі ў адпаведнасьці з задачамі і функцыямі структурных падразьдзяленьняў і пасадавымі інструкцыямі.
Кіраўнікі структурных падразьдзяленьняў ажыцьцяўляюць кіраўніцтва іх дзейнасьцю і нясуць пэрсанальную адказнасьць за выкананьне ўскладзеных на іх абавязкаў. У гэтых мэтах яны, у прыватнасьці, маюць права: заклікаць неабходныя дакумэнты ад Апарату Савета Міністраў, міністэрстваў і другіх органаў дзяржаўнага кіраваньня; запрашаць спэцыялістаў для падрыхтоўкі пытаньняў, які падлягаюць разгляду Прэзыдэнтам; удзельнічаць у паседжаньнях і нарадах некаторых дзяржаўных органаў і выступаць на іх; знаёміцца ў межах сваёй кампэтэнцыі з матэрыяламі ў Апараце Савета Міністраў Рэспублікі Беларусь, міністэрствах і іншых рэспубліканскіх органах; паседжаньнях мясцовых выканаўчых і распараджальных органаў, іншымі рэспубліканскімі органамі дзяржаўнага кіраваньня, нарадах амеркаваньня пытаньняў, якія ўваходзяць у сфэру іх абавязкаў.[4]
Адрас
[рэдагаваць | рэдагаваць крыніцу]Крыніцы
[рэдагаваць | рэдагаваць крыніцу]- ^ Закон Рэспублікі Беларусь аб рэспубліканскім каштарысе на 2010 год (рас.). Нацыянальны прававы інтэрнэт-партал Рэспублікі Беларусь (27 сьнежня 2010). Праверана 12 сьнежня 2011 г.
- ^ Зьвесткі аб сярэднеўзважаным курсе беларускага рубля да замежных валютаў на валютным рынку Рэспублікі Беларусь за 2010 год. Нацыянальны банк Рэспублікі Беларусь. — Паводле сярэднегадавое цаны (2993,74) набыцьця даляра. Праверана 12 сьнежня 2011 г.
- ^ а б в г д Указ прэзыдэнта Рэспублікі Беларусь ад 23 студзеня 1997 г. № 97 «Пытаньні Адміністрацыі прэзыдэнта Рэспублікі Беларусь» (рас.). Нацыянальны прававы інтэрнэт-партал Рэспублікі Беларусь (22 кастрычніка 2008). Праверана 8 ліпеня 2011 г.
- ^ Белорусская Юридическая энциклопедия в 4 т. - т. 1. / редкол. : С. А. Балашенко и др. - Минск : ГИУСТ БГУ, 2007. - 600 с. с. 89
- ^ Справочник — Администрация Президента РБ, Правительство, Парламент. Юридическая Консультация PravoBy .com Юристы, адвокаты, юридические услуги (рас.)
- ^ Кто есть кто в Республике Беларусь (рас.)
Літаратура
[рэдагаваць | рэдагаваць крыніцу]- Белорусская Юридическая энциклопедия в 4 т. — т. 1. / редкол. : С. А. Балашенко и др. — Минск : ГИУСТ БГУ, 2007. — 600 с.
Вонкавыя спасылкі
[рэдагаваць | рэдагаваць крыніцу]- Афіцыйны Інтэрнэт-партал Прэзыдэнта Рэспублікі Беларусь
- «СБ Беларусь Сегодня» Друкаваны орган Адміністрацыі Прэзыдэнта (рас.)
- Вышэйшае кіраўніцтва Адміністрацыі прэзыдэнта Беларусі (рас.)
- https://web.archive.org/web/20190226162041/http://www.iac.gov.by/
- Экспертное сообщество Беларуси «Наше мнение» и кадровых перестановках в Администрации Президента в 2004 году (рас.)
- https://web.archive.org/web/20100810132249/http://news.yandex.ru/people/yanchevskij_vsevolod.html
- Як музыкі ў Адміністрацыю хадзілі