Юры Жыркоў
| Юры Жыркоў | ||
 | ||
| Пэрсанальная інфармацыя | ||
|---|---|---|
| Нарадзіўся | 20 жніўня 1983[1][2][3] (42 гады) | |
| Рост | 180 см | |
| Вага | 76 кг | |
| Пазыцыя | задні абаронца | |
| Клюбы | ||
| Гады | Клюб | Гульні (галы)¹ |
| 2001—2003 | Спартак Тамбоў[d] | 74 (26) |
| 2004—2009 | ЦСКА Масква | 139 (15) |
| 2009—2011 | Чэлсі | 29 (0) |
| 2011—2013 | Анжы Махачкала | 46 (3) |
| 2013—2015 | Дынама Масква | 54 (4) |
| 2016—2021 | Зэніт | 95 (4) |
| 2022 | Хімкі | 3 (0) |
| Зборныя | ||
| 2003—2004 | Расея (да 21)[d] | 7 (2) |
| 2005—2021 | Расея | 105 (2) |
Юры Валянцінавіч Жыркоў (па-расейску: Юрий Валентинович Жирков; нар. 20 жніўня 1983 году, Тамбоў, СССР) — колішні расейскі футбаліст, абаронца. Мае на сваім рахунку выступы ў складзе нацыянальнай зборнай Расеі. У кастрычніку 2008 году Жыркоў быў намінаваны на прэмію «Залаты мяч»[4]. У сьнежні таго ж году Жыркоў быў прызнаны найлепшым футбалістам Расеі паводле вэрсіі РФЗ[5], паводле вэрсіі часопіса «Футбол»[6], газэты «Савецкі спорт»[7], а таксама тэлеперадачы «Футбол Расеі». Звычайна гуляе на пазыцыі левага паўабаронцы, аднак можа згуляць і на пазыцыі левага абаронцы, падлучаючыся пры гэтым і да нападаў.
Кар’ера
[рэдагаваць | рэдагаваць код]«Спартак» Тамбоў
[рэдагаваць | рэдагаваць код]У 2000 годзе Юры далучыўся да дублю тамбоўскага «Спартака». Там Жыркоў атрымліваў маленькі заробак, і для таго, каб дапамагчы сваёй сям’і, ён выступаў на першынстве калгасаў за пасёлак Мардовіі, за перамогі якога ён атрымліваў прадукты[8]. За гэтую каманду ў фінале першынства раёна Юры забіў два мячы на апошніх хвілінах матчу, гэта дазволіла ягонай камандзе стаць чэмпіёнам. Улетку 2001 году Юры быў дазаяўлены за асноўны склад «Спартака», за які дэбютаваў 22 жніўня 2001 году, выйшаўшы на замену на 88-й хвіліне матчу супраць калускага «Лякаматыва»[9].
ЦСКА Масква
[рэдагаваць | рэдагаваць код]У сярэдзіне сьнежня 2003 году стала вядома аб тым, што Жыркоў падпісаў кантракт з маскоўскім ЦСКА[10]. У складзе ЦСКА Юры прыняў удзел у Кубку Садружнасьці, які праходзіў з 17 па 25 студзеня 2004 году. Гулец дэбютаваў у стартавым матчы турніру супраць клюбу «Гомель» і быў заменены на 70 хвіліне матчу, які скончыўся зь лікам 2:2. За ЦСКА ў афіцыйнай гульні Жыркоў дэбютаваў 7 сакавіка 2004 году ў матчы на Супэркубак Расеі супраць маскоўскага «Спартака», выйшаўшы на поле ў асноўным складзе. Матч скончыўся зь лікам 1:3 на карысьць ЦСКА. Супэркубак стаў першым трафэем Жыркова разам з ЦСКА. Пасьля гэтай гульні галоўны трэнэр ЦСКА Артур Жоржэ выказаў меркаваньне, што ў Юрыя вялікая будучыня[11].
«Чэлсі»
[рэдагаваць | рэдагаваць код]Першую сваю гульню ў афіцыйным матчы ангельскай Прэм’ер-лігі за «Чэлсі» Юры правёў 20 сьнежня 2009 году, ён выйшаў на замену на 76-й хвіліне матчу супраць клюбу «Ўэст Гэм Юнайтэд», які скончыўся зь лікам 1:1.
«Анжы»
[рэдагаваць | рэдагаваць код]Улетку 2011 году цікавасьць да Жыркова выказалі расейскія клюбы — маскоўскія «Дынама»[12] й «Спартак»[13], а таксама «Рубін»[14]. У канцы ліпеня ім зацікавіўся махачкалінскі «Анжы». 2 жніўня клюб і футбаліст дамовіліся аб умовах чатырохгадовага кантракту[15]. 6 жніўня Юры афіцыйна стаў гульцом махачкалінскага клюбу. Сума трансфэру паўабаронцы склала 15 млн эўра[16].
«Дынама»
[рэдагаваць | рэдагаваць код]Пасьля таго, як стала вядома, што «Анжы» будзе скарачаць свой бюджэт Юры вырашыў сысцьці з клюбу й прыярытэтным варыянтам для яго быў пераход у маскоўскую каманду. У выніку Юры далучыўся да складу маскоўскага «Дынама».
Міжнародная кар’ера
[рэдагаваць | рэдагаваць код]Жыркоў дэбютаваў за зборную 9 лютага 2005 году ў матчы супраць зборнай Італіі, выйшаўшы на поле ў стартавым складзе. Гульня сконылася зь лікам 2:0 на карысьць Італіі.
Дасягненьні
[рэдагаваць | рэдагаваць код]ЦСКА:
- Чэмпіён Расеі: 2005, 2006
- Уладальнік Кубка Расеі: 2005, 2006, 2008, 2009
- Уладальнік Супэркубка Расеі: 2004, 2006, 2007, 2009
- Уладальнік Кубка УЭФА: 2005
- Уладальнік Кубка Першага канала: 2007
«Чэлсі»:
- Чэмпіён Ангельшчыны: 2010
- Уладальнік Кубка Ангельшчыны: 2010
«Зэніт»:
- Чэмпіён Расеі: 2019, 2020, 2021
- Уладальнік Кубка Расеі: 2016, 2020
- Уладальнік Супэркубка Расеі: 2016, 2020
Расея
- Бронзавы прызэр чэмпіянату Эўропы: 2008
Крыніцы
[рэдагаваць | рэдагаваць код]- ↑ Yuri Zhirkov // Transfermarkt (мн.) — 2000.
- ↑ YURI ZHIRKOV // Argentine Soccer Database (гішп.)
- ↑ Yuri Zhirkov // As (гішп.) — Madrid: PRISA, 1967. — ISSN 1888-6671
- ↑ Аршавин и Жирков номинированы на «Золотой мяч». sport-express.ru
- ↑ Юрий Жирков признан лучшим футболистом России 2008 года. football.kulichki.net
- ↑ Юрий Жирков — футболист года по версии еженедельника «Футбол»(недаступная спасылка). futbol-1960.ru
- ↑ «Советский Спорт»: Жирков — лучший футболист ЧР-2008. football.kulichki.net
- ↑ Наглец из робкого десятка. spartak.tambovsport.ru
- ↑ «Локомотив» Калуга — «Спартак» Тамбов 4:2. spartak.tambovsport.ru
- ↑ Жирков переходит в ЦСКА. sport-express.ru
- ↑ Открытия чемпионата России-2004. Версия «СЭ». sport-express.ru
- ↑ Семшов: Жирков помог бы «Динамо»(недаступная спасылка). championat.com
- ↑ Карпин: Абрамович сказал мне, что Жиркова в «Спартаке» не будет. championat.com
- ↑ Бердыев: Жирков перерос российский чемпионат. championat.com
- ↑ Жирков согласовал с «Анжи» четырёхлетний контракт. championat.com
- ↑ Жирков перешел в «Анжи» за 15 миллионов евро. sports.ru
Вонкавыя спасылкі
[рэдагаваць | рэдагаваць код]- Профіль на афіцыйным сайце «Чэлсі»
- Профіль на сайце АПЛ
- Профіль на сайце soccerbase.com
- Профіль на сайце sports.ru
- Нарадзіліся 20 жніўня
- Нарадзіліся ў 1983 годзе
- Нарадзіліся ў Тамбоўскай вобласьці
- Футбалісты клюбу «Спартак» Тамбоў
- Футбалісты клюбу ЦСКА Масква
- Футбалісты клюбу «Чэлсі» Лёндан
- Футбалісты клюбу «Анжы» Махачкала
- Футбалісты клюбу «Дынама» Масква
- Футбалісты клюбу «Зэніт» Санкт-Пецярбург
- Футбалісты клюбу «Хімкі»
- Футбалісты зборнай Расеі
- Расейскія футбалісты