Ротніца

	Ротніца; лац. Rotnica
	лет. Ratnyčia
	; Касьцёл
Краіна:	Летува
Павет:	Аліцкі
Раён:	Друскеніцкі
Насельніцтва:	560 чал. (1970);
Часавы пас:	UTC+2
летні час:	UTC+3
Геаграфічныя каардынаты:	54°0′0″ пн. ш. 24°1′0″ у. д. / 54° пн. ш. 24.01667° у. д.Каардынаты: 54°0′0″ пн. ш. 24°1′0″ у. д. / 54° пн. ш. 24.01667° у. д.
	Ротніца на мапе Летувы Ротніца
	Галерэя здымкаў у Вікісховішчы

Ротніца (лет. Ratnyčia) — вёска ў Летуве, пры ўтоку ракі Ратнічанкі ў Нёман. Адміністрацыйна належыць да Друскенікаў, знаходзіцца ва ўсходняй частцы места.

Ротніца — даўняе мястэчка гістарычнай Троччыны, побач зь якім праходзіць паўночна-заходняя мяжа этнічнай тэрыторыі беларусаў. Да нашага часу тут захавалася магіла Яна Чачота, помнік гісторыі XIX ст.

Гісторыя

Вялікае Княства Літоўскае

Упершыню Ротніца ўпамінаецца ў XVII ст. У гэты час яна ўваходзіла ў склад Троцкага павету Троцкага ваяводзтва.

У 1762 годзе з фундацыі Лявона Сапегі ў Ротніцы збудавалі касьцёл.

Пад уладай Расейскай імпэрыі

У выніку трэцяга падзелу Рэчы Паспалітай (1795 год) Ротніца апынулася ў складзе Расейскай імпэрыі, у Троцкім павеце Віленскай губэрні. На 1866 год у мястэчку было 44 будынкі.

За часамі Першай сусьветнай вайны ў 1915 годзе Ротніцу занялі войскі Нямецкай імпэрыі

Найноўшы час

25 сакавіка 1918 году згодна з Трэцяй Устаўной граматай Ротніца абвяшчалася часткай Беларускай Народнай Рэспублікі^[1]. У 1920 годзе мястэчка апынулася ў складзе Сярэдняй Літвы, у 1922 годзе — у складзе міжваеннай Польскай Рэспублікі.

З пачаткам Другой сусьветнай вайны ў верасьні 1939 году савецкія войскі занялі Ротніцу, а ўлады СССР перадалі мястэчка Летуве. У чэрвені 1941 — ліпені 1944 году Ротніца знаходзілася пад акупацыяй Трэцяга Райху.