Высокі Двор

Высокі Двор
лац. Vysoki Dvor
лет. *Aukštadvaris*
	Высокі Двор; лац. Vysoki Dvor; лет. Aukštadvaris
	Населены пункт
	Агульны выгляд
	Герб
Краіна	Летува
Павет	Віленскі
Раён	Троцкі
Геаграфія
Вышыня НУМ	147 м
Часавы пас	UTC+2; UTC+3 (летні час);
Каардынаты	54°34′52″ пн. ш. 24°31′41″ у. д.HGЯO
Насельніцтва
Колькасьць	977 чал. (2011)
Лічбавыя ідэнтыфікатары
Паштовы індэкс	LT-21034
Сайт	aukstadvaris.lt
	Высокі Двор на мапе Летувы Высокі Двор

Высокі Двор (лет. Aukštadvaris) — мястэчка ў Летуве, на рацэ Верхняй. Цэнтар староства Троцкага раёну Віленскага павету. Насельніцтва на 2001 год — 977 чалавек. Знаходзіцца за 30 км на захад ад Трокаў.

Высокі Двор — мястэчка гістарычнай Троччыны, з 1992 году цэнтар рэгіянальнага парку. Да нашага часу тут захаваўся комплекс кляштару дамініканаў з касьцёлам Сьвятога Дамініка, помнік архітэктуры XVII стагодзьдзя, часткова зруйнаваны расейскімі ўладамі ў выніку маскоўскай перабудовы.

Назва

Варыянты назвы ў гістарычных крыніцах: до Высокого двора (1529 год)^[1]; Высоки Двор (1553 год)^[2].

Гісторыя

Вялікае Княства Літоўскае

Першы пісьмовы ўпамін пра Высокі Двор датуецца 1518 годам. У гэты час ён уваходзіў у склад Троцкага павету Троцкага ваяводзтва.

9 жніўня 1569 году Высокі Двор атрымаў статус мястэчка. У 1628 годзе тут заснавалі кляштар дамініканаў.

Пад уладай Расейскай імпэрыі

У выніку трэцяга падзелу Рэчы Паспалітай (1795 год) Высокі Двор апынуўся ў складзе Расейскай імпэрыі, у Троцкім павеце Віленскай губэрні. Па здушэньні вызвольнага паўстаньня (1830—1831) у 1832 годзе расейскія ўлады ліквідавалі кляштар дамініканаў, а касьцёл перабудавалі ў маскоўскім стылі пад царкву Ўрадавага сыноду Расейскай імпэрыі. Каля 1895 году ў мястэчку было 28 будынкаў. У 1907—1913 гадох у Высокім Двары паводле праекту архітэктуара Антонія Філіповіча-Дубовіка збудавалі новы касьцёл.

За часамі Першай сусьветнай вайны ў 1915 годзе Высокі Двор занялі войскі Нямецкай імпэрыі

Найноўшы час

Па польска-летувіскіх баях і падпісаньні пагадненьня паміж міжваеннай Польскай Рэспублікай і Летувой у 1919 годзе Высокі Двор апынуўся ў складзе Летувы. За часамі Другой сусьветнай вайны з чэрвеня 1941 да 1944 году мястэчка знаходзілася пад акупацыяй Трэцяга Райху.

Насельніцтва

Дэмаграфія

XIX стагодзьдзе: ~1895 год — 634 чал., зь іх 386 каталікоў, 41 праваслаўны, 8 эвангелістаў, 194 юдэі і 5 мусульманаў^[3]
XXI стагодзьдзе: 2001 год — 977 чал.

Турыстычная інфармацыя

Славутасьці

Касьцёл Божага Цела (1913)
Касьцёл Сьвятога Дамініка і кляштар дамініканаў (1667)
Могілкі хрысьціянскія
Сядзіба Малеўскіх (1837)

Галерэя

Краявіды Высокага Двара
Кляштар дамініканаў
Кляштар, брама
Сядзіба
Касьцёл Божага Цела

Крыніцы

↑ Lietuvos Metrika. Knyga 15 (1528—1538). — Vilnius, 2002. P. 286.
↑ Rowell S. C. Acta primae visitationis diocesis vilnensis anno domini 1522 peractae. Vilniaus Kapitulos Archyvo Liber IIb atkūrimas. — Vilnius, 2015. P. 165.
↑ Krzywicki J. Wysoki Dwor (4) // Słownik geograficzny... T. XIV. — Warszawa, 1895. S. 129.

Вонкавыя спасылкі

Высокі Двор , Radzima.org

[1] Lietuvos Metrika. Knyga 15 (1528—1538). — Vilnius, 2002. P. 286.

[2] Rowell S. C. Acta primae visitationis diocesis vilnensis anno domini 1522 peractae. Vilniaus Kapitulos Archyvo Liber IIb atkūrimas. — Vilnius, 2015. P. 165.

[3] Krzywicki J. Wysoki Dwor (4) // Słownik geograficzny... T. XIV. — Warszawa, 1895. S. 129.

[1]

[2]

[3]