Дзьмітравічы (Берасьцейская вобласьць)
(Перанакіравана з «Дзьмітровічы»)
| Дзьмітравічы, трансьліт. Dźmitravičy[a] | |
| Населены пункт | |
 | |
| Краіна | Беларусь |
|---|---|
| Вобласьць | Берасьцейская |
| Раён | Камянецкі |
| Сельсавет | Дзьмітравіцкі |
| Першыя згадкі | XVI стагодзьдзе |
| Геаграфія | |
| Вышыня НУМ | 167[1] м |
| Часавы пас | |
| Каардынаты | 52°29′22″ пн. ш. 23°46′48″ з. д.HGЯO |
| Насельніцтва | |
| Колькасьць | 588 чал. (2010) |
| Лічбавыя ідэнтыфікатары | |
| Тэлефонны код | +375 1631 |
| Паштовы індэкс | 225062[2] |
| СААТА | 1240820061 |
| Нумарны знак | 1 |
| Дзьмітравічы на мапе Беларусі ±   Дзьмітравічы | |
Дзьмі́травічы[3] (афіцыйная назва — Дзьмітро́вічы[3]) — вёска ў Камянецкім раёне Берасьцейскай вобласьці, цэнтар Дзьмітравіцкага сельсавету.
Дзьмітравічы месьцяцца за 12 км на паўночны захад ад Камянцу, за 49 км на поўнач ад Берасьця, за 37 км ад чыгуначнай станцыі Жабінка (лінія Баранавічы — Берасьце).
Гісторыя
[рэдагаваць | рэдагаваць код]- канец XVI ст.: вёска ў Берасьцейскім павеце і ваяводзтве ВКЛ, дзяржаўная ўласнасьць.
- 1786: пабудавана драўляная царква Перамяненьня Гасподняга.
- 1795: у выніку 3-га падзелу Рэчы Паспалітай у складзе Расейскай імпэрыі.
- 1-я палова XIX ст.: сяло ў Берасьцейскім павеце Гарадзенскай губэрні. Адносілася да фальварку Ямна маёнтку Дамброва.
- 1847: паводле інвэнтару ўладаньне абшарнікаў Сівераў і Бахмецьевай, у сяле 311 наяўных сялянскіх душ, 344 дзесяціны ворыўнай, 28 дзесяцінаў сядзібнай зямлі.
- 1860-я: у Дзьмітравіцкай воласьці тых жа павету і губэрні.
- 1885: сяло, 42 двары, 399 жыхароў, валасное ўпраўленьне, праваслаўная царква, школа, за 1 вярсту ў сядзібе Ямна віназавод.
- 1897: паводле перапісу 74 двары, 498 жыхароў, народнае вучылішча, хлебазапасная крама, карчма. Пры сяле знаходзілася сядзіба Андрэя Жуковіча, 1 двор, 3 жыхары.
- 1905: 560 жыхароў, у народным вучылішчы 97 навучэнцаў.
- 1921: у выніку польска-савецкай вайны па Рыскай мірнай дамове ў складзе Польшчы, сяло, цэнтар Дзьмітравіцкай гміны Берасьцейскага павету Палескага ваяводзтва.
- 1923: 89 двароў, 402 жыхары.
- 1939: у выніку пакту Молатава — Рыбэнтропа ў складзе Берасьцейскай вобласьці БССР.
- 1940: вёска, цэнтар Дзьмітравіцкага сельсавету Камянецкага раёну Берасьцейскай вобласьці, 121 двор, 614 жыхароў, 7-гадовая школа, бэтонны завод, маслазавод, пошта. У склад сельсавету ўваходзілі 16 паселішчаў (648 двароў, 3542 жыхары).
- 1941—1945: цягам Другой сусьветнай вайны на франтах загінулі і зьніклі бязь вестак 25 жыхароў вёскі.
- 1950: цэнтар узбуйненага калгасу імя Дзімітрава.
- 1959: на землях калгасу створаны саўгас «Белавескі».
- 1960: у вёсцы 372 жыхары.
- 1964: цэнтар саўгасу імя Дзімітрава (у 1991 годзе рэарганізаваны ў калгас).
- 1964: 616 жыхароў.
Насельніцтва
[рэдагаваць | рэдагаваць код]- 2010 год — 588 чалавек
- 1999 год — 618 чалавек
Транспартныя сувязі
[рэдагаваць | рэдагаваць код]Празь вёску праходзіць аўтадарога рэспубліканскага значэньня Берасьце — Камянец — Каменюкі (Р83).
Інфраструктура
[рэдагаваць | рэдагаваць код]Цэнтар ААТ «Камянецкая пушча».
Заўвагі
[рэдагаваць | рэдагаваць код]- ^ Паводле афіцыйнай назвы — Dźmitrovičy
Крыніцы
[рэдагаваць | рэдагаваць код]- ^ Фото Планета Праверана 8 жніўня 2013 г.
- ^ Почтовые индексы улиц деревни Дмитровичи (рас.) Каменецкий район. Белпошта. Праверана 9 чэрвеня 2013 г.
- ^ а б Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Менск: Тэхналогія, 2010. — 319 с. ISBN 978-985-458-198-9. (pdf, djvu, online) С. 168—169
Літаратура
[рэдагаваць | рэдагаваць код]- Гарады і вёскі Беларусі: Энцыклапедыя. Т. 4, кн. 2. Брэсцкая вобласць / рэдкал.: Г.П. Пашкоў (дырэктар) [і інш.]. — Менск: БелЭн, 2007. — 608 с.: іл. ISBN 978-985-11-0388-7. С. 43—44.
Вонкавыя спасылкі
[рэдагаваць | рэдагаваць код]- Дмитровичи (рас.) на Глёбус Беларусі
- Дзьмітравічы, Radzima.org