Арэшкавічы (Пухавіцкі раён)
| Арэшкавічы | |
| Населены пункт | |
| Краіна | Беларусь |
|---|---|
| Вобласьць | Менская |
| Раён | Пухавіцкі |
| Сельсавет | Блускі |
| Першыя згадкі | 1560 |
| Часавы пас | |
| Каардынаты | 53°22′03″ пн. ш. 28°19′15″ у. д.HGЯO |
| Насельніцтва | |
| Колькасьць | 184 чал. (2009) |
| Лічбавыя ідэнтыфікатары | |
| Тэлефонны код | +375 1713 |
| Паштовы індэкс | 222819 |
| Нумарны знак | 5 |
| Арэшкавічы на мапе Беларусі ±   Арэшкавічы | |
Арэ́шкавічы[1] — вёска ў Пухавіцкім раёне Менскай вобласьці Беларусі. Уваходзіць у склад Блускага сельсавету.
Знаходзіцца за 26 км на паўднёвы ўсход ад раённага цэнтру, 3 км ад чыгуначнай станцыі Талька на лініі Менск-Асіповічы на р. Сьвіслач.
Гісторыя
[рэдагаваць | рэдагаваць код]Селішчы
[рэдагаваць | рэдагаваць код]Селішча-1 Селішча-1 у вёсцы насупраць былой школы, на 1-й надпоймавай тэрасе левага берага р. Сьвіслач, на ўсход ад мосту праз раку. Выявіла і дасьледавала 40 м² у 2002 годзе А. У. Ільюцік. Культурны пласт 0,4 м. Знойдзена кругавая кераміка 10-15 ст., каменны тачыльны брусок, гліняны грузік, фаянсавая люлька, гліняная фігурка, пакрытая карычневай эмальлю, жалезны каваны цьвік. Да бронзавага веку адносяцца абломкі крэмню і фрагмэнты ляпнога арнамэнтаванага посуду.
Селішча-2 Селішча-2 у вёсцы, на 1-й надпоймавай тэрасе левага берага р. Сьвіслач, зьлева ад дарогі ў в. Малінаўка. Выявіла і дасьледавала 12 м² у 2002 годзе А. У. Ільюцік. Культурны пласт 0,4 м. Знойдзена кругавая непаліваная і паліваная кераміка, тэракотавая кафля з расьлінным арнамэнтам, шкляны посуд з пацінай, аконнае круглае шкло з загнутым краем, каваныя цьвікі, медны гузік. Датуецца 13-18 ст.
Вялікае Княства Літоўскае
[рэдагаваць | рэдагаваць код]Упершыню Арэшкавічы, што тады належалі Слушкам, успамінаюцца пад 1560 годам у інвэнтары Сьвіслачы.[2][3] Населены пункт уваходзіў у склад Менскага павету Менскае ваяводзтва.
На пачатку XX ст. у Пухавіцкай воласьці Ігуменскага павету Менскай губэрні.
У Першую сусьветную вайну ў лютым — сьнежні 1918 году была пад акупацыяй войскаў кайзэраўскай Нямеччыне.
25 сакавіка 1918 году згодна з Трэцяй Устаўной граматай вёска абвешчана часткай Беларускай Народнай Рэспублікі. З 1 студзеня 1919 году ў адпаведнасьці з пастановай І з’езду КП(б) Беларусі вёска ўвайшла ў склад БССР.
У жніўні 1919 — ліпені 1920 вёска знаходзілася пад польскай уладай.
Пасьля рэвалюцыі створана працоўная школа 1-ай ступені. У 1922 годзе навучалася 50 хлопчыкаў і 13 дзяўчынак. У пачатку 1930-ых гг. створаны калгас «Арэшкавічы», працавала кузьня.
Да 30 кастрычніка 2009 году вёска ўваходзіла ў склад Талькаўскага сельсавету[4].
Насельніцтва
[рэдагаваць | рэдагаваць код]Асобы
[рэдагаваць | рэдагаваць код]- Язэп Жыновіч (1907—1974) — музыкант-цымбаліст, дырыжор, кампазытар і пэдагог, народны артыст БССР (1955) і СССР (1968), прафэсар, ляўрэат Дзяржаўнай прэміі БССР
Славутасьці
[рэдагаваць | рэдагаваць код]- Археалягічныя помнікі - два селішчы
Крыніцы
[рэдагаваць | рэдагаваць код]- ↑ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (djvu)
- ↑ https://web.archive.org/web/20160322051314/http://talka.info/?page_id=270 Архівавана 22 сакавіка 2016.
- ↑ НГАБ у Менску, ф. 1769, воп. 1, спр. 7, с. 178
- ↑ Пастанова Менскага абласнога савета дэпутатаў ад 30.10.2009 №219 «Аб змяненьні адміністрацыйна-тэрытарыяльнага падзелу Менскай вобласьці» Архівавана 11 лістапада 2013. (рас.)
- ↑ Буйныя населеныя пункты Пухавіцкага раёну (паводле перапісу 1897 г.)(недаступная спасылка)
- ↑ Вынікі перапісу 2009 году ў Беларусі