Філ Фодэн
| Філ Фодэн | ||
| ||
| Пэрсанальная інфармацыя | ||
|---|---|---|
| Нарадзіўся | 28 траўня 2000[1] (24 гады) | |
| Рост | 171 см | |
| Вага | 71 кг | |
| Пазыцыя | паўабаронца | |
| Клюбная інфармацыя | ||
| Клюб | Манчэстэр Сіці | |
| Нумар | 47 | |
| Клюбы | ||
| Гады | Клюб | Гульні (галы)¹ |
| 2017— | Манчэстэр Сіці | 165 (54) |
| Зборныя | ||
| 2020— | Ангельшчына | 41 (4) |
|
¹ Колькасьць гульняў і галоў за прафэсійны клюб лічыцца толькі | ||
Філ Фодэн (па-ангельску: Phil Foden; нар. 29 траўня 2000 году) — ангельскі футбаліст, нападнік клюбу «Манчэстэр Сіці» і нацыянальнай зборнай Ангельшчыны. Фодэн уварваўся ў прафэсійны футбол у 2017 годзе, калі ён здабыў узнагароду «Залаты мяч» на Кубку сьвету да 17 гадоў пасьля пасьпяховага выступу ангельскай зборнай. У гэтым жа годзе футбаліст дэбютаваў у складзе «Манчэстэр Сіці», а ў сьнежні быў прызнаны BBC самым таленавітым маладым спартоўцам году.
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Нарадзіўшыся ў Стокпарце, частцы Вялікага Манчэстэру, Фодэн быў заўзятарам «Манчэстэр Сіці» зь дзяцінства[3]. Да моладзевай акадэміі клюбу далучыўся ва ўзросьце чатырох гадоў. Гулец атрымаў адукацыю ў прыватным каледжы Сьвятога Бэды, а плату за навучаньне ўносіў «Манчэстэр Сіці»[4][5]. 6 сьнежня 2016 году галоўны трэнэр Пэп Гвардыёля ўключыў Фодэна ў склад матчу групавога этапу Лігі чэмпіёнаў супраць «Сэлтыку», аднак гулец так і застаўся на лаве запасных[6].
Перад сэзонам 2017—2018 гадоў Фодэн выправіўся з клюбам у перадсэзоны тур у ЗША. Пасьля некалькіх зьяўленьняў на лаве запасных у пачатку сэзону 2017—2018 гадоў, Фодэн дэбютаваў у «Манчэстэр Сіці» 21 лістапада 2017 году ў гульні Лігі чэмпіёнаў супраць «Фэеноорду», выйшаўшы на 75-й хвіліне замест Яя Турэ. Фодэн выйшаў на пляцоўку замест Сэрхіё Агуэра ў фінале Кубка футбольнай лігі 25 лютага 2018 году, дапамогшы «Сіці» выгуляць «Арсэнал» на стадыёне Ўэмблі зь лікам 3:0[7]. 13 траўня ён стаў самым маладым гульцом у гісторыі, які атрымаў мэдаль пераможцаў Прэм’ер-лігі[8]. Гэтае дасягненьне было дададзенае ў кнігу рэкордаў Гінэса ў выданьні 2020 году[9]. Свой першы мяч у складзе «мяшчанаў» Фодэн забіў на хатнім стадыёне «Этыгад» у пераможным матчы супраць «Ротэргэм Юнайтэд» у розыгрышу Кубка Ангельшчыны 6 студзеня 2019 году[10]. Рушыў за гэтым гол Фодэна у розыгрышу Прэм’ер-лігі 20 красавіка 2019 году, калі паўабаронца ўлучыў у браму «Тотэнгэм Готспур» адзіны мяч у матчы. Паводле вынікаў сэзону «Манчэстэр Сіці» здабыў усе магчымыя ўзнагароды, поруч з гэтым Фодэн стаў гуляць усё больш важкую ролю ў клюбе[11]. У наступным сэзоне Фодэн забясьпечыў сабе месца ў асноўным складзе, не зважаючы на тое, што сэзон быў перарваны праз пандэмію COVID-19, якая ахапіла ня толькі Вялікабрытанію, але і ўвесь сьвет.
У новым сэзоне 2020—2021 гадоў Фодэн распачаў лік галоў на сваім рахунку 21 верасьня 2020 году ў матчы супраць «Ўулвэргэмптан Ўандэрэрз», зрабіўшы ўнёсак у перамогу клюбу зь лікам 3:1. Свой другі гол у сэзоне ангельскага першынства футбаліст забіў 24 кастрычніка 2020 году ў сустрэчы супраць «Ўэст Гэм Юнайтэд», якая скончылася ўнічыю зь лікам 1:1 на лёнданскім стадыёне. Першым голам Фодэн адзначыўся і ў Лізе чэмпіёнаў, пацэліўшы мяч у браму грэцкага «Алімпіякосу». 7 лютага 2021 году гулец забіў гол і адзначыўся асыстэнцкім пунктам ў гасьцявым матчы супраць «Лівэрпула», разграміўшы «чырвоных» зь лікам 4:1, што стала першай перамогай ягонай дружыны на Энфілдзе з 2003 году[12]. «Манчэстэр Сіці», дзякуючы ў тым ліку намаганьням Фодэна, здолеў выйсьці ў фінал Лігі чэмпіёнаў, але «мяшчаны» трывалі паразу ад «Чэлсі» зь лікам 0:1. Тым ня менш, гулец быў улучаны ў склад сымбалічнай зборнай Лігі чэмпіёнаў. Акрамя таго, клюб вярнуў сабе тытул чэмпіёну Ангельшчыны.
Міжнародная
[рэдагаваць | рэдагаваць крыніцу]Фодэн быў важнай часткай юнацкіх і моладзевых зборных Ангельшчыны. 25 жніўня 2020 году гадоўны трэнэр асноўнай зборнай Гарэт Саўтгейт упершыню выклікаў Фодэна ў складзе нацыянальнай зборнай[13]. Міжнародны дэбют маладога гульца адбыўся ў матчы супраць зборнай Ісьляндыі 5 верасьня 2020 году у розыгрышу Лігі нацыяў. Матч скончыўся перамогай ангельцаў зь лікам 1:0.
Дасягненьні
[рэдагаваць | рэдагаваць крыніцу]«Манчэстэр Сіці»:
- Чэмпіён Ангельшчыны: 2018, 2019, 2021, 2022, 2023, 2024
- Уладальнік Кубка Ангельшчыны: 2019, 2023
- Уладальнік Кубка футбольнай лігі: 2018, 2019, 2020, 2021
- Уладальнік Супэркубка Ангельшчыны: 2018, 2019
- Пераможца Лігі чэмпіёнаў: 2023
- Уладальнік Супэркубка Эўропы: 2023
- Пераможца клюбнага чэмпіянату сьвету: 2023
Крыніцы
[рэдагаваць | рэдагаваць крыніцу]- ^ а б в Phil Foden // Transfermarkt (мн.) — 2000.
- ^ а б https://www.mancity.com/players/phil-foden
- ^ «City Starlet Foden: Silva's My Idol». Manchester City F.C.
- ^ «Phil Foden may have gone from ballboy to 'Pep Guardiola's lad', but Man City's local hero remains firmly grounded». The Daily Telegraph.
- ^ «Pivotal Man City moment that helped shape Blues' vision for their next generation». Manchester Evening News.
- ^ «Manchester City 1–1 Celtic». BBC Sport.
- ^ «Arsenal 0–3 Manchester City». BBC Sport.
- ^ «Man City fans loved seeing Phil Foden make Premier League history». Manchester Evening News.
- ^ «Q&A with Manchester City FC's Phil Foden — the youngest football player to win the Premier League». The Guinness World Records.
- ^ «Man City put seven past Rotherham to reach fourth round». BBC Sport.
- ^ «How big a feat is Man City's treble?». BBC Sport.
- ^ «Liverpool 1–4 Manchester City». BBC Sport.
- ^ «England call-ups for Harry Maguire, Phil Foden, Mason Greenwood and Kalvin Phillips». BBC Sport.
Вонкавыя спасылкі
[рэдагаваць | рэдагаваць крыніцу]- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball