Перайсьці да зьместу

Конар Галагер

Зьвесткі зь Вікіпэдыі — вольнай энцыкляпэдыі
Конар Галагер
Пэрсанальная інфармацыя
Нарадзіўся 6 лютага 2000(2000-02-06)[1] (26 гадоў)
Рост 182 см
Пазыцыя паўабаронца
Клюбная інфармацыя
Клюб Тотэнгэм Готспур
Нумар 22
Клюбы
Гады Клюб Гульні (галы)¹
2019—2024 Чэлсі 72 (8)
2019—2020 → Чарлтан Атлетык 26 (6)
2020 → Сўонсі Сіці 19 (0)
2020—2021 → Ўэст Бромўіч Альбіён 30 (2)
2021—2022 → Крыстал Пэлас 34 (8)
2024—2026 Атлетыка Мадрыд 51 (5)
2026—4 Тотэнгэм Готспур 8 (0)
Зборныя
2017—2018 Ангельшчына (да 17)[d] 4 (0)
2018 Ангельшчына (да 18)[d] 6 (0)
2018—2019 Ангельшчына (да 19)[d] 9 (2)
2019 Ангельшчына (да 20)[d] 4 (0)
2019—2022 Ангельшчына (да 21)[d] 15 (3)
2021— Ангельшчына 22 (1)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
10 сакавіка 2026.
² Колькасьць гульняў і галоў за нацыянальную зборную
ў афіцыйных матчах, адкарэктавана на
10 чэрвеня 2025.

Ко́нар Га́лагер (па-ангельску: Conor Gallagher; нар. 6 лютага 2000 году) — ангельскі футбаліст, паўабаронца клюбу «Тотэнгэм Готспур» і нацыянальнай зборнай Ангельшчыны.

Кар’ера

[рэдагаваць | рэдагаваць код]

Клюбная

[рэдагаваць | рэдагаваць код]

Галагер далучыўся да акадэміі «Чэлсі» ў веку 8 гадоў[2]. У кастрычніку 2018 году склаў прафэсійны кантракт з клюбам. Ня маючы гульнявой практыкі ў першай камандзе, Галагер у жніўні 2019 году на правах арэнды далучыўся да «Чарлтан Атлетыка»[2]. Ужо ў першых сваіх шасьці матчах паўабаронца забіў тры галы, а ў першы месяц быў прызнаны найлепшым маладым футбалістам Чэмпіёншыпу[3][4]. У студзені 2020 году гулец быў адкліканы ў «Чэлсі», каб далучыцца таксама ў статусе арандаванага футбаліста да «Сўонсі Сіці»[5]. Пазьней Галагер прыгадваў, што час, які ён бавіў у «Суонсі», дазволіў яму працаваць больш творча, чым гэта было да таго[6].

17 верасьня 2020 году Галагер падпісаў новы пяцігадовы кантракт з «Чэлсі» і зноў выправіўся ў арэнду ў клюб Прэм’ер-лігі «Ўэст Бромўіч Альбіён» на сэзон 2020—2021 гадоў[7][8]. 28 лістапада паўабаронца пацэліў свой першы гол у элітным дывізіёне ў хатнім матчы супраць «Шэфілд Юнайтэду». Матч скончыўся зь лікам 1:0[9]. Свой наступны сэзон ангелец правёў у складзе «Крыстал Пэлас», дзе таксама як і ў папярэднім клюбе быў гульцом асноўнага складу. Улетку 2022 году вярнуўся ў «Чэлсі», дзе замацаваўся ў першай камандзе. 6 жніўня 2022 году спартовец запачаткаваў выступы ў кашулі лёнданскага клюбу ў Прэм’ер-лізе, згуляўшы ў матчы супраць «Эвэртану»[10]. Перад сэзонам 2023—2024 гадоў «Чэлсі» адхіліў прапанову «Ўэст Гэм Юнайтэду», а сам Галагер упершыню згуляў матч у якасьці капітана каманды, рэгулярна апранаючы капітанскую повязь пры адсутнасьці Рыса Джэймза і Бэна Чылўэла[11].

У канцы сэзону 2023—2024 гадоў зьявіліся чуткі, што Галагер можа пакінуць «Чэлсі»[12]. У ліпені 2024 году «Чэлсі» пачаў перамовы з гішпанскім клюбам «Атлетыкам» аб магчымым трансфэры гульцы, а пазьней прыняў прапанову аб трансфэры[13][14]. Пасьля таго, як яму сказалі, што ён ня будзе рэгулярна выступаць у складзе новага трэнэра «Чэлсі» Энца Марэскі, пазьней футбаліст пагадзіўся на пераход[15][16]. 21 жніўня 2024 году мадрыдцы абвесьцілі, што Галагер склаў з клюбам пяцігадовы кантракт[17][18]. Паводле зьвестак The Guardian, гулец каштаваў гішпанцам у 34 мільёнаў фунтаў стэрлінгаў[19].

У студзені 2026 году Галагер зьявілася інфармацыя, што ангелец можа перайсьці ў «Астан Вілу» або «Тотэнгэм Готспур»[20][21]. 14 студзеня стала вядома, што футбаліст падпісаў кантракт з «Тотэнгэм Готспур», які выклаў за гульца 35 мільёнаў фунтаў стэрлінгаў[22][23].

Міжнародная

[рэдагаваць | рэдагаваць код]

Праз сваё паходжаньне, акрамя Ангельшчыны, Галагер меў мажлівасьць абараняць гонар Шатляндыі і Ірляндыі. 14 лістапада 2021 году футбаліст атрымаў свой першы выклік у нацыянальную зборную Ангельшчыны[24]. На наступны дзень ён згуляў свой першы матч, выйшаўшы на замену ў пераможным матчы супраць зборнай Сан-Марына, які скончыўся зь лікам 10:0[25]. 26 сакавіка 2022 году ўпершыню выйшаў у пачатковым складзе ў таварыскім матчы супраць зборнай Швайцарыі. Ангельцы здолелі атрымаць перамогу зь лікам 2:1, а Галагер зрабіў галявы пас на Люка Шоў[26].

Крыніцы

[рэдагаваць | рэдагаваць код]
  1. ↑ Conor Gallagher // Transfermarkt (мн.) — 2000.
  2. 1 2 «Conor Gallagher: Charlton Athletic sign Chelsea midfielder on loan». BBC Sport.
  3. ↑ «Conor Gallagher: Chelsea youngster on 'idol' Frank Lampard and Charlton Athletic loan». BBC Sport.
  4. ↑ «Conor Gallagher wins EFL Young Player of the Month award for August». Charlton Athletic F.C.
  5. ↑ «Swansea City seal Conor Gallagher loan signing». Swansea City A.F.C.
  6. ↑ «Chelsea’s Conor Gallagher transfer decision explained». WalesOnline.
  7. ↑ «Gallagher signs new deal and completes Premier League loan». Chelsea F.C.
  8. ↑ «West Brom sign Chelsea’s Gallagher on loan». BBC Sport.
  9. ↑ «West Bromwich Albion 1–0 Sheffield United: Baggies move out of relegation zone with win». BBC Sport.
  10. ↑ «Chelsea opened the Premier League season with victory over Everton as Jorginho’s penalty decided a scrappy contest at Goodison Park». BBC Sport.
  11. ↑ «Conor Gallagher signs new Chelsea contract until 2026 with midfielder eyeing breakthrough season». Evening Standard.
  12. ↑ «Chelsea transfer news: Conor Gallagher, Trevoh Chalobah, Ian Maatsen & Armando Broja could leave for suitable offers». BBC Sport.
  13. ↑ «Conor Gallagher: Atletico Madrid hold talks with Chelsea over midfielder». BBC Sport.
  14. ↑ «Conor Gallagher: Chelsea accept Atletico Madrid’s offer midfielder». BBC Sport.
  15. ↑ «Chelsea transfer news: Conor Gallagher would not be starter under Enzo Maresca». BBC Sport.
  16. ↑ «Chelsea: Conor Gallagher agrees £33m Atletico Madrid move». BBC Sport.
  17. ↑ «Club Atlético de Madrid — Welcome, Conor Gallagher!». Club Atlético de Madrid.
  18. ↑ «Joao Felix joins Chelsea from Atletico Madrid as Conor Gallagher exits». BBC Sport.
  19. ↑ «Conor Gallagher joins Atlético Madrid as João Félix returns to Chelsea». The Guardian.
  20. ↑ Aston Villa transfer news: Conor Gallagher signing from Atletico Madrid being explored. Sky Sports (10.01.2026).
  21. ↑ Mokbel, Sami (12.01.2026) Conor Gallagher: Tottenham expect to complete £35m move for Atletico Madrid midfielder. BBC Sport.
  22. ↑ Conor Gallagher joins from Atletico Madrid. Tottenham Hotspur (14.01.2026).
  23. ↑ Skelton, Jack (14.01.2026) Tottenham sign Gallagher from Atletico for £35m. BBC Sport.
  24. ↑ «Gallagher called up as five miss out». BBC Sport.
  25. ↑ «Conor Gallagher makes senior England debut in San Marino romp». Crystal Palace F.C.
  26. ↑ «England 2-1 Switzerland: Player ratings as Conor Gallagher impresses and Harry Kane scores again at Wembley». Sky Sports.

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Конар_Галагер&oldid=2653632»